Ацы фарсыл «Ӕвзаг равзар», зӕгъгӕ, куы ныххӕцай, уӕд фендзынӕ, кӕй дзы ис равзарӕн 300 ӕвзагӕй фылдӕр. Уыйбӕрц ӕвзӕгтӕ равзарӕн кӕм ис, ахӕм сайттӕ стӕм сты!

Цымӕ ӕндӕр зындгонд сайттӕ та цал ӕвзагыл сты? Ӕркӕсӕм-ма 2013 азы июлы бӕрӕггӕнӕнтӕм: Иугонд Нациты Организацийы сайт ис 6 ӕвзагыл; Евроцӕдисы сайт «Европӕ» ис 24 ӕвзагыл; Интернеты информаци агурӕн системӕ «Гугл» ис 71 ӕвзагыл ӕмӕ сайт «Википеди» та – 287 ӕвзагыл.

Цӕмӕй, сайты цы ӕрмӕг ис, уый 300 ӕвзагӕй фылдӕрмӕ тӕлмацгонд цӕуа, уый тыххӕй хъӕуы тынг бирӕ рӕстӕг. Уыцы хъуыддаг алыхуызон бӕстӕты аразынц сӕдӕгай Йегъовӕйы Ӕвдисӕнтӕ ӕмӕ сӕ фӕнды Йегъовӕ Хуыцауы кадджын кӕнын. Цӕмӕй сайты ӕрмӕг англисаг ӕвзагӕй ӕндӕр ӕвзӕгтӕм тӕлмацгонд цӕуа, уый тыххӕй алы ӕвзагыл дӕр арӕзт ӕрцыд сӕрмагонд къорд.

Сайты jw.org ис тынг бирӕ информаци ӕмӕ йӕ тӕлмац кӕнынц 300 ӕвзагӕй фылдӕрмӕ, ӕмӕ дзы ис тынг бирӕ фӕрстӕ – 200 000 фылдӕр!

Сайтмӕ jw.org тынг бирӕ адӕмӕн у сӕ бон бацӕуын, ӕмӕ ма сӕ зӕрдӕмӕ цӕугӕ дӕр кӕны. Уыцы хъуыддаг бӕлвырд кӕны, рейтингтӕ чи аразы, ахӕм системӕ, «Алексӕ» (Alexa), зӕгъгӕ. Уыцы системӕ рейтингтӕ аразы, ӕгас дунейы дӕр сайттӕм цас арӕх бацӕуынц, уымӕ гӕсгӕ. Цы категоритӕ дзы ис, уыдонӕй иу у «Дин ӕмӕ уырнындзинад», ис дзы 87 000 сайты бӕрц. Уыдоны нымӕцы сты дунейы сӕйраг динты ӕмӕ ма ӕндӕр ахӕм организациты сайттӕ. 2013 азы июлы бӕрӕггӕнӕнтӕм гӕсгӕ уыцы хыгъды сайт jw.org бацахста дыккаг бынат. Фыццаг бынаты ис иу коммерцион сайт – ис дзы ссарӕн Библийы алыхуызон тӕлмацтӕ.

Зӕгъӕм, 2013 азы октябры бӕрӕггӕнӕнтӕм гӕсгӕ сайтмӕ jw.org алы бон дӕр цыди 890 000 адӕймагӕй фылдӕр. Ацы сайты фӕрцы мах адӕмы дарддӕр дӕр зонгӕ кӕндзыстӕм Библиимӕ баст ахсджиаг информациимӕ.