Pa geꞌi, ¿tenguꞌä rä Zi Dada Jeoba? Rꞌa yä jäꞌi senti ge nunka dä za dä ntsixkui rä Zi Dada Jeoba ngeꞌä näꞌä bi ꞌmu̱i mähetsꞌi. Märꞌa yä jäꞌi kamfri ge Äjuä hää ja ndunthi rä tsꞌe̱di pe hingi turämu̱i po gekhu̱ nixi di mäkägihu̱. Pe rä Biblia utkägihu̱ tenguꞌä rä mꞌu̱i rä Zi Dada Jeoba ꞌne te senti po gekhu̱.

1. ¿Por hanja hindi handihu̱ Äjuä?

«Äjuä näꞌä nꞌa rä espiritu» (Juan 4:24, TNM). Rä Zi Dada Jeoba hingi pe̱ꞌtsi nꞌa rä ndoyꞌo ngu nuju̱. Näꞌä nꞌa rä espiritu näꞌä bi ꞌmu̱i ha mähetsꞌi hänge yä jäꞌi hingi tsa dä hyandi.

2. ¿Tenguꞌä rä mꞌu̱i rä Zi Dada Jeoba?

Mäske rä Zi Dada Jeoba hingi tsa toꞌo dä hyandi, Näꞌä xa mäjuäni ꞌmu̱i ꞌne xa rä hojäꞌi. Hänge ndunthi yä jäꞌi xä zo̱ho̱ xä mädi ora xä bädi tenguꞌä rä mꞌu̱i. Rä Biblia enä: «Jeoba di mädi rä justisia ꞌne näꞌä nunka ma dä bandonä nuꞌu̱ toꞌo pe̱päbi ko ngatꞌho yä koraso» (Salmo 37:28). Näꞌä udi ndunthi rä mhäte ꞌne rä nhuekäte po gatꞌho yä jäꞌi, pe mänꞌa ko nuꞌu̱ xa di sufri (Santiago 5:11). «Jeoba ꞌmu̱i getbu̱ de nuꞌu̱ xa tuyämu̱i; Näꞌä di ñäni nuꞌu̱ xa ꞌmu̱i desanimädo» (Salmo 34:18). Ja ngu gi handi, rä Zi Dada Jeoba pe̱ꞌtsi yä sentimiento, ꞌne dä za gä u̱mbäbihu̱ rä mfeni o dä za gä johyabihu̱ rä koraso. Nuꞌu̱ toꞌo pe̱fi yä tꞌo̱tꞌe xä ntsꞌo, u̱mbäbi rä mfeni Jeoba (Salmo 78:40, 41). Pe nꞌa rä jäꞌi näꞌä pe̱fi yä hogä tꞌo̱tꞌe, di johyabi rä koraso (hñeti Proverbios 27:11).

3. ¿Hanja udi rä Zi Dada Jeoba ge di mäkägihu̱?

De gatꞌho nuꞌu̱ yä hogä mꞌu̱i pe̱ꞌtsi rä Zi Dada Jeoba, rä mhäte geꞌä mänꞌa xi rä däta. Hänge rä Biblia enä: «Äjuä rä mhäte» (1 Juan 4:8, TNM). Di handihu̱ ge rä Zi Dada Jeoba xa di mäkägihu̱, hingä ho̱nse̱ po näꞌä utkägihu̱ ha rä Biblia, sino po gatꞌho näꞌä xä hyoki (hñeti Hechos 14:17, TNM). Por ejemplo, hyandi hanja xä hyogägihu̱; Näꞌä xä rꞌakägihu̱ mä dahu̱ ꞌne bi hyoki pa dä za gä handihu̱ yä kolo, mä guhu̱ pa dä za gä o̱dehu̱ rä música, ꞌne ma nehu̱ pa dä za gä ñunihu̱ ꞌne gä tsamäku̱hihu̱ näꞌä di tsihu̱. Rä Zi Dada Jeoba bi hyogägihu̱ ꞌne bi rꞌakägihu̱ gatꞌho pa dä za gä disfrutahu̱ de rä te.

 HANJA DÄ ZA DÄ MAXꞌÄꞌI RÄ NOYA ÄJUÄ

5. Xa mähotho rä mꞌu̱i rä Zi Dada Jeoba

Mäske Moisés ya xki me̱päbi rä Zi Dada Jeoba po ndunthi yä je̱ya, näꞌä mi senti ge tobe mi debe dä bädi mänꞌa xä ñho toꞌoꞌä. Hänge bi ꞌñembäbi rä Zi Dada Jeoba: «ꞌÑutkägi ri ꞌñuu pa mänꞌä gä päꞌi xä ñho» (Éxodo 33:13). Jeoba bi yꞌo̱de ꞌne bi ꞌñuti mänꞌa xä ñho tenguꞌä rä mꞌu̱i. Hñetihu̱ Éxodo 34:4-6, ꞌnepu̱ thädihu̱ nuya yä ntꞌani:

• ¿Te mä hogä mꞌu̱i bi mää rä Zi Dada Jeoba ge pe̱ꞌtsi?

• Xi nuꞌi, ¿te mä hogä mꞌu̱i gi ho de rä Zi Dada Jeoba?

 NÄꞌÄ DÄ PÄDIHU̱

Rä Zi Dada Jeoba näꞌä nꞌa rä espiritu. Pe mäske hingi tsa gä handihu̱, näꞌä xa rä hojäꞌi, turämu̱i po gekhu̱, ꞌne xa di mäkägihu̱.

Pa gä benihu̱

• ¿Por hanja hingi tsa gä handihu̱ rä Zi Dada Jeoba?

• ¿Te me̱ꞌä rä espiritu santo?

• ¿Tenguꞌä rä mꞌu̱i Jeoba?