Äjuä rä mhäte. Pe yä hyate relijion xä tsꞌombäbi rä thuhu Äjuä po nuꞌu̱ yä tsꞌo tꞌo̱tꞌe xä me̱fi. ¿Te mä tsꞌo tꞌo̱tꞌe xä me̱fi? ¿Te di senti rä Zi Dada Jeoba po geꞌä? ¿Te ma dä me̱fi rä Zi Dada Jeoba ko nuꞌu̱ yä hyate relijion?

1. ¿Hanja xä tsꞌombäbi rä thuhu Äjuä näꞌä xä ꞌñudi yä hyate relijion?

Nuꞌu̱ yä hyate relijion xä “renunsia näꞌä mäjuäni de Äjuä pa go xä huahni yä nkꞌuamba” (Romanos 1:25, TNM). Por ejemplo, kasi gatꞌho yä relijion hingi uti yä jäꞌi ndaꞌä rä thuhu Äjuä. Pe rä Biblia udi ge Äjuä ne gä usabihu̱ rä thuhu (Romanos 10:13, 14, TNM). ꞌNehe, ndunthi de nuꞌu̱ gu̱tꞌi rä ꞌñuu ha yä nijä, uti yä jäꞌi ge ora thogi yä xuñha o yä dumu̱i, thogi njabu̱ ngeꞌä geꞌä rä bolunta Äjuä. Pe hingä geꞌä udi rä Biblia. Äjuä hingo tu rä tsꞌoki po nuꞌu̱ yä xuñha ꞌne yä dumu̱i thogi yä jäꞌi (hñeti Santiago 1:13, TNM). Näꞌä xä ꞌñudi yä hyate relijion, hinxä matsꞌi yä jäꞌi pa dä joni ko Äjuä, al contrario xä ꞌueke de Geꞌä.

2. ¿Hanja xä tsꞌombäbi rä thuhu Äjuä näꞌä xä me̱fi yä hyate relijion?

Yä hyate relijion hingi trata yä jäꞌi ja ngu di mända rä Zi Dada Jeoba. Rä Biblia enä ge nuꞌu̱ yä pekado xä yꞌo̱tꞌe yä hyate relijion «xa xä ndunthi ꞌne xä tso̱ni asta ha mähetsꞌi» (Apocalipsis 18:5, TNM). Po ndunthi yä je̱ya, yä hyate relijion xä nthintꞌi ha yä politika, xä jäpi yä gerra ꞌne go yä tsꞌokiꞌu̱ pa xä du ndunthi yä jäꞌi. Ndunthi de nuꞌu̱ yä jäꞌi gu̱tꞌi rä ꞌñuu ha yä nijä, ꞌmu̱i ko ndunthi yä lujo ꞌne xä nriko ngeꞌä apäbi rä bojä yä zi jäꞌi. Ko nuꞌu̱ yä tsꞌo tꞌo̱tꞌe xä me̱fi udi ge hinxä bädi toꞌo Äjuä. Hänge, ¿hanja ma dä za dä matsꞌi yä zi jäꞌi dä bädi de Geꞌä? (Hñeti 1 Juan 4:8, TNM).

3. ¿Te di senti Äjuä ora handi gatꞌho näꞌä pe̱fi nuꞌu̱ yä hyate relijion?

Rä Zi Dada Jeoba xa di nkue̱ ora handi gatꞌho näꞌä pe̱fi yä hyate relijion. Näꞌä xa di mädi yä jäꞌi, pe di nkue̱ ko nuꞌu̱ gu̱tꞌi rä ꞌñuu ha yä nijä ngeꞌä xä tsꞌombäbi rä thuhu ꞌne di maltrata yä jäꞌi. Hänge rä Zi Dada Jeoba di promete dä huati gatꞌho yä hyate relijion pa «ya nunka dä nheki mänꞌaki» (Apocalipsis 18:8, 21, TNM).

 HANJA DÄ ZA DÄ MAXꞌÄꞌI RÄ NOYA ÄJUÄ

4. Äjuä hingi numäñho gatꞌho yä relijion

Ndunthi yä jäꞌi kamfri ge gatꞌho yä relijion ri ma ha nꞌadä rä ꞌñuu, ge gatꞌho xä ñho ꞌne ge fatsꞌi yä jäꞌi dä joni ko Äjuä. ¿Pe mäjuäni njabu̱? Hñetihu̱ Mateo 7:13, 14, TNM, ꞌnepu̱ thädihu̱ nunä rä ntꞌani:

• ¿Tengu näꞌä rä ꞌñuu mängä rä Biblia ge tsitsꞌi ha rä te?

Yꞌe̱ntsꞌihu̱ rä BIDEO, ꞌnepu̱ thädihu̱ nunä rä ntꞌani:

• ¿Udi rä Biblia ge Äjuä di numäñho gatꞌho yä relijion?

 6. Äjuä ne dä matsꞌi yä jäꞌi dä bo̱ni de yä hyate relijion

Hñetihu̱ Apocalipsis 18:4, TNM, a ꞌnepu̱ thädihu̱ nunä rä ntꞌani:

• ¿Te gi senti ora gi pädi ge rä Zi Dada Jeoba ne dä gu̱ki nuꞌu̱ yä jäꞌi o ha yä hyate relijion?

7. Sigi gi konose näꞌä rä Zi Dada xa mäjuäni

¿Ma gi hyo̱xä rä thai Äjuä po näꞌä xä me̱fi nuꞌu̱ yä hyate relijion? Ma gä huxu̱ nꞌa rä ejemplo: Nꞌa rä bäsjäꞌi bi desidi dä bo̱ni de rä nguu ꞌne hätsꞌi nꞌa rä mꞌu̱i xä ntsꞌo. Rä dada xä umbäbihmä yä hogä konseho pe näꞌä bäsjäꞌi xä desidi dä rechazabi nuꞌu̱ yä konseho. ¿Ma gä eñhu̱ ge näꞌä rä dada go tu rä tsꞌoki po näꞌä pe̱fi rä tꞌu̱?

• Ora gi handi näꞌä xä me̱fi yä hyate relijion, ¿go ma gi hyo̱xä rä thai rä Zi Dada Jeoba ꞌne ya hingä ma gi ne gi pädi de Geꞌä?

 NÄꞌÄ DÄ PÄDIHU̱

Yä hyate relijion xä me̱fi ndunthi yä tsꞌo kosa ꞌne xä tsꞌombäbi rä thuhu rä Zi Dada Jeoba. Hänge Näꞌä ma dä huati gatꞌho yä hyate relijion.

Pa gä benihu̱

• Xi nuꞌi, ¿te gi mbeni de näꞌä xä ꞌñudi ꞌne xä me̱fi yä hyate relijion?

• ¿Te di senti rä Zi Dada Jeoba po nuꞌu̱ yä hyate relijion?

• ¿Te ma dä me̱fi rä Zi Dada Jeoba ko nuꞌu̱ yä hyate relijion?