AUSTRALIA: Näꞌä rä periodiko The Sydney Morning Herald ha näꞌä edición bi bo̱ni ha näꞌä rä pa 2 de rä zänä oktubre de rä je̱ya 2012, bi yꞌofo njaua: «Nuꞌu̱ yä testigo rä Jeoba di hñeni mänꞌa di hogi nguntꞌä ke nuꞌu̱ märꞌa yä jäꞌi». Ha nuꞌu̱ yä Testigo hindi siꞌtpäbi yä ji po näꞌä rä relijion o jamfri pe̱ꞌtsi.

Näꞌä rä periodiko bi no̱ni näꞌä rä xahnäte James Isbister de la Escuela de Medicina de Sydney (Universidad de Sydney), nuꞌmu̱ bi ꞌñenä: «Näꞌä rä xahnäte Isbister bi mää ge mänꞌa xä ñho nuꞌmu̱ yä mediko honi te mä ꞌñethi dä tꞌumbäbi yä testigo rä Jeoba, pa njabu̱ hindä ꞌme̱di ndunthi yä ji. ꞌNe mäske hingi siꞌtpäbi rä ji nuyu̱ hingi tu, ꞌne hingi kohi ndunthi yä pa ha rä hospital ja ngu nuꞌu̱ märꞌa yä jäꞌi hää di siꞌtpäbi yä ji ha yä ndoyꞌo nuꞌmu̱ di opera».

Pe hingä ho̱nse̱ rä mediko Isbister di mbeni njabu̱. ꞌNehe de nuꞌu̱ yä testigo rä Jeoba bi njapi nꞌa operasio ha yä koraso, näꞌä rebista Archives of Internal Medicine, ha näꞌä edición bi bo̱ni ha näꞌä rä pa 13 de rä zänä agosto de rä je̱ya 2012 bi yꞌofo njaua: «Nuꞌu̱ yä Testigo himbi mu̱ntsꞌi ꞌne himbi gohi ndunthi yä pa ha rä hospital ja ngu nuꞌu̱ yä jäꞌi hää bi siꞌtpäbi yä ji ha yä ndoyꞌo».