RÄ LECCIÓN 11
¿Te dä za gi pe̱fi pa gi tini rä johya ora gi nxadi rä Biblia?
¿Nꞌa rä pa xä tꞌaꞌi nꞌa rä ꞌme̱fi xi rä däta ꞌne nixi ngi pädi habu̱ gi fu̱di? Zäi ge gä honi rä modo hanja gi hyoki nꞌa xe̱ni hyaxtho ꞌne ora gä da ngue̱nda ya xki huati näꞌä ꞌme̱fiꞌä. Njabu̱ thogi ꞌnehe ora gi fu̱di gi nxadi rä Biblia. Zäi ge gi enä: «¿Xibye̱ habu̱ gä fu̱di?». Ha nunä lección ma gi pädi te debe gi pe̱fi pa njabu̱ gi tini rä johya ora gi nxadi rä Biblia ꞌne hindä jaꞌi xä ñhei.
1. ¿Por hanja xi xä ñho gi hñeti rä Biblia hyaxtho?
Nꞌa rä jäꞌi näꞌä nxadi hyaxtho rä Noya Äjuä o «rä ley Jeoba», ma dä mꞌu̱i ko rä johya ꞌne gatꞌho näꞌä ma dä me̱fi ma dä bo̱ni xä ñho (hñeti Salmo 1:1-3). Hänge dä hogi gi ꞌueke nꞌa hängu minuto hyaxtho pa gi nxadi rä Biblia. Mu̱ gi jabu̱, gi nuhmä ge ko rä tiempo, ma xa gi ho gi nxadi rä Noya Äjuä ꞌne ya hingä ma gi ne gi hye̱pu̱.
2. ¿Te mähyoni gi pe̱fi pa njabu̱ mänꞌa gi benefisia ora gi nxadi rä Biblia?
Ora gi nxadi rä Biblia, mähyoni «gi hñudi gi ntso̱ꞌmi» pa gi yꞌe̱ntꞌä ha ri ñäxu näꞌä xiꞌi Äjuä (Josué 1:8). Ora gi nxadi rä Biblia dä hogi gi thädi nuya yä ntꞌani: «¿Te utkägi rä Zi Dada Jeoba kongehnä? ¿Hanja dä za gä pe̱fi ha mä mꞌu̱i nunä dä pädibye̱? ¿Hanja dä za gä usa nunä dä pädi pa gä fatsꞌi märꞌaa?».
3. ¿Hanja dä za gi ꞌueke rä tiempo pa gi nxadi rä Biblia?
¿Di jaꞌi xä ñhei gi tini rä tiempo pa gi nxadi rä Biblia ngeꞌä xa ja ndunthi ri ꞌme̱fi? Kasi gatꞌho di thogihu̱ njabu̱. Pe rä Biblia di mbitagihu̱ gä “usahu̱ xä ñho mä tiempohu̱” (Efesios 5:16, TNM). ¿Xi hanja dä za gi ja? ꞌUeke nꞌa rä ora pa gi nxadi rä Biblia hyaxtho. Rꞌaa xä ꞌueke rä tiempo tatꞌä xudi pa dä nxadi rä Biblia, märꞌaa di probecha näꞌä rä tiempo ora di ñuni, ꞌne märꞌaa xä ꞌueke rä tiempo de gä xui pa dä nxadi rä Biblia änte de dä ma dä ñꞌähä. Xi nuꞌi, ¿ngu te mä ora dä hogi gi ꞌueke rä tiempo?
HANJA DÄ ZA DÄ MAXꞌÄꞌI RÄ NOYA ÄJUÄ
Nubye̱ ma gä pädihu̱ hanja dä za gä benefisiahu̱ ꞌne gä tinihu̱ rä johya ora di nxadihu̱ rä Biblia. ꞌNehe, ma gä pädihu̱ hanja dä za gä ñhokihu̱ dende änte ko näꞌä rä imformäsio ma gä nxadihu̱ ha kada nꞌa rä lección.
Gä nxadihu̱ rä Biblia, ꞌñenä nꞌa rä bätsi ora tꞌumbäbi nꞌa rä rꞌayꞌo komida: Ri mu̱di hingi ho, pe ngu ri te näꞌä bätsiꞌä ma dä za xä ku̱hi näꞌä komidaꞌä.
4. Pädi hanja dä za gi tini rä johya ora gi nxadi rä Biblia
Gä nxadihu̱ rä Biblia, ꞌñenä nꞌa rä bätsi ora tꞌumbäbi nꞌa rä rꞌayꞌo komida: Ri mu̱di hingi ho, pe ngu ri te näꞌä bätsiꞌä ma dä za xä ku̱hi näꞌä komidaꞌä. Hñetihu̱ 1 Pedro 2:2, ꞌnepu̱ thädihu̱ nunä rä ntꞌani:
-
¿Gi kamfri ge mu̱ dende nubye̱ gi yꞌo̱tꞌe ntsꞌe̱di po gi nxadi rä Biblia hyaxtho, ja ngu nꞌa rä komida, ko rä tiempo ma xa gi ho?
Yꞌe̱ntsꞌihu̱ rä BIDEO, ꞌne hyandihu̱ te bi matsꞌi rꞌa yä bäsjäꞌi nuꞌu̱ mi japäbi xä ñhei dä nxadi rä Biblia, pe ko rä tiempo bi zo̱ho̱ xa bi mädi rä Noya Äjuä. ꞌNepu̱ thädihu̱ nuya yä ntꞌani:
-
Ja ngu dä handihu̱ ha rä bideo, ¿por hanja mi japäbi xä ñhei nuyu̱ yä bäsjäꞌi dä nxadi rä Biblia?
-
¿Te bi matsꞌi nuyu̱ yä bäsjäꞌi pa himbi hye̱gi bi nxadi rä Biblia?
-
¿Te bi me̱fi nuyu̱ yä bäsjäꞌi pa njabu̱ bi zo̱ho̱ bi mädi rä Noya Äjuä?
Gehnä dä za dä maxꞌäꞌi:
-
Usa nꞌa rä Biblia näꞌä xä tꞌofo xä ñho ꞌne hingi hei toꞌo dä ntiende. Dä za gi usa rä Traducción del Nuevo Mundo mu̱ ja ha näꞌä rä idioma gi ntiende.
-
Fu̱di ko nꞌa rä mfistꞌofo de rä Biblia näꞌä mänꞌa gi ho. Pa gi pädi hanja dä za gi ja, hyandi näꞌä rä tabla habu̱ enä «Ma gä fu̱di gä nxadi rä Biblia», ehe habu̱ fu̱di nunä mfistꞌofo.
-
Sigi gi hñäxä ngue̱nda näꞌä gi heti ha rä Biblia. Usa rä tabla «Ma gä häxä ngue̱nda näꞌä di heti ha rä Biblia», ehe ha rä ngätsꞌi de nunä mfistꞌofo.
-
Usa rä aplicación JW Library®. Mu̱ gi käꞌmi nunä rä aplicación ha ri telefono o ha ri tablet, ma dä za gi hñeti o gi yꞌo̱de rä Biblia habu̱ gi yꞌo.
-
Usa nuꞌu̱ märꞌa yä mfatsꞌi ehe ha rä Biblia de rä Traducción del Nuevo Mundo. Ha nunä Biblia ma gi tini märꞌa yä mfatsꞌi ngu yä mäpa, yä tabla, nꞌa rä diccionario ꞌne yä apéndice nuꞌu̱ ma dä maxꞌäꞌi gi ntiende mänꞌa xä ñho näꞌä udi rä Biblia.
5. Ñhoki ko näꞌä imformäsio ma gi nxadi ha kada nꞌa rä lección
Hñetihu̱ Salmo 119:34, ꞌnepu̱ thädihu̱ nunä rä ntꞌani:
-
¿Por hanja xä ñho gi xatuäbi rä Zi Dada Jeoba änte de gi nxadi rä Biblia, o änte de gi ñhoki ko näꞌä imformäsio ma gi hyandi ha ri curso de rä Biblia?
¿Hanja dä za gi probecha xä ñho kada gi häni ri curso de rä Biblia? Ora gi ñhoki ko näꞌä imformäsio ha kada nꞌa rä lección, dä hogi gi jamäsu nuya hñuu yä konseho:
-
Hñeti näꞌä rä imformäsio ehe ha näꞌä rä mu̱di nxii de näꞌä rä lección ma gi fu̱di gi nxadi.
-
Hyoni ha rä Biblia gatꞌho nuꞌu̱ yä testo ehe, ꞌne trata gi ntiende hanja di nthe̱ ko näꞌä rä imformäsio gi nxadi.
-
Hyoni ꞌne märka rä mpengi nuꞌu̱ yä ntꞌani ehe.
¿Gi pädi?
Yä testigo rä Jeoba usa diferente yä Biblia. Pe mänꞌa di ho dä usa rä Traducción del Nuevo Mundo. ¿Por hanja? Ngeꞌä nunä Biblia xä tꞌofo xä ñho ꞌne hingi hei toꞌo dä ntiende, hinte xä thäkuäbi ꞌne hinte xä thuꞌspäbi demäs. ꞌNehe, ehe rä thuhu Äjuä (ha rä página jw.org dä za gi hyandi rä artikulo: «¿Xä hyokse̱ yä Biblia yä testigo rä Jeoba?»).
RꞌA YÄ JÄꞌI ENÄ: «Dä hogihmä gä nxadi rä Biblia, pe hyaxtho ja ndunthi mä ꞌme̱fi ꞌne otho mä tiempo».
-
Xi nuꞌi, ¿te gi mbeni?
NÄꞌÄ DÄ PÄDIHU̱
Pa gi benefisia de näꞌä rä mfädi uni rä Biblia, desidi gi ꞌueke nꞌa rä tiempo pa gi nxadi hyaxtho. ꞌNehe xatuäbi Äjuä änte de gi fu̱di gi nxadi rä Biblia, ꞌne ñhoki dende änte ko kada nꞌa de nuꞌu̱ yä lección ma gi nxadi ko ri xahnäte.
Pa gä benihu̱
-
¿Te dä hogi gi pe̱fi pa mänꞌa gi benefisia de näꞌä rä mfädi uni rä Biblia?
-
¿Te mä pa ꞌne te mä ora dä za gi ꞌueke rä tiempo pa gi hñeti ꞌne gi nxadi rä Biblia?
-
¿Por hanja xä ñho gi ñhoki dende änte ko näꞌä rä lección ma gi nxadi ko ri xahnäte?
HABU̱ DÄ ZA GI PÄDI MÄ NꞌA TU̱I
Hyandi rꞌa yä konseho nuꞌu̱ dä za dä maxꞌäꞌi pa mänꞌa gi benefisia de näꞌä rä mfädi uni rä Biblia.
«¿Hanja dä za mänꞌa gi benefisia de näꞌä rä mfädi uni rä Biblia?» (La Atalaya, núm. 1 2017)
Hyandi nuꞌu̱ hñuu yä forma de hanja dä za gi fu̱di gi nxadi rä Biblia.
Pädi hanja dä za gi tini rä johya ora gi nxadi rä Biblia.
«¿Hanja dä za dä maxkägi rä Biblia? Parte 2: Johya ora gi nxadi rä Biblia» (Ehe ha jw.org)
Hyandi te dä za gi pe̱fi pa mänꞌa gi benefisia ora gi nxadi rä Biblia.
¿Hanja dä za mänꞌa gi benefisia ora gi nxadi rä Biblia? (2:06)
Puede que también le interese
NÄꞌÄ DI ÑꞌANI YÄ JÄꞌI
¿Tengu nuꞌu̱ yä curso de rä Mäkä Tꞌofo uni yä testigo rä Jeoba?
Ora ma gi hñäni ri curso, nuꞌi dä za gi usa näꞌä rä Biblia go gi ne. ꞌNehe dä za gi mbitabi ri familia o nuꞌu̱ ri amigo pa dä nxadi rä Biblia kongeꞌi.
