1. Mi mꞌu̱kua rä Hesu ko yä mexiꞌmhai

bi mädi ꞌne bi ꞌñudi rä umilda.

ꞌNe mäske Jeoba go geꞌä xki me̱hni

näꞌä nzäntho bi me̱päbi yä jäꞌi.

2. Rä Hesu bi ꞌñembäbi yä zi jäꞌi:

“Guä ehu̱ kongeki, ma gä faxꞌähu̱.

Hyanthu̱ ge ma dä mpadi ri ꞌmu̱ihu̱.

ꞌne asta ma dä xaha ri mfenihu̱”.

3. Rä Hesu bi ꞌñenä: «Gatꞌho gri nkuhu̱».

Ora ja yä xuñha, nguntꞌä mfatsꞌihu̱

Jeoba enju̱ ge hingä ꞌñexmänsuhu̱;

pa nzäntho gä ꞌmu̱hu̱ mu̱ gä o̱tehu̱.