RÄ LECCIÓN 09
Xatuäbi Äjuä pa gi joni kongeꞌä
¿Nꞌa rä pa xkä senti ge gi honi toꞌo dä xiꞌi te mä ꞌñuu gi ju̱u̱? ¿Xkä o̱tꞌe rꞌa yä ntꞌani nuꞌu̱ asta mäpaya hinto xä za xä dädi? ¿Gi honi toꞌo dä hñupꞌäꞌi ri mu̱i ꞌne dä nupꞌäꞌi ri mfeni? ¿Gi hohmä gi senti ge di mäꞌi Äjuä? ¿Gi pädi? Mu̱ gi xatuäbi Äjuä, gi nuhmä ge ma dä rꞌaꞌäꞌi nuyu̱ yä tꞌo̱tꞌe gi senti ge di jaꞌäꞌi mꞌe̱di. Pe, ¿hanja di debe gä xatuäbihu̱ Äjuä? ¿O̱de Äjuä gatꞌho yä sadi? ¿Te debe gä pe̱fihu̱ pa njabu̱ Äjuä dä yꞌo̱de mä sadihu̱? Ma gä handihu̱.
1. ¿Toꞌo ri ꞌñepi gä xatuäbihu̱ ꞌne te dä hogi gä xipäbihu̱?
Nuꞌmu̱ rä Hesu bi mꞌu̱kua ha rä Xiꞌmhai näꞌä bi ꞌñenä ge debe gä xatuäbihu̱ ho̱nse̱ näꞌä rä Zi Dada bi ꞌmu̱i mähetsꞌi. Rä Hesu geꞌä bi ꞌñudi, näꞌä mi xatuäbi ho̱nse̱ rä Zi Dada Jeoba. Näꞌä bi ꞌñenä: «Nuꞌähu̱ pe̱ꞌtsi te gi jahu̱ ri sadihu̱ njaua: “Mä Dadaꞌihe gi ꞌmu̱i mähetsꞌi...”» (Mateo 6:9, TNM). Ora di xatuäbihu̱ rä Zi Dada Jeoba, mä ntsitsꞌihu̱ kongeꞌä mänꞌa ri te ꞌne mänꞌa ri ze̱di.
Ora di xatuäbihu̱ Äjuä, dä za gä xipäbihu̱ gatꞌho näꞌä go di nehu̱. Pe mähyoni gä benihu̱ ge mu̱ di ne dä rꞌakägihu̱ näꞌä di apäbihu̱, hindi debe gä adihu̱ nuꞌu̱ yä kosa di nkontraui ko rä bolunta. Geꞌä udi rä Biblia ora enä: «Hindi mporta te gä apäbihu̱; mu̱ geꞌä rä bolunta [Äjuä], näꞌä o̱de» (1 Juan 5:14, TNM). Rä Hesu bi ꞌñudi ngu te mä tꞌo̱tꞌe dä za gä apäbihu̱ Äjuä (hñeti Mateo 6:9-13, TNM). Xä ñho gä xipäbihu̱ Äjuä te jakägihu̱ mꞌe̱di o por hanja di tumämu̱ihu̱. Pe hindi debe gä pumfrihu̱ gä umbäbihu̱ njamädi ꞌne gä apäbihu̱ ge dä matsꞌi märꞌaa.
2. ¿Hanja ri ꞌñehe gä xatuäbihu̱ Äjuä?
Rä Biblia di mbitagihu̱: «Xipäbihu̱ [Äjuä] gatꞌho näꞌä ja ha ri korasohu̱» (Salmo 62:8). Ja ngu di handihu̱, mähyoni gä xatuäbihu̱ rä Zi Dada Jeoba ko ngatꞌho mä korasohu̱. Nuju̱ dä za gä ñähu̱ ntsꞌe̱di ora di xatuäbihu̱ Äjuä o dä za gä xatuäbihu̱ dende ha mä mfenihu̱, ꞌne hindi mporta habu̱ o te mä ora. Dä za gä ndandiñähmuhu̱, dä za gä ꞌmaihu̱ o dä za gä hudihu̱ ora di xatuäbihu̱. Pe mähyoni gä xatuäbihu̱ ko ndunthi rä tꞌekꞌei.
3. ¿De te mä forma thädi Äjuä mä sadihu̱?
Rä Zi Dada Jeoba thädi mä sadihu̱ de ndunthi yä forma. Rä Biblia geꞌä rä Noya rä Zi Dada Jeoba ꞌne ja gekua thädi nuꞌu̱ mä ntꞌani di pe̱ꞌtsihu̱. ꞌNehe, toꞌo di nxadi rä Biblia häni näꞌä rä mfädi bi ehe de Jeoba. Ha rä Salmo 19:7 enä: «Nuꞌu̱ yä fenäte Jeoba hingi faya, ꞌne japi dä nja rä mfädi nuꞌu̱ toꞌo di ꞌme̱päbi» (hñeti Santiago 1:5, TNM). Rä Zi Dada Jeoba dä za dä hñubgä mä mu̱ihu̱ ora di thogihu̱ yä xuñha ꞌne yä dumu̱i. ꞌNehe, dä za dä usa nuꞌu̱ märꞌa yä ꞌme̱go pa dä rꞌakägihu̱ rä mfatsꞌi.
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä pädihu̱ hanja dä za gä xatuäbihu̱ Äjuä ko ngatꞌho mä korasohu̱. ꞌNehe, ma gä pädihu̱ hanja mu̱ gä xatuäbihu̱ Äjuä, ma dä maxkägihu̱ ndunthi.
4. Äjuä xikägihu̱ hanja di ho gä xatuäbihu̱
¿Hämꞌu̱ o̱de Äjuä yä sadi ꞌne hämꞌu̱ hinä? Yꞌe̱ntsꞌihu̱ rä BIDEO.
Rä Zi Dada Jeoba go geꞌä di debe gä xatuäbihu̱. Hñetihu̱ Salmo 65:2, ꞌnepu̱ thädihu̱ nuya yä ntꞌani:
-
¿Gi kamfri ge Äjuä—näꞌä toꞌo «o̱de yä sadi»—ne gi xatuäbi? ¿Por hanja?
Mu̱ di nehu̱ ge Äjuä dä yꞌo̱de mä sadihu̱, pe̱ꞌtsi te gä mꞌu̱ihu̱ ja ngu adiꞌä. Hñetihu̱ Miqueas 3:4 ꞌne 1 Pedro 3:12, TNM, ꞌnepu̱ thädihu̱ nunä rä ntꞌani:
-
¿Te di debe gä pe̱fihu̱ mu̱ di nehu̱ ge Jeoba dä yꞌo̱xkägihu̱ ora di xatuäbihu̱?
Ha nꞌa rä gerra; yä soldado tanto de nꞌa lado ngu de mä nꞌa lado, xatuäbi Äjuä pa dä matsꞌi dä ntäte. ¿Gi kamfri ge Äjuä hää ma dä yꞌo̱de nuya yä sadi?
5. Ora di xatuäbihu̱ Äjuä, mähyoni gä xipäbihu̱ näꞌä xa mäjuäni di sentihu̱
Rꞌa yä jäꞌi ho̱nse̱ di repeti nuꞌu̱ yä sadi ya xä mepye̱ o ya xä yꞌofo. Pe xi nuꞌu̱ yä sadiꞌu̱, ¿hää di ho Äjuä? Hñetihu̱ Mateo 6:7, TNM, ꞌnepu̱ thädihu̱ nunä rä ntꞌani:
-
¿Te hindi debe gä pe̱fihu̱ ora di xatuäbihu̱ Äjuä?
Kada nꞌa rä pa, hñudi gi ntso̱ꞌmi pa gi hyandi te mä jäpi xkä häni näꞌä rä paꞌä ꞌne umbäbi njamädi rä Zi Dada Jeoba. Mu̱ gi jabu̱ kada nꞌa rä pa, xti uadi rä semänä ma gi hyandi ge gä no̱ni yoto yä tꞌo̱tꞌe ꞌne hingä repeti ninꞌaa.
Nꞌa rä hogä dada ne ge rä bätsi dä xipäbi gatꞌho näꞌä di senti o tupäbi rä mu̱i. Njabu̱ ꞌnehe, rä Zi Dada Jeoba ne gä xatuäbihu̱ ko ngatꞌho mä korasohu̱ ꞌne gä xipäbihu̱ näꞌä di sentihu̱.
6. Xi nꞌa rä däta nsu dä za gä ñäuihu̱ Äjuä
Mu̱ gä xatuäbihu̱ Äjuä, ¿gi kamfri ge ma dä maxkägihu̱ tanto nuꞌmu̱ di ꞌmu̱ihu̱ xä ñho ngu nuꞌmu̱ di thogihu̱ yä xuñha ꞌne yä dumu̱i? Yꞌe̱ntsꞌihu̱ rä BIDEO.
Rä Biblia udi ge ora di xatuäbihu̱ Äjuä, faxkägihu̱ pa gä pe̱ꞌtsihu̱ nꞌa rä tsaya ha mä mfenihu̱. Hñetihu̱ Filipenses 4:6, 7, TNM, ꞌnepu̱ thädihu̱ nuya yä ntꞌani:
-
Mäske hingä ma dä hñägägihu̱ gatꞌho nuꞌu̱ yä xuñha di pe̱ꞌtsihu̱, ¿hanja ma dä maxkägihu̱ Äjuä ora di xatuäbihu̱?
-
¿Te gi hohmä gi pete rä Zi Dada Jeoba ha ri sadi?
¿Gi pädi?
Rä noya «amén» signifika «geꞌä dä njabu̱» o «mäjuäni». Rä Biblia udi ge dende mäyaꞌmu̱, nuꞌu̱ yä jäꞌi mi pe̱päbi rä Zi Dada Jeoba, mi enä «amén» ora mi huadi mi xatuäbi (1 Crónicas 16:36).
7. ꞌUeke rä tiempo pa gi xatuäbi rä Zi Dada Jeoba
Ndunthi yä mꞌiki, di pe̱ꞌtsihu̱ ndunthi te gä pe̱fihu̱ ꞌne asta di pumfrihu̱ gä xatuäbihu̱ rä Zi Dada Jeoba. Mi mꞌu̱kua rä Hesu ha rä Xiꞌmhai bi ꞌñudi hängu mi ho dä xatuäbi rä Zi Dada Jeoba. Hñetihu̱ Mateo 14:23, TNM, ꞌne Marcos 1:35, TNM, ꞌnepu̱ thädihu̱ nuya yä ntꞌani:
-
¿Hanja mi tini rä tiempo rä Hesu pa dä xatuäbi Äjuä?
-
Xi nuꞌi, ¿hanja dä za gi tini rä tiempo pa gi xatuäbi rä Zi Dada Jeoba?
RꞌA YÄ JÄꞌI ENÄ: «Hadifäꞌä mu̱ Äjuä o̱de mä sadi o hinä».
-
Ximꞌu̱ toꞌo dä xiꞌi njabu̱, ¿te ma gi thädi?
NÄꞌÄ DÄ PÄDIHU̱
Ora di xatuäbihu̱ rä Zi Dada Jeoba ko ngatꞌho mä korasohu̱, mänꞌa di te mä tsitsꞌihu̱ kongeꞌä, rꞌakägihu̱ nꞌa rä tsaya ha mä mfenihu̱, ꞌne rꞌakägihu̱ rä tsꞌe̱di pa gä pe̱päbihu̱ rä bolunta.
Pa gä benihu̱
-
¿Toꞌo ri ꞌñepi gä xatuäbihu̱?
-
¿Hanja ri ꞌñehe gä xatuäbihu̱ Äjuä?
-
¿Te mä benefisio ma gä hänihu̱ mu̱ gä xatuäbihu̱ Äjuä?
HABU̱ DÄ ZA GI PÄDI MÄ NꞌA TU̱I
Hyandi te xä ñꞌani rꞌa yä jäꞌi de rä sadi.
«Näꞌä mähyoni gi pädi de rä sadi» (La Atalaya, 1 de octubre de 2010)
Pädi por hanja xa mähyoni gä xatuäbihu̱ Äjuä ko ngatꞌho mä korasohu̱.
Hyandi hanja rä Biblia udi toꞌo di debe gä xatuäbihu̱.
Ha nunä bideo hyandi hanja hindi mporta habu̱ di yꞌohu̱ o te mä ora, nzäntho dä za gä xatuäbihu̱ Äjuä.
Puede que también le interese
NÄꞌÄ DI ÑꞌANI YÄ JÄꞌI
¿Tengu nuꞌu̱ yä curso de rä Mäkä Tꞌofo uni yä testigo rä Jeoba?
Ora ma gi hñäni ri curso, nuꞌi dä za gi usa näꞌä rä Biblia go gi ne. ꞌNehe dä za gi mbitabi ri familia o nuꞌu̱ ri amigo pa dä nxadi rä Biblia kongeꞌi.
