Кӕд дӕ фӕнды, цӕмӕй Хуыцауы хӕлар уай, уӕд хъуамӕ хӕцай, Хуыцауы зӕрдӕмӕ цы дин цӕуы, ууыл. Йесо загъта, зӕгъгӕ, «ӕцӕг кувджытӕ» кувдзысты Хуыцауӕн «ӕцӕгадмӕ» гӕсгӕ (Иоанны 4:23, 24). Хуыцауӕн ис ӕрмӕстдӕр иу раст кувынад (Ефесӕгтӕм 4:4—6). Раст дин кӕны ӕнусон цардмӕ, мӕнг дин та — сӕфтмӕ (Матфейы 7:13, 14).

Раст дин базонӕн ис йӕ адӕммӕ гӕсгӕ. Иегъовӕ хорз Хуыцау у, ӕмӕ йӕ ӕцӕг лӕггадгӕнджытӕ дӕр хъуамӕ уой хорз. Раст хорз апельсинбӕлас хорз дыргътӕ куыд дӕтты, афтӕ ӕцӕг дин дӕр хицӕн кӕны хорз адӕмӕй (Матфейы 7:15—20).

Иегъовӕйы хӕлӕрттӕ тынг аргъ кӕнынц Библийӕн. Уыдон зонынц, Библи Хуыцау кӕй радта, уый. Уый сын ӕндавы сӕ цардыл, ӕххуыс сын кӕны сӕ зындзинӕдтӕ иуварс кӕнынӕн ӕмӕ Хуыцауы базонынӕн (2 Тимофеймӕ 3:16). Адӕмӕн цы дзурынц, уый сӕхӕдӕг дӕр аразынц.

Иегъовӕйы хӕлӕрттӕ уарзынц сӕ кӕрӕдзийы. Йесо йӕ уарзондзинад адӕммӕ ӕвдыста,  Хуыцауы тыххӕй сын кӕй дзырдта ӕмӕ рынчынты кӕй дзӕбӕх кодта, уымӕй. Раст диныл чи хӕцы, уыдон дӕр уарзынц иннӕ адӕмы. Йесойау уыдон дӕр мӕгуыртӕм ӕмӕ ӕндӕр адӕмыхӕттытӕм ӕнӕрвӕссон ахаст нӕ дарынц. Йесо загъта, зӕгъгӕ йын адӕм йӕ ахуыргӕнинӕгты базондзысты сӕ уарзондзинадӕй кӕрӕдзимӕ (Иоанны 13:35).

Хуыцауы хӕлӕрттӕ кад кӕнынц Хуыцауы ном Иегъовӕйӕн. Исчи дӕм дӕ номӕй куы нӕ дзурид, уӕд дӕ хорз хӕлар уаид? Ницы хуызы! Адӕймаг йӕ хӕлармӕ йӕ номӕй фӕдзуры ӕмӕ ма иннӕтӕн дӕр фӕдзуры йӕ хорздзинӕдты тыххӕй. Уӕдӕ Хуыцауы хӕлар уӕвын кӕй фӕнды, уыдон ӕм хъуамӕ дзурой йӕ номӕй ӕмӕ ма уый тыххӕй иннӕтӕн дӕр дзурой. Иегъовӕйы фӕнды, цӕмӕй афтӕ аразӕм (Матфейы 6:9; Ромӕгтӕм 10:13, 14).

Йесойау Хуыцауы хӕлӕрттӕ дӕр адӕмӕн дзурынц Хуыцауы Паддзахады тыххӕй. Хуыцауы Паддзахад у уӕларвон хицауад, ӕмӕ уый зӕххыл скӕндзӕн дзӕнӕт. Хуыцауы хӕлӕрттӕ адӕмӕн хъусын кӕнынц хорз уацхъуыд Хуыцауы Паддзахады тыххӕй (Матфейы 24:14).

Иегъовӕйы Ӕвдисӕнтӕ архайынц, цӕмӕй Хуыцауы хӕлӕрттӕ уой. Уыдон аргъ кӕнынц Библийӕн ӕмӕ уарзынц сӕ кӕрӕдзийы. Уыдон Хуыцаумӕ дзурынц йӕ номӕй ӕмӕ йӕ номӕн кад кӕнынц, стӕй адӕмӕн дзурынц Хуыцауы Паддзахады тыххӕй. Раст диныл абон хӕцынц Иегъовӕйы Ӕвдисӕнтӕ.