RÄ JÄHÑÄ 7
Jeoba go geꞌä di rꞌakägi rä tsꞌe̱di
-
1. Nuꞌi gi pe̱ꞌtsi gatꞌho rä tsꞌe̱di
gi sugägi, nuꞌi mä Ñänteꞌi;
ꞌne mäske hinto ne dä yꞌo̱xkägi
ma gä predikabi yä zi jäꞌi.
(CORO)
Zi Dada Jeoba, xa di mäꞌäꞌi,
ma gä predika ko rä so̱ni.
Nuꞌi gi faxkägi, gi ñängägi,
go geꞌi gi rꞌakägi rä tsꞌe̱di.
-
2. Ngu nꞌa rä ñotꞌi geꞌä ri Noya,
näꞌä di yotꞌi mä ꞌñuu, oh Jeoba.
Nuꞌmu̱ di heti rä Mäkä Tꞌofo,
ndunthi di johyagi mä koraso.
(CORO)
Zi Dada Jeoba, xa di mäꞌäꞌi,
ma gä predika ko rä so̱ni.
Nuꞌi gi faxkägi, gi ñängägi,
go geꞌi gi rꞌakägi rä tsꞌe̱di.
-
3. Nu rä Zithu o̱tkägi yä ntsꞌomꞌu̱i,
pe nzäntho gi faxkägi, hindi tsu.
ꞌNe mäske toꞌo dä za dä hyogi,
nuga gä pe̱pꞌäꞌi asta rä fin.
(CORO)
Zi Dada Jeoba, xa di mäꞌäꞌi,
ma gä predika ko rä so̱ni.
Nuꞌi gi faxkägi, gi ñängägi,
go geꞌi gi rꞌakägi rä tsꞌe̱di.
(Hyandi ꞌnehe 2 Sam. 22:3; Sal. 18:2; Is. 43:12.)