RÄ JÄHÑÄ 3
Go geꞌi mä tsꞌe̱di, mä humu̱i ꞌne mä mfatsꞌi
-
1. Näꞌä xkä prometegi, Jeoba,
di hubgä mä mu̱i.
Nunä mä humu̱i gi rꞌaki
märꞌa gä xipäbi.
Pe ora tso̱kägi yä xuñha,
ꞌne di pe̱ꞌtsi yä dumu̱i.
Mä jamfri ꞌñenä di huetꞌi
di tse̱gi mä humu̱i.
(CORO)
Mä humu̱i, mä tsꞌe̱di
¡go geꞌi, Jeoba!
ꞌNe nzäntho ma gi faxkägi.
Pa di ungä ntꞌo̱de
xa di kamfriꞌi.
Nuꞌi go geꞌi, mä mfatsꞌi.
-
2. Faxkägi, po rä mäte, Jeoba,
pa nunka gä pumfri
ge xkä rꞌakägi ri mfatsꞌi
nuꞌi xkä ñängägi.
Ri Noya dä za dä umbäbi
rä tsꞌe̱di mä koraso
pa gä nsundaꞌi ri thuhu
habu̱ gatꞌho di yꞌo.
(CORO)
Mä humu̱i, mä tsꞌe̱di
¡go geꞌi, Jeoba!
ꞌNe nzäntho ma gi faxkägi.
Pa di ungä ntꞌo̱de
xa di kamfriꞌi.
Nuꞌi go geꞌi, mä mfatsꞌi.
(Hyandi ꞌnehe Sal. 72:13, 14; Prov. 3:5, 6, 26; Jer. 17:7.)
