Näꞌä xa mäjuäni rä te
Descarga:
1. Dä za gi hyandi ge ya gi ꞌmu̱hni,
ya bi mꞌe̱di yä tuhni ꞌne yä mbidi.
¿Gi o̱de yä bätsi?
ko rä johya nuꞌu̱ di nextꞌihi.
Gi yꞌoni ha nꞌa rä rꞌayꞌo xiꞌmhai,
hyaxtho ma gi hyandi rä mhäte Jeoba
ꞌne habu̱ gatꞌho gi yꞌo
di nheki gatꞌho ya xa mähotho.
Ko mä jamfrihu̱
ya dä za gä handihu̱
nꞌa rä rꞌayꞌo xiꞌmhai.
(CORO)
Näꞌä mä humu̱ihu̱
faxkägihu̱ pa gä ze̱tihu̱
ꞌne rꞌakägihu̱ nu rä tsꞌe̱di
mu̱ di ñhandäse̱hu̱
ha rä rꞌayꞌo xiꞌmhai.
2. Dä za gi hyandi ge ya gi ꞌmu̱hni,
ja yä ñhuni ꞌne yä luga xa mähotho.
Gi ꞌmu̱i ha ri ngu
ꞌne dende gehni ya gi handi
nꞌa de nuꞌu̱ ri jäꞌi
ya o̱tꞌe xa ndunthi de bi du,
ꞌne xa gi nextꞌihi
pa gi nthe̱ui ꞌne ya xki tu gi hu̱fi.
Ko mä jamfrihu̱
ya di handihu̱
nꞌa rä rꞌayꞌo xiꞌmhai.
(CORO)
Näꞌä mä humu̱ihu̱
faxkägihu̱ pa gä ze̱tihu̱
ꞌne rꞌakägihu̱ nu rä tsꞌe̱di
mu̱ di ñhandäse̱hu̱
ha rä rꞌayꞌo xiꞌmhai.
(PUENTE)
Näꞌä xä mängä Jeoba
mänꞌitꞌho ma dä thogi njabu̱.
Ma gä hanthu̱ ge mäjuäni
xti kumpli näꞌä xä ñätkägihu̱.
(CORO)
Näꞌä mä humu̱ihu̱
faxkägihu̱ pa gä ze̱tihu̱
ꞌne rꞌakägihu̱ nu rä tsꞌe̱di
mu̱ di ñhandäse̱hu̱
ha rä rꞌayꞌo xiꞌmhai,
ha rä rꞌayꞌo xiꞌmhai,
ha rä rꞌayꞌo xiꞌmhai,
ha rä rꞌayꞌo xiꞌmhai.