PROGRAMÄ PA YÄ MHUNTSˈI Märso de rä 2018
Njaua dä za gi predika
Hanja dä za gä predikahu̱ ko rä imbitasio pa rä Fenäte ꞌne gä usahu̱ nuya yä ntꞌani: ¿Por hanja bi du rä Hesu? ¿Hanja di benefisiagihu̱ näꞌä rä te bi uni rä Hesu?
YÄ TESORO DE RÄ NOYA ÄJUÄ
«Mu̱ nꞌa de geꞌähu̱ gi nehu̱ gi ndängihu̱, mähyoni gi mꞌe̱gohu̱»
¿Di o̱thu̱ ntsꞌe̱di po gä kumplihu̱ ho̱nse̱ ko nuꞌu̱ yä privilegio eskägihu̱ mä nsuhu̱? Toꞌo yä umilde hingi to̱ꞌmi ge märꞌaa dä ꞌñeꞌspäbi rä nsu po näꞌä pe̱fi.
YÄ TESORO DE RÄ NOYA ÄJUÄ
Nuꞌu̱ yoho yä däta mhända xa mähyoni gä pe̱fihu̱
¿Por hanja bi mää rä Hesu ge gehya yoho yä däta mhända? ¿Hanja dä za gä udihu̱ ge di kumplihu̱ ko nuya yoho yä däta mhända?
MÄ MꞌU̱IHU̱ NGU YÄ KRISTIANU
Hanja dä za gä potꞌihu̱ rä mhäte po Äjuä ꞌne po mä mikꞌeihu̱
Pe̱ꞌtsi te gä mädihu̱ Äjuä ꞌne mä mikꞌeihu̱. Pa gä pe̱ꞌtsihu̱ nunä mhäte, mähyoni gä hetihu̱ hyaxtho rä Mäkä Tꞌofo.
YÄ TESORO DE RÄ NOYA ÄJUÄ
Ha nuya yä gäxä pa di ꞌmu̱hu̱, ogi hopi dä distraeꞌi märꞌa yä tꞌo̱tꞌe
Ndunthi yä jäꞌi mänꞌa tuyämu̱i po nuꞌu̱ yä tꞌo̱tꞌe di ofrese nunä xiꞌmhai en lugar de dä hyoni Äjuä. ¿Hanja udi ge di nꞌañꞌo nuꞌu̱ xa mäjuäni yä kristianu?
MÄ MꞌU̱IHU̱ NGU YÄ KRISTIANU
Ya ꞌmu̱i xa getbu̱ rä fin de gatꞌho nuꞌu̱ yä tsꞌo tꞌo̱tꞌe
¿Hanja näꞌä bi mää rä Hesu udi ge ya di ꞌmu̱ihu̱ ha nuꞌu̱ yä pa de rä fin? Nunä rä ntꞌani ꞌne märꞌaa, ehe yä mpengi ha rä bideo Ya ꞌmu̱i xa getbu̱ rä fin de gatꞌho nuꞌu̱ yä tsꞌo tꞌo̱tꞌe.
YÄ TESORO DE RÄ NOYA ÄJUÄ
«Ñhokihu̱ ꞌne ndo̱ꞌmihu̱»
¿Toꞌo di representa rä nobio, nuꞌu̱ yä nxutsi ja yä mfädi ꞌne nuꞌu̱ yä nxutsi hingi ja yä mfädi? ¿Hanja faxꞌäꞌi gi ntiende nunä ejemplo bi usa rä Hesu?
MÄ MꞌU̱IHU̱ NGU YÄ KRISTIANU
Hanja dä za gä uñhu̱ ntꞌo̱de mänꞌa xä ñho: ꞌÑuti nuꞌu̱ ri estudio hanja dä ñhoki ko rä imformasion
Ora ja ma dä mu̱di dä estudia nꞌa rä jäꞌi, mähyoni gä utihu̱ hanja dä za dä ñhoki ko näꞌä rä imformasion. ¿Hanja dä za gä jahu̱?
