Ахъуыды кӕн, цӕуыл дзурдзынӕ, уый тыххӕй дӕ хъусджытӕ цы зонынц. Цы зонынц, уый сын ногӕй ма дзур, фӕлӕ сын баххуыс кӕн, цӕмӕй темӕмӕ ӕндӕр цӕстӕй ракӕсой.

Ӕрмӕг бацагур ӕмӕ йыл лӕмбынӕг ахъуыды кӕн. Цӕмӕй сӕйраг хъуыдытӕ бамбарын кӕнай, уый тыххӕй, гӕнӕн куы уа, уӕд-иу радзур, хъусджытӕ кӕй нӕ зонынц, ахӕм бӕлвырдгӕнӕнтӕ кӕнӕ ног хабӕрттӕ. Лӕмбынӕг ахъуыды кӕн, ӕрмӕг ӕмӕ, цы бӕлвырдгӕнӕнтӕ ӕрхӕсдзынӕ, уыдон куыд сбӕттай, ууыл.

Ӕмбарын кӕн, цы дзурыс, уый цы пайда у. Хъусджытӕн бамбарын кӕн, Библийы стихтӕ царды куыд баххуыс кӕндзысты. Ныхас кӕн, хъусджытӕ кӕй зонынц, ахӕм бӕлвырд уавӕртыл, хабӕрттыл ӕмӕ хъуыддӕгтыл.