Rä karta de rä Cuerpo Gobernante
Nuꞌähu̱ «ya di debehmä gi nxahnätehu̱» (Heb. 5:12, TNM). ¡Imäjinähu̱! Jeoba, näꞌä rä Däta Xahnäte de gatꞌho rä Xiꞌmhai, di mbitagihu̱ gä utihu̱ märꞌa näꞌä xtä pädihu̱ de geꞌä. Xi nꞌa rä däta nsu ꞌne nꞌa rä däta responsabilida gä udihu̱ näꞌä xa mäjuäni de Jeoba, tanto ha mä familiahu̱, ha rä mhuntsꞌi ꞌne ha rä predicación. Pe, ¿hanja dä za gä jahu̱?
Hyandi te bi yꞌopäbi rä apostol Pablo rä Timoteo: «Sigi gi yꞌo̱tꞌe ntsꞌe̱di po gi hñeti mänꞌa xä ñho ndelante de märꞌaa, umbäbi yä tsꞌofo, ꞌne ꞌñutuäbiꞌu̱». ꞌNepu̱ bi ꞌñembäbi: «Mu̱ gi pe̱fi njabu̱ ma gi ñäni ri te ꞌne yä te nuꞌu̱ toꞌo dä yꞌo̱xꞌäꞌi» (1 Tim. 4:13, 16, TNM). Näꞌä mensaje di predikahu̱ ñämbäbi yä te yä jäꞌi. Hänge xa mähyoni gä o̱thu̱ ntsꞌe̱di po gä hetihu̱ ꞌne gä udihu̱ mänꞌa xä ñho. Nunä foyeto ma dä maxꞌäꞌi pa gi kumpli ko nunä responsabilida. Gehya rꞌa de nuꞌu̱ yä mfatsꞌi ehe ha nunä foyeto:
Hutsꞌi nꞌa rä testo de rä Mäkä Tꞌofo habu̱ di tinihu̱ nꞌa rä tsꞌofo o nꞌa rä ejemplo de näꞌä lección di tokagihu̱.
Rä Zi Dada Jeoba go geꞌä rä «Däta Xahnäte» (Is. 30:20). Ko rä mfatsꞌi nunä foyeto, nuꞌi ma gi pädi gi hñeti ꞌne gi ꞌñudi mänꞌa xä ñho. Pe mähyoni gi beni ge näꞌä mensaje di predikahu̱ bi ehe de Jeoba ꞌne ge go geꞌä japi ge yä jäꞌi dä uatꞌi kongeꞌä (Juan 6:44, TNM). Po rängeꞌä, mähyoni ge nzäntho gä apäbihu̱ rä espiritu santo. Ora gi uti märꞌaa, usa rä Mäkä Tꞌofo. ꞌNehe, nzäntho hyoni gi ꞌñeꞌspäbi rä nsu Jeoba ꞌne ogi exäse̱ ri nsu. Yꞌo̱tꞌe ntsꞌe̱di po gi fatsꞌi nuꞌu̱ toꞌo o̱xꞌäꞌi, pa dä zo̱ho̱ dä mädi rä Zi Dada Jeoba.
Rä Zi Dada Jeoba xä mbitaꞌi pa gi ungä ntꞌo̱de nuꞌu̱ yä rꞌayꞌo hogä noya de rä Tsꞌu̱tꞌhui. Pa dä za gi kumpli ko nunä asignación, mähyoni gi hyopäbi ge Äjuä dä maxꞌäꞌi po mäde de rä espiritu santo (1 Ped. 4:11, TNM).
Ri kuhu̱ nuꞌu̱ di mpe̱fi kongeꞌähu̱,
Rä Cuerpo Gobernante de yä Testigo rä Jeoba
