Gatꞌho di ne gä pe̱ꞌtsihu̱ mä amigohu̱ nuꞌu̱ yä onrado. Rä Zi Dada Jeoba to̱ꞌmi ge nuꞌu̱ yä amigo dyä onrado ꞌnehe. Mäske ndunthi yä jäꞌi hingi handi ge mähyoni gä ñꞌonradohu̱, ¿te mä benefisio ma gä hänihu̱ mu̱ gä o̱tꞌehu̱ ntsꞌe̱di po gä ñꞌonradohu̱ ha gatꞌho näꞌä di pe̱fihu̱?

1. ¿Gi pädi por hanja xa di debe gä ñꞌonradohu̱?

Ora dyä onradohu̱ ko märꞌa yä jäꞌi, di utihu̱ rä Zi Dada Jeoba hängu di mädihu̱ ꞌne di pe̱ꞌspäbihu̱ rä tꞌekꞌei. Beni, rä Zi Dada Jeoba handi gatꞌho näꞌä di pe̱fihu̱ ꞌne pädi näꞌä di mbenihu̱ (Hebreos 4:13). Näꞌä di da ngue̱nda ora dyä onradohu̱ ꞌne di numäñhogihu̱. Rä Biblia enä: «Jeoba di u̱tsa nuꞌu̱ hatꞌi yä mikꞌei, pe Näꞌä pe̱ꞌtsi nꞌa rä hogä ntsitsꞌi ko nuꞌu̱ pe̱fi näꞌä xä ñho» (Proverbios 3:32).

2. ¿Habu̱ di debe gä ñꞌonradohu̱?

Rä Zi Dada Jeoba di mändagihu̱: «Mäñhu̱ näꞌä mäjuäni ꞌne ogi hatꞌihu̱ ri mikꞌeihu̱» (Zacarías 8:16, 17). Hää, ora di ñähu̱ ko mä familiahu̱, ko nuꞌu̱ yä jäꞌi ha mä ꞌme̱fihu̱, ko yä ku ꞌne ko yä autorida, di debe gä mäñhu̱ näꞌä mäjuäni ꞌne hindi debe gä hatꞌihu̱. Nꞌa rä jäꞌi näꞌä rä onrado hindi mpe, nixi mängä yä nkꞌuamba o yä nhemhñä pa dä hñämbäbi rä mikꞌei näꞌä pe̱ꞌtsi (hñeti Proverbios 24:28 ꞌne Efesios 4:28). Nuꞌu̱ yä onrado jutꞌi yä impuesto, yä finca ꞌne nuꞌu̱ yä servicio tꞌumbäbi habu̱ ꞌmu̱i (Romanos 13:5-7, TNM). Nuju̱ ꞌnehe di ne gä ñꞌonradohu̱ ha gatꞌho näꞌä di pe̱fihu̱ (Hebreos 13:18, TNM).

3. ¿Te mä benefisio di hänihu̱ ora dyä onradohu̱?

Mu̱ dyä onradohu̱, märꞌaa ma dä me̱skägihu̱ rä komfiansa. ꞌNe ja ngu ha nꞌa rä familia, ma dä nja nꞌa rä hogä ntsitsꞌi ꞌne rä komfiansa ha rä mhuntsꞌi. ꞌNehe, ora dyä onradohu̱ asta di ähähu̱ xä ñho ngeꞌä hinte u̱ni mä mfenihu̱. Pe tobe ja mä nꞌa rä däta benefisio: Ora dyä onradohu̱ di eꞌspäbihu̱ rä nsu rä Zi Dada Jeoba, ꞌne märꞌa yä zi jäꞌi ma dä ne dä bädi de Geꞌä (Tito 2:10).

 HANJA DÄ ZA DÄ MAXꞌÄꞌI RÄ NOYA ÄJUÄ

5. Nzäntho mängä näꞌä mäjuäni

 6. Ora dyä onradohu̱ bi hänkägihu̱ ndunthi yä benefisio

Ora dyä onradohu̱ dä za dä hänkägihu̱ yä xuñha. Pe ko rä tiempo ma gä handihu̱ hängu yä benefisio bi hänkägihu̱ ora di mäñhu̱ näꞌä mäjuäni. Hñetihu̱ Salmo 34:12-16, ꞌnepu̱ thädihu̱ nunä rä ntꞌani:

• Mu̱ nzäntho gi ñꞌonrado, ¿hanja geꞌä ma dä maxꞌäꞌi gi pe̱ꞌtsi nꞌa rä hogä mꞌu̱i?

1. Yä medinthäti pe̱ꞌtsi nꞌa rä hogä ntsitsꞌi nuꞌmu̱ tanto rä däme ngu rä ꞌme̱hñä yä onrado.

2. Yä patron mänꞌa pe̱ꞌspäbi rä komfiansa nuꞌu̱ yä me̱fi yä onrado.

3. Yä autorida numäñho nuꞌu̱ yä siudadano yä onrado.

 NÄꞌÄ DÄ PÄDIHU̱

Rä Zi Dada Jeoba to̱ꞌmi ge nuꞌu̱ yä amigo nzäntho dä mängä näꞌä mäjuäni ꞌne dä ñꞌonrado ha gatꞌho näꞌä pe̱fi.

Pa gä benihu̱

• ¿Habu̱ di debe gä ñꞌonradohu̱?

• ¿Por hanja xi nꞌa rä ndondo gä mbenihu̱ ge hinto ma dä bädi ora di mäñhu̱ nꞌa rä nkꞌuamba?

• Xi nuꞌi, ¿por hanja nzäntho gi ne gi mängä näꞌä mäjuäni ꞌne gi ñꞌonrado ha gatꞌho näꞌä gi pe̱fi?