19-25 de rä febrero
SALMOS 8-10
Rä jähñä 2 ꞌne rä sadi | Mää te ma gä pädihu̱ (1 min.)
1. «Ma gä nsundaꞌi Jeoba»
(10 min.)
Rä Zi Dada Jeoba xa rä hojäꞌi kongekhu̱ (Sl 8:3-6; w21.08-S rä nxii 3, rä parr. 6).
Nuju̱ xa di ho gä nsundahu̱ rä Zi Dada Jeoba, hänge di xipäbihu̱ märꞌa yä jäꞌi de nuꞌu̱ yä hogä tꞌo̱tꞌe xä hyoki (Sl 9:1; w20.05-S rä nxii 23, rä parr. 10).
ꞌNehe di nsundahu̱ rä Zi Dada Jeoba ora di tutuäbihu̱ yä jähñä ko rä johya ꞌne ko ngatꞌho mä korasohu̱ (Sl 9:2; w22.04 rä nxii 7, rä parr. 13).
ÑꞌANISE̱: «¿Jabu̱ märꞌa yä forma de hanja dä za gä nsunda rä Zi Dada Jeoba?».
2. Hyoni hanja dä maxꞌäꞌi rä Noya Äjuä
(10 min.)
-
Sl 8:3. ¿Te ne dä mää nunä testo ora enä «xkä hyoki ko ri dedo»? (it-1-S rä nxii 649).
-
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä Mäkä Tꞌofo
(4 min.) Sl 10:1-18 (th rä lección 11).
4. Fu̱di gi ñäui yä jäꞌi
(3 min.) PREDIKA HA YÄ NGUU. Näꞌä jäꞌi ma dä ꞌñenä ge hingi kamfri Äjuä (lmd rä lección 5 rä punto 4).
5. Tso̱ni mänꞌaki yä jäꞌi
(4 min.) PREDIKA HABU̱ GATꞌHO GI YꞌO. Näꞌä rä mu̱di mꞌiki gä ñäui näꞌä jäꞌi bi ꞌñenä ge hingi kamfri Äjuä, pe ꞌmu̱i dispuesto dä hyandi te mä prueba ja ge hää ꞌmu̱i nꞌa rä Hyokäte (th rä lección 7).
6. Discurso
(5 min.) Usa rä w21.06-S yä nxii 6, 7, yä parr. 15-18. Título: Fatsꞌi ri estudiante pa dä nsunda ꞌnehe rä Zi Dada Jeoba (th rä lección 10).
Rä jähñä 10
7. ¿Hanja dä za gi fu̱di gi mplatika ko yä jäꞌi pa gi predika habu̱ gatꞌho gi yꞌo?
(10 min.) Yꞌapäbi rä mfatsꞌi nuꞌu̱ xä ntini.
Nuju̱ dä za gä nsundahu̱ rä Zi Dada Jeoba ora di predikabihu̱ nuꞌu̱ yä zi jäꞌi di nthe̱ꞌmehu̱ habu̱ gatꞌho di yꞌohu̱ (Sl 35:28). Zäi ge rꞌabu̱ di ntsahu̱ o di tsuhu̱, pe̱ mu̱ rꞌamätsꞌu̱ gä nxadihu̱ gä mplatikahu̱ ko yä jäꞌi, mꞌe̱fa ya hingä ma dä jakägihu̱ xä ñhei gä predikabihu̱.
Yꞌe̱ntsꞌihu̱ rä BIDEO Xa dä ñhoki pa gi predikabi rä Noya Äjuä—Ogi hopi dä thogi yä oportunida. Mꞌe̱fa yꞌo̱tꞌe nunä rä ntꞌani:
¿Te gä handi ha nunä bideo ꞌne hanja ma dä maxꞌäꞌi pa gi predikabi yä jäꞌi habu̱ gatꞌho gi yꞌo?
Jaua rꞌa yä idea de hanja dä za gi fu̱di gi mplatika ko yä jäꞌi:
-
Dende gi po̱ni de ri nguu, xa dä jamäsu nuꞌu̱ yä oportunida dä za gi pe̱ꞌtsi pa gi mplatika ko yä jäꞌi. ꞌNehe xatuäbi rä Zi Dada Jeoba ꞌne yꞌapäbi ge dä maxꞌäꞌi gi tini nuꞌu̱ yä zi jäꞌi xa mäjuäni ne dä bädi de Geꞌä.
-
Ñhojäꞌi ꞌne ꞌñudi ge gi turimu̱i po nuꞌu̱ yä zi jäꞌi gi nthe̱ui. Jamäsu näꞌä pe̱fi o näꞌä xiꞌi pa gi hyandi ngu te dä hogi gi ꞌñuti de rä Biblia.
-
Hyandi mu̱ dä za gi umbäbi ri dirección o ri numero de gä telefono ꞌne gi yꞌapäbi rä me̱ti ꞌnehe.
-
Ogi turimu̱i mu̱ rä platika nguntꞌä bi uadi ꞌne ya himbi za gä predikabi.
-
Pa dä hyandi ge gi turimu̱i po geꞌä, mbeni de te gä mplatikahu̱ ꞌne pe̱mpäbi nꞌa rä testo de rä Biblia o nꞌa rä link de nꞌa rä imformäsio näꞌä ehe ha jw.org.
Näꞌä dä hogi gi pe̱fi: Mu̱ toꞌo dä yꞌañꞌäꞌi: «¿Te gä pe̱fi mä nsabdo?», o «¿te gä pe̱fi mä ndomingo?». Petuäbi te gä pädi ha rä mhuntsꞌi, o xipäbi ge ha nuꞌu̱ yä paꞌu̱ nuꞌi gi uti yä zi jäꞌi de rä Biblia.
8. Habu̱ di japä mꞌe̱di dä mpe̱fi rä mhuntsꞌi
(5 min.)
9. Ntꞌudi de rä Mäkä Tꞌofo ha rä mhuntsꞌi
(30 min.) bt rä ntheke 4, yä parrafo 1-8.
