ХЪЫРГЪЫЗСТАНЫ сӕйраг горӕт Бишкекы бынӕттон ӕфсымӕртӕ ӕмӕ, ӕндӕр бӕстӕтӕй чи ӕрцыд, уыцы ӕфсымӕртӕ иу аз ӕмӕ ӕрдӕг ӕнӕрынцойӕ фыдӕбон кодтой, цӕмӕй филиалы кӕцыдӕр агъуыстытӕ рацарӕзтаиккой ӕмӕ ног агъуыстытӕ сарӕзтаиккой. 2015 азы 24 октябры, куыстытӕ куы фесты, уымӕй иу мӕйы фӕстӕ, филиалы агъуыстытӕ Йегъовӕйӕн снывонд кодтой. Уый фӕдыл цы сӕрмагонд программӕ уыд, уый трансляци кодтой 18 Паддзахады залмӕ ӕмӕ ма 5 ӕндӕр бынатмӕ. Программӕмӕ ӕдӕппӕтӕй байхъуыста 3 000 адӕймагӕй фылдӕр. Сӕйраг раныхас уыд Разамонӕг советӕй ӕфсымӕр Стивен Леттӕн. Йӕ раныхас хуынди «Йегъовӕйӕн ӕппӕт зӕрдӕйӕ лӕггад кӕн». Дыккаг бон та бӕстӕйы хъусынгӕнджытӕн сӕ фылдӕр байхъуыстой уырнындзинад фидаргӕнӕн программӕмӕ.

 2016 азы 14 майы, сабаты, Йегъовӕйӕн снывонд кодтой Сомихы филиал (6 уӕладзыджы 18-уӕладзыгон хӕдзары), Конгрессты зал ӕмӕ Хуыцауы Паддзахад хъусынгӕнджыты скъолайы агъуыстытӕ. Уый фӕдыл цы программӕ уыд, уымӕ байхъуыста 6 435 адӕймаджы. Программӕйы раныхӕстӕй хъусджытӕ базыдтой, Сомихы Йегъовӕйы лӕггадгӕнджыты истори цы гыццыл хъуыддӕгтӕй райдыдта, уый тыххӕй. Фыццаг сомихаг Ӕвдисӕнтӕ фӕзындысты Америкӕйы Иугонд Штатты 20 ӕнусы райдианы. Уыдон уыдысты, уырдӕм цӕрынмӕ чи алыгъд, уыцы сомихӕгтӕ. Стӕй Ӕвдисӕнтӕ фӕзынд Сомихы дӕр. Уый уыди 1970-ӕм азты ӕмбисы, бӕстӕ нырма Советон Цӕдисмӕ куы хауд, уыцы рӕстӕг. Ӕрӕджы Сомихы нӕ организаци регистраци скодтой, ӕмӕ дзы филиал фӕзынд. Программӕйы чи уыд, уыдоны уырнгӕ дӕр никуы бакодтаид, ахӕм диссаджы хабӕрттӕ сӕхи цӕстӕй кӕй фендзысты, уый. Ӕмӕ Разамонӕг советӕй ӕфсымӕр Дейвид Сплэйн сӕйраг раныхасы куы загъта, уыцы диссаджы агъуыстытӕ Йегъовӕйӕн кӕй нывонд кӕнӕм, уӕд къухӕмдзӕгъд нал ӕнцад.