RÄ JÄHÑÄ 78
Di utihu̱ yä zi jäꞌi de rä Noya Äjuä
-
1. Di pe̱ꞌtsihu̱ nꞌa rä ꞌme̱fi
näꞌä xa mähotho:
di utihu̱ yä zi jäꞌi
de rä Mäkä Tꞌofo.
Di de̱mbäbihu̱ rä mꞌu̱i
rä hmäkä Tꞌu̱ Äjuä,
ko rä mhäte ꞌne rä pasensia
bi ꞌñutuäbi märꞌaa.
-
2. Pa dä za gä uñhu̱ ntꞌo̱de
de rä Noya Jeoba,
mꞌe̱tꞌo ma gä nxadise̱hu̱
ndaꞌä rä bolunta.
ꞌNe pe̱ꞌtsi te gä ntso̱ꞌmihu̱
näꞌä di nxadihu̱,
ngeꞌä näꞌä di mäñhu̱ ehe
de mä korasohu̱.
-
3. Ma gä apäbihu̱ Jeoba
ge dä maxkägihu̱.
Näꞌä dä rꞌakhu̱ rä tsꞌe̱di
mu̱ di pe̱päbihu̱.
Di ho gä utꞌhu̱ yä jäꞌi
de rä Noya Äjuä,
di to̱ꞌmihu̱ ge nuꞌu̱ mꞌe̱fa
dä ꞌñutuäbi märꞌaa.
(Hyandi ꞌnehe Sal. 119:97; 2 Tim. 4:2; Tito 2:7; 1 Juan 5:14.)
