YÄ ACOMODADOR. Yä acomodador xä thutsꞌi pa dä maxꞌäꞌi. Jamäsu nuꞌu̱ yä instrucción dä rꞌaꞌi tanto ha rä estacionamiento, ha yä pasillo, ora gi ꞌueke yä thuhni o ha märꞌa yä asunto.

NXIXTEHE. Nuꞌu̱ yä thuhni ja asta ndelante de rä plataforma, geꞌu̱ xä tꞌeke pa nuꞌu̱ yä ku ma dä nxixtehe. Mu̱ ma gi nxixtehe, mähyoni gi hñudi ha nuya yä luga näꞌä nsabdo de di xudi, änte de dä mu̱di rä discurso de gä nxixtehe. ꞌNehe, debe gi hñätsꞌi ri toalla ꞌne gi huahni xä ñho te mä dutu ma gi usa.

YÄ DONÄSIO. Pa gä pe̱ꞌtsihu̱ nunä däta mhuntsꞌi xä tꞌo̱tꞌe ndunthi yä gasto, xä nrenta yä thuhni, yä pantalla, rä sonido ꞌne märꞌa yä tꞌo̱tꞌe; pa njabu̱ gä disfrutahu̱ de nunä däta mhuntsꞌi ꞌne pa mänꞌa dä ze̱di mä ntsitsꞌihu̱ ko Äjuä. Nuꞌu̱ yä donäsio gi unihu̱ faxte pa drä jutꞌi nuya yä gasto. ꞌNehe dri ñꞌusa pa drä jutꞌi näꞌä mä mäkä ꞌme̱fihu̱ di tꞌo̱tꞌe po gatꞌho rä Xiꞌmhai. Xä thutsꞌi yä kaha de gä donäsio ha ndunthi yä luga de rä auditorio. Di jamädihe ndunthi po gatꞌho nuꞌu̱ yä donäsio gi unihu̱ donate.pr418.com. Rä Cuerpo Gobernante di jamädiꞌihu̱ po gatꞌho näꞌä rä mfatsꞌi gi umbäbihu̱ rä Tsꞌu̱tꞌhui Äjuä.

PRIMEROS AUXILIOS. Nunä departamento xä thutsꞌi ho̱nse̱ pa yä emergencia.

NUꞌU̱ YÄ KOSA XÄ MꞌE̱DI. Mu̱ gi tini nꞌa rä kosa näꞌä xä mꞌe̱di, hñätsꞌi habu̱ bi ja nunä departamento. Mu̱ go te xkä ꞌme̱di, gi ma gi ñꞌani ha nunä departamento. ꞌNehe ja di debe gi tsitsꞌiua nuꞌu̱ yä bätsi xä mꞌe̱di. Nunä departamento hinxä thutsꞌi pa dä su yä bätsi, hänge po rä mäte, suhu̱ ri bätsihu̱ ꞌne ogi he̱gihu̱ dä ñꞌobu̱se̱.

YÄ THUHNI. ꞌÑudi rä tꞌekꞌei ꞌne rä mhäte po märꞌaa. Dä za gi ꞌueke yä thuhni ho̱nse̱ pa ri familia, pa nuꞌu̱ gi ñꞌoui ha ri karro, o pa nuꞌu̱ yä jäꞌi gi umbi rä curso de rä Mäkä Tꞌofo. Po rä mäte, ogi ꞌueke yä thuhni mu̱ hingä ma gi usa.

TOꞌO NE DÄ MFAXTE. Mu̱ gi ne gi mfaxte de gä boluntario ha rä däta mhuntsꞌi, gi ma ha nunä departamento pa dä siꞌi habu̱ dä za gi mfaxte.