Gatˈho nuˈu̱ yä página ˈne yä mfatsˈi pe̱ˈtsi jw.org ha nˈa rä computadora geˈä pe̱ˈtsi ˈnehe nˈa rä celular o tablet. Pe yä pantalla yä celular o tablet, hingä yä däta hänge po rängeˈä nuˈu̱ yä menu ˈne yä mfatsˈi hindi nheki mähye̱gi ngu ha nˈa computadora. Ma gä handihu̱ rˈa yä mfatsˈi pa dä za gi usa mänˈa xä ñho jw.org dende ha ri celular o tablet.

•  Hanja dä za gi usa nuˈu̱ yä menu

•  Hanja dä za gi hyandi yä temä o yä ntheke de nˈa rä he̱ˈmi

•  Hanja dä za gi hñeti rä Mäkä Tˈofo ha Internet

•  Hanja dä za gi yˈo̱de yä audio

Ha nˈa rä computadora nuˈu̱ yä menu o yä mfatsˈi nzäntho ma gi hyandi de gä mˈai nˈandi de rä pantalla. ˈNe nuˈu̱ märˈa yä temä ma gi hyandi ge xä njati asta mäñä de rä página.

Pe ha yä celular o tablet nuˈu̱ yä temä, yä menu o märˈa yä mfatsˈi di nheki de gä njati ˈne nuˈmu̱ ya hingi usa, nuˈu̱ yä menu di ñˈägi pa dä nheki mänˈa xä ñho näˈä ri pantalla.

• Umbi clic ha rä Menu pa gi kotˈi o pa gi xoki nuˈu̱ yä menu. Mu̱ gi umbi clic ha nˈa rä ntheke, ma dä xogi näˈä página ha fu̱di näˈä nthekeˈä.

• Pa gi hyandi te ja ha kada nˈa rä ntheke umbi clic habu̱ enä Xoki. Mu̱ gi umbi clic ha nˈa rä ntheke, ma dä xogi näˈä página ha fu̱di näˈä nthekeˈä.

• Pa ya hindä nheki näˈä menu umbi clic habu̱ enä Kotˈi.

• Mu̱ gi umbi clic habu̱ enä JW.ORG ma dä xogi näˈä página habu̱ fu̱di.

• Mu̱ gi umbi clic habu̱ enä Huahni nˈa idioma ma dä nheki nˈa rä lista de gatˈho nuˈu̱ yä idioma ja.

• Mu̱ gi umbi clic habu̱ enä Hyoni ma dä za gi tini näˈä di jaˈä mˈe̱di.(Nunä mfatsˈi tobe hingi ja de gä Ñhähñu.)

Ha nˈa computadora dä za gi hyandi näˈä hutsˈi näˈä he̱ˈmi mientra gi heti nˈa rä temä, pe ha yä celular ˈne ha yä tablet hingi njabu̱.

• Umbi clic habu̱ enä ˈÑudi näˈä hutsˈi pa gi pädi te mä temä hutsˈi näˈä he̱ˈmi. Mu̱ gi umbi clic ha nˈa de nuˈu̱ yä temä, nuˈmu̱ ma dä za gi hyandi gatˈho näˈä rä temä o ntheke.

• Pa gi hyandi nˈa temä o ntheke näˈä ja änte de näˈä gi heti umbi clic habu̱ enä Pengi.

• Pa gi hyandi nˈa temä o ntheke näˈä ja mˈe̱fa de näˈä gi heti umbi clic habu̱ enä Thogi ha mä nˈaa.

• Umbi clic habu̱ enä Kotˈi pa ya hingi hyandi te hutsˈi näˈä he̱ˈmi, pa njabu̱ gi sigi gi hñeti näˈä temä o ntheke ya xkä xoki.

Umbi clic habu̱ enä YÄ HE̱ˈMI > MÄKÄ TˈOFO ˈnepu̱ habu̱ enä Huahni nˈa idioma ˈne umbi clic habu̱ enä Hyoni, ˈne nubye̱ umbi clic habu̱ enä Leer en línea. O ˈnehe ngu gi ku̱tˈi ha nunä luga umbi clic habu̱ enä «Hñeti rä Mäkä Tˈofo ha nunä luga», Huahni nˈa idioma ˈne umbi clic habu̱ enä Hyoni.

Umbi clic habu̱ enä Barra de navegación de rä Mäkä Tˈofo, huahni nˈa rä mfistˈofo ˈne nˈa rä mˈede ˈne umbi clic habu̱ enä Buscar.

Ngu gi hñeti näˈä rä mˈede gä huahni, näˈä rä Barra de navegación ma dä nheki nˈandi de näˈä Barra del menú pa njabu̱ hindä jaˈi xä ñhei gi thogi ha näˈä mä nˈa rä mˈede.

• Mu̱ gi ne dä nheki ha gatˈho rä pantalla näˈä rä mˈede gi heti umbi clic habu̱ enä Quitar pa dä mˈe̱di näˈä rä Barra de navegación. Pa gi thogi ha mä nˈa rä mˈede mähyoni gi po̱tsˈe asta mäñä o gi käi asta hai.

• Umbi clic habu̱ enä Mantener pa dä za gi hyandi näˈä rä Barra de navegación.

• Umbi clic habu̱ enä Mostrar índice pa gi hyandi yä thuhu nuˈu̱ yä mfistˈofo de rä Mäkä Tˈofo.

• Pa gi hyandi näˈä rä mˈede mi ja änte de näˈä gi heti umbi clic habu̱ enä Anterior.

• Pa gi hyandi näˈä mˈede ja mˈe̱fa de näˈä gi heti umbi clic habu̱ enä Siguiente.

• Umbi clic habu̱ enä Ocultar índice pa ya hingi hyandi näˈä rä indise rä Mäkä Tˈofo.

Mu̱ näˈä rä he̱ˈmi gi heti ja de gä audio nuˈmu̱ nguntˈä ma dä nhekise̱ näˈä rä Barra de audio.

• Umbi clic habu̱ enä Yˈo̱de pa dä mu̱di näˈä rä audio.

• Mu̱ gi umbi clic ha näˈä kˈoi ngu nunä, ma dä Ntsaya näˈä ri audio. Pa gi pengi gi yˈo̱de näˈä ri audio umbi clic mänˈaki habu̱ enä Yˈo̱de.

• Ko nunä mfatsˈi nuˈi dä za gi japi dä mengi o dä thogi asta habu̱ go gi ne gi yˈo̱de näˈä ri audio.

Mu̱ ya bi mu̱di näˈä rä audio, nuˈi dä za gi käi o gi po̱tsˈe ˈne näˈä rä Barra de audio hingä ma dä mˈe̱di. Njabu̱, ma dä za gi japi dä ntsaya o gi sigi gi yˈo̱de ri audio nsinke gi ˈme̱di näˈä gi heti.