RÄ LECCIÓN 23
Toꞌo di nxixtehe häni ndunthi yä jäpi
Rä Hesu bi mää ge pa gä udihu̱ ge xa mäjuäni di de̱nihu̱, mähyoni gä nxixtehehu̱ (hñeti Mateo 28:19, 20, TNM). Pe, ¿te me̱ꞌä rä nxixtehe o bautismo? ¿Te mähyoni dä me̱fi nꞌa rä jäꞌi pa dä zo̱ho̱ dä nxixtehe?
1. ¿Te me̱ꞌä rä nxixtehe o bautismo?
Rä noya nxixtehe o bautismo bi ehe de rä idioma griego ꞌne ri bo̱ni «ku̱ꞌmi» o «yu̱i mbo rä dehe». Ha rä Biblia, ha Marcos 1:9 ꞌne 10 di handihu̱ te bi thogi nuꞌmu̱ bi nxixtehe rä Hesu. Ha rä versículo 10 enä: «Ngu mi bo̱xä rä Hesu de ha rä dehe». Kongehnä di handihu̱ ge nuꞌmu̱ rä Hesu bi ma ha rä río Jordán pa dä nxixtehe, näꞌä bi ju̱ꞌmpäbi gatꞌho rä ndoyꞌo ha rä dehe. Njabu̱ ꞌnehe, nuꞌmu̱ di nxixtehe nuꞌu̱ xa mäjuäni yä kristianu, pe̱ꞌtsi te dä ju̱ꞌmi o dä yu̱i gatꞌho rä ndoyꞌo ha rä dehe.
2. ¿Te udi nꞌa rä jäꞌi ora di nxixtehe?
Ora nꞌa rä jäꞌi di nxixtehe, udi ge ya xä umbäbi gatꞌho rä te rä Zi Dada Jeoba pa dä me̱päbi. Pe, ¿te debe dä me̱fi nꞌa rä jäꞌi pa dä umbäbi rä te rä Zi Dada Jeoba? Änte de dä nxixtehe, näꞌä jäꞌi mꞌe̱tꞌo di jase̱ nꞌa rä sadi, ꞌne ko ngatꞌho rä koraso xipäbi rä Zi Dada Jeoba ge nubye̱ ma dä usa rä te pa dä me̱päbi rä bolunta. Njabu̱, näꞌä jäꞌiꞌä udi ge pe̱fi näꞌä bi mända rä Hesu nuꞌmu̱ bi ꞌñenä: «Mu̱ toꞌo ne dä de̱ngägi, dä ñꞌu̱tsase̱ ꞌne [...] dä sigi dä de̱ngägi» (Mateo 16:24, TNM). Mu̱ nuꞌi gi umbäbi ri te rä Zi Dada Jeoba ꞌne gi nxixtehe, mänꞌa ma dä ze̱di ri ntsitsꞌi Kongeꞌä ꞌne ko nuꞌu̱ märꞌa yä jäꞌi pe̱päbiꞌä.
3. ¿Te mähyoni dä me̱fi nꞌa rä jäꞌi pa dä zo̱ho̱ dä nxixtehe?
Änte de gi nxixtehe, xa dä hogi gi pädi mꞌe̱tꞌo de rä Zi Dada Jeoba ꞌne gi pe̱ꞌspäbi rä komfiansa (hñeti Hebreos 11:6, TNM). Entremäs gi pädi toꞌo rä Zi Dada Jeoba, mänꞌa ma dä te ri komfiansa po Geꞌä ꞌne mänꞌa ma gi mädi. Näꞌä rä komfiansa ꞌne rä mhäte po Geꞌä, geꞌä ma dä jaꞌi gi ꞌmu̱i ja ngu di mända ꞌne ma gi ne gi xipäbi märꞌa yä zi jäꞌi de Geꞌä (2 Timoteo 4:2; 1 Juan 5:3). Nꞌa rä jäꞌi näꞌä di nxadi rä Biblia ꞌne ya ꞌmu̱i ja ngu di mända rä Zi Dada Jeoba, nuꞌmu̱ näꞌä ya dä za dä umbäbi rä te pa dä me̱päbi rä bolunta ꞌne dä nxixtehe (Colosenses 1:9, 10). a
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä handihu̱ hanja bi nxixtehe rä Hesu ꞌne te dä za gä pädihu̱ de geꞌä. ꞌNehe, ma gä pädihu̱ te dä za dä me̱fi nꞌa rä jäꞌi pa dä za dä nxixtehe ja ngu di mända rä Biblia.
4. Näꞌä dä za gä pädihu̱ de hanja bi nxixtehe rä Hesu
Pa gi pädihu̱ mä nꞌa tu̱i de hanja bi nxixtehe rä Hesu, hñetihu̱ Mateo 3:13-17. ꞌNepu̱ thädihu̱ nuya yä ntꞌani:
-
¿Hanja di handihu̱ ge rä Hesu hingä mi nꞌa rä ꞌue̱ne nuꞌmu̱ bi nxixtehe?
-
Nuꞌmu̱ bi nxixtehe rä Hesu, ¿ho̱nse̱ bri xiꞌspäbi nꞌa zi tu̱i rä dehe ha rä ñäxu, o te udi rä Biblia?
Dende nuꞌmu̱ bi nxixtehe rä Hesu, näꞌä bi mu̱di bi ja näꞌä rä mäkä ꞌme̱fi xki mända rä Zi Dada Jeoba. Hñetihu̱ Lucas 3:21-23 ꞌne Juan 6:38, ꞌnepu̱ thädihu̱ nunä rä ntꞌani:
-
Mi nxixtehe rä Hesu, ¿te mä ꞌme̱fi bi prokura dä ja mꞌe̱tꞌo?
5. Nuꞌi ꞌnehe dä za gi nxixtehe
Rꞌa yä zi jäꞌi mäske ya pädi ndaꞌä rä bolunta rä Zi Dada Jeoba, tsu dä umbäbi yä te ꞌne dä nxixtehe. Pe mu̱ nuꞌi gi sigi gi tede näꞌä ri mhäte ꞌne ri komfiansa po rä Zi Dada Jeoba, gi nuhmä ge nsinke toꞌo dä obligaꞌi, nuꞌi ma gi nese̱ gi umbäbi ri te ꞌne gi nxixtehe. Pa gi hyandihu̱ te xä me̱fi rꞌa yä zi jäꞌi, yꞌe̱ntsꞌihu̱ rä BIDEO.
Hñetihu̱ Juan 17:3, TNM ꞌne Santiago 1:5, TNM, ꞌnepu̱ thädihu̱ nunä rä ntꞌani:
-
Pa dä zo̱ho̱ dä nxixtehe nꞌa rä jäꞌi, ¿te di ja mꞌe̱di dä me̱fi mꞌe̱tꞌo?
-
Änte dä nxixtehe nꞌa rä jäꞌi, mꞌe̱tꞌo di ja nꞌa rä sadi habu̱ xipäbi rä Zi Dada Jeoba, ge nubye̱ ma dä mꞌu̱i pa dä me̱päbi rä bolunta pa nzäntho.
-
Toꞌo di nxixtehe, udi ante gatꞌho yä jäꞌi ge ya bi umbäbi rä te rä Zi Dada Jeoba pa dä me̱päbi rä bolunta.
6. Toꞌo di nxixtehe, dende geꞌmu̱ ya di pertenese ha näꞌä rä familia rä Zi Dada Jeoba
Ora di nxixtehehu̱, dende näꞌä oraꞌä nubye̱ di pertenesehu̱ ha näꞌä rä familia pe̱ꞌtsi rä Zi Dada Jeoba po gatꞌho rä Xiꞌmhai. Hindi mporta habu̱ dyä menguhu̱, mu̱ dyä rikohu̱ o dyä hyoyahu̱, gatꞌho di kamfrihu̱ rä Zi Dada Jeoba ꞌne di ꞌmu̱ihu̱ ja ngu di mändaꞌä. Hñetihu̱ Salmo 25:14 ꞌne 1 Pedro 2:17, ꞌnepu̱ thädihu̱ nuya yä ntꞌani:
-
Ja ngu dä handihu̱ ha nuya yä testo, ora nꞌa rä jäꞌi di nxixtehe, ¿te mä ntsitsꞌi ma dä me̱ꞌtsi ko rä Zi Dada Jeoba? ¿Te mä ntsitsꞌi ma dä me̱ꞌtsi ko nuꞌu̱ märꞌa yä jäꞌi pe̱päbi rä Zi Dada Jeoba?
RꞌA YÄ JÄꞌI ENÄ: «Di enga ge tobe hixtä ñhoki pa gä nxixtehe».
-
Mu̱ nuꞌi gi senti njabu̱, ¿gi kamfri ge di bale rä penä gi yꞌo̱tꞌe ntsꞌe̱di pa gi nxixtehe nꞌa rä pa? ¿Por hanja?
NÄꞌÄ DÄ PÄDIHU̱
Rä Hesu bi mää ge pa gä udihu̱ ge xa mäjuäni di de̱nihu̱, mähyoni gä nxixtehehu̱. Pa dä za dä nxixtehe nꞌa rä jäꞌi mähyoni dä uni nuya yä paso: Nꞌaa, mähyoni dä tede rä mhäte ꞌne rä komfiansa po rä Zi Dada Jeoba. Yoho, dä ꞌñudi ge ꞌmu̱i ja ngu di mändaꞌä. ꞌNe hñuu, mähyoni dä jase̱ nꞌa rä sadi habu̱ dä xipäbi rä Zi Dada Jeoba ge umbäbi rä te pa dä me̱päbi rä bolunta.
Pa gä benihu̱
-
¿Te me̱ꞌä rä nxixtehe o bautismo?
-
¿Por hanja xa mähyoni toꞌo dä nxixtehe? ¿Te udi nꞌa rä jäꞌi ora di nxixtehe?
-
¿Te debe dä me̱fi nꞌa rä jäꞌi änte de dä nxixtehe?
HABU̱ DÄ ZA GI PÄDI MÄ NꞌA TU̱I
Pädi näꞌä xa mäjuäni udi rä Biblia de rä nxixtehe.
Hyandi rꞌa yä konseho nuꞌu̱ ma dä maxꞌäꞌi gi uni yä paso pa njabu̱ dä za gi nxixtehe.
«Toꞌo di nxixtehe udi ge di mädi Jeoba ꞌne di jamädibi» (La Atalaya, marzo de 2020)
Pädi te bi japäbi nꞌa rä zi ñꞌo̱ho̱ dä nxixtehe.
«Nuꞌu̱ bi maxkägi pa dä dase̱ ngue̱nda ndaꞌä mäjuäni» (La Atalaya, 1 de febrero de 2013)
Hyandi por hanja di bale rä penä toꞌo dä nxixtehe ꞌne hanja dä za gi ñhoki pa gi uni nunä rä paso.
«Xi nuga, ¿ya dä hogi gä nxixtehe?» (Nuꞌu̱ yä ntꞌani o̱tꞌe yä bäsjäꞌi, volumen 2, capítulo 37)
a Mu̱ nꞌa rä jäꞌi ya bi bädi näꞌä xa mäjuäni udi rä Biblia, pe mä mꞌe̱tꞌo xki nxixtehe ha mä nꞌa rä relijion, nuꞌmu̱ mähyoni dä nxixtehe mänꞌaki. ¿Por hanja? Ngeꞌä ha näꞌä relijion, hixki tꞌuti näꞌä xa mäjuäni udi rä Biblia de Äjuä (hyandi Hechos 19:1-5, TNM ꞌne rä lección 13).
Puede que también le interese
NÄꞌÄ DI ÑꞌANI YÄ JÄꞌI
¿Tengu nuꞌu̱ yä curso de rä Mäkä Tꞌofo uni yä testigo rä Jeoba?
Ora ma gi hñäni ri curso, nuꞌi dä za gi usa näꞌä rä Biblia go gi ne. ꞌNehe dä za gi mbitabi ri familia o nuꞌu̱ ri amigo pa dä nxadi rä Biblia kongeꞌi.
