RÄ JÄHÑÄ 18
Jamädi po näꞌä rä njutꞌi
-
1. Ha ri thandi, Äjuä Jeoba,
di muntsꞌihe,
pa gä benihe ri
däta tꞌo̱tꞌe gä mhäte.
Ngu nꞌa rä regalo gä
uni ri zi Tꞌu̱.
Joꞌo mä nꞌa toꞌo dä
mäkägihe njabu̱.
(CORO)
Rä ji rä Hesu bi fani.
Bi du po gatꞌho yä jäꞌi.
Nubye̱ ꞌne nzäntho
ma gä rꞌaꞌähe rä njamädi.
-
2. Rä Hesu ndunthi bi mädi
yä mexiꞌmhai,
ꞌne bi unise̱ rä te pa
bi gutꞌi rä thai.
Nuꞌmu̱ bä ehe bi rꞌakhe
nꞌa rä humu̱i,
nubye̱ ya hindä nja
rä du nixi rä dumu̱i.
(CORO)
Rä ji rä Hesu bi fani.
Bi du po gatꞌho yä jäꞌi.
Nubye̱ ꞌne nzäntho
ma gä rꞌaꞌähe rä njamädi.
(Hyandi ꞌnehe Heb. 9:13, 14; 1 Ped. 1:18, 19.)