YÄ TESORO DE RÄ NOYA ÄJUÄ
Sigi gi ꞌñudi ge xa mäjuäni gi mädi Jeoba
[Yꞌe̱ntsꞌihu̱ rä bideo Te hutsꞌi ha Job].
Rä Zithu bi ꞌñenä ge Job mi pe̱päbi rä Zi Dada Jeoba ngeꞌä mi häni yä jäpi (Job 1:8-11; w18.02-S rä nxii 6, yä parr. 16, 17).
Rä Zithu enä ge nuju̱ ꞌnehe hingä xa mäjuäni di mädihu̱ Jeoba (Job 2:4, 5; w19.02-S rä nxii 5, rä parr. 10).
Rä Zi Dada Jeoba xä rꞌakägihu̱ kada nꞌa de gekhu̱ rä oportunida pa gä udihu̱ ge rä Zithu näꞌä nꞌa rä kꞌuamba (Pr 27:11). Di udihu̱ ge xa mäjuäni di mädihu̱ Jeoba ora hindi ꞌuegehu̱ de Geꞌä, tanto ora di ꞌmu̱ihu̱ xä ñho ngu nuꞌmu̱ di thogihu̱ yä xuñha.
