RÄ LECCIÓN 04
¿Toꞌo Äjuä?
Kasi dende bi mu̱di bi mꞌu̱i yä jäꞌi ha rä Xiꞌmhai, ꞌnehe bi mu̱di bi xo̱kämbeni ndunthi yä zidada. Pe rä Biblia mää ge ꞌmu̱i ho̱nse̱ nꞌatho rä Zi Dada näꞌä «mänꞌa ja rä tsꞌe̱di ke gatꞌho märꞌa yä zidada» (2 Crónicas 2:5). ¿Pe xi toꞌoꞌä? ¿Por hanja di nꞌañꞌo de gatꞌho nuꞌu̱ yä zidada di xo̱kämbeni yä jäꞌi? Ha nunä lección ma gi pädi näꞌä ne dä xiꞌäꞌi Äjuä de geꞌä.
1. ¿Ndaꞌä rä thuhu Äjuä? ¿Hanja di pädihu̱ ge Äjuä ne gä pätuäbihu̱ rä thuhu?
Ha rä Biblia, Äjuä mänse̱ ndaꞌä rä thuhu. Näꞌä enä: «Nuga drä Jeoba. Geꞌä mä thuhu» (hñeti Isaías 42:5, 8). Rꞌa yä bämhñä mää ge rä thuhu «Jeoba» signifika «Näꞌä Japi dä Zo̱ho̱ dä Nja». Jeoba ne gä pädihu̱ ndaꞌä rä thuhu (Éxodo 3:15). ¿Hanja di pädihu̱? Ngeꞌä nuꞌäse̱ bi nkargo ge rä thuhu dä gohi ha rä Biblia thogi de 7.000 yä mꞌiki. a Rä thuhu Jeoba, ho̱nse̱ go ri ꞌñepäbi dä hñätsꞌi näꞌä «rä Zi Dada xa mäjuäni tanto ha mäñä mähetsꞌi ꞌne ha rä xiꞌmhai» (Deuteronomio 4:39).
2. ¿Te udi rä Biblia de Jeoba?
Rä Biblia udi ge mäske yä jäꞌi di xo̱kämbeni ndunthi yä zidada, Jeoba go geꞌä xa mäjuäni Äjuä. ¿Por hanja? Jeoba go geꞌä rä Dängä Tsꞌu̱tꞌhui «de gatꞌho rä xiꞌmhai» (hñeti Salmo 83:18). Jeoba pe̱ꞌtsi «Gatꞌho rä Tsꞌe̱di» pa dä hyoki gatꞌho näꞌä go dä neꞌä. Go geꞌä bi hyoki gatꞌho yä tꞌo̱tꞌe, tanto ha mähetsꞌi ngu ha rä Xiꞌmhai, ꞌne go Geꞌä bi rꞌakägihu̱ mä tehu̱ (Apocalipsis 4:8, 11). ꞌNehe, Jeoba nzäntho xä mꞌu̱i; dende nzäntho ꞌne ma dä mꞌu̱i pa nzäntho (Salmo 90:2).
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä handihu̱ hanja Äjuä, ja nꞌa rä thuhu näꞌä ho̱nse̱ꞌä ri ꞌñepäbi dä me̱ꞌtsi. ꞌNehe, ma gä handihu̱ por hanja Näꞌä ne gi pädi ndaꞌä rä thuhu.
3. Äjuä pe̱ꞌtsi ho̱nse̱ nꞌatho rä thuhu
Ma gä handihu̱ hanja mäske nꞌa rä jäꞌi dä za dä tsꞌofo de ndunthi yä forma, ho̱nse̱ ja nꞌatho rä thuhu. Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
-
Mäske Äjuä tꞌembäbi «Zi Dada», «Hyokäte», «Zi Hmuu», mää por hanja hingä geꞌä rä thuhu.
Rä Biblia mää ge dende mäyaꞌmu̱ yä jäꞌi xä xo̱kämbeni ndunthi yä zidada. Hñetihu̱ Salmo 136:1-3, ꞌnepu̱ thädihu̱ nunä rä ntꞌani:
-
¿Toꞌo näꞌä rä Zi Dada «mänꞌa ja rä tsꞌe̱di ke gatꞌho märꞌa yä zidada»?
4. Jeoba ne gi pädi ꞌne gi zofo po rä thuhu
¿Hanja di pädihu̱ ge Jeoba ne gi pädi ndaꞌä rä thuhu? Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
-
¿Por hanja gi kamfri ge Jeoba ne gä pätuäbihu̱ ndaꞌä rä thuhu?
Jeoba ne gä zofohu̱ po rä thuhu. Hñetihu̱ Romanos 10:13, TNM, ꞌnepu̱ thädihu̱ nuya yä ntꞌani:
-
¿Por hanja xa mähyoni gä embäbihu̱ Jeoba ora di zofohu̱ Äjuä?
-
¿Te gi senti ora märꞌa zoꞌi po ri thuhu?
-
¿Hanja gi kamfri ge di senti Jeoba ora gi zofo po rä thuhu?
5. Jeoba ne dä yꞌo̱tꞌäꞌi rä amigo
Nꞌa rä zi ꞌme̱hñä rä thuhu Soten rä mengu de rä dähni Camboya, bi ꞌñenä ge mi bädi toꞌo Äjuä geꞌä bi matsꞌi pa dä me̱ꞌtsi rä johya näꞌä nunka xki me̱ꞌtsi änte. Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:
-
Ja ngu dä handihu̱ ha rä bideo, ¿hanja bi matsꞌi Soten mi bädi ndaꞌä rä thuhu Äjuä?
Kasi nzäntho ora gi ne gi ñꞌamigoui nꞌa rä jäꞌi, mꞌe̱tꞌo gi ne gi pätuäbi ndaꞌä rä thuhu. Hñetihu̱ Santiago 4:8a, ꞌnepu̱ thädihu̱ nuya yä ntꞌani:
-
¿Te di mbitaꞌi Jeoba gi pe̱fi?
-
Mu̱ gi pädi toꞌo Äjuä ꞌne gi zofo po rä thuhu, ¿hanja gi kamfri ge geꞌä ma dä maxꞌäꞌi gi senti getbu̱ de geꞌä?
RꞌA YÄ JÄꞌI ENÄ: «Hindi mporta hanja di zofohu̱ Äjuä, näꞌä nzäntho o̱de».
-
Xi nuꞌi, ¿gi kamfri ge Jeoba geꞌä rä thuhu Äjuä?
-
¿Hanja dä za gi xipäbi märꞌaa ge Äjuä ne gä zofohu̱ po rä thuhu?
NÄꞌÄ DÄ PÄDIHU̱
Jeoba geꞌä rä thuhu näꞌä xa mäjuäni rä Zi Dada. Näꞌä ne gä zofohu̱ po rä thuhu pa njabu̱ dä za gä ntsitsꞌihu̱ kongeꞌä.
Pa gä benihu̱
-
¿Por hanja Jeoba di nꞌañꞌo de gatꞌho nuꞌu̱ märꞌa yä zidada di xo̱kämbeni yä jäꞌi?
-
¿Por hanja xa mähyoni gä zofohu̱ Äjuä po rä thuhu?
-
¿Te di kombenseꞌi ge Jeoba ne dä yꞌo̱tꞌäꞌi rä amigo?
HABU̱ DÄ ZA GI PÄDI MÄ NꞌA TU̱I
Hyandi te mä prueba ja ge xa mäjuäni ꞌmu̱i Äjuä.
Pädi por hanja o rä ꞌñuu toꞌo dä gamfri ge Äjuä hinto bi hyoki ꞌne nzäntho xä mꞌu̱i.
Mäske mäpaya hingi fädi hanja mi ntꞌo̱de ora yä jäꞌi mi mämbäbi rä thuhu Äjuä, pädi por hanja xa mähyoni gä no̱mbäbihu̱ rä thuhu.
¿Di mporta hanja di zofohu̱ Äjuä? Hyandi por hanja dä za gä enähu̱ ge Äjuä pe̱ꞌtsi ho̱nse̱ nꞌatho rä thuhu.
a Mu̱ gi ne gi pädi mä nꞌa tu̱i de rä thuhu Äjuä, o gi ne gi pädi por hanja ha rꞌa yä Biblia hingi ehe rä thuhu Jeoba, hyandi rä apéndice A4 ha La Biblia. Traducción del Nuevo Mundo.
Puede que también le interese
NÄꞌÄ DI ÑꞌANI YÄ JÄꞌI
¿Tengu nuꞌu̱ yä curso de rä Mäkä Tꞌofo uni yä testigo rä Jeoba?
Ora ma gi hñäni ri curso, nuꞌi dä za gi usa näꞌä rä Biblia go gi ne. ꞌNehe dä za gi mbitabi ri familia o nuꞌu̱ ri amigo pa dä nxadi rä Biblia kongeꞌi.
