Rä Zi Dada Jeoba ne gä disfrutahu̱ de rä bida. Hänge näꞌä hingi proibi ge rꞌabu̱ gä jahu̱ nꞌa rä kombibio o nꞌa rä ngo. ¿Pe gi pädi? Rä Zi Dada Jeoba hingi numäñho gatꞌho yä ngo. Hänge, ¿hanja dä za gä udihu̱ ge di mädihu̱ rä Zi Dada Jeoba ꞌne ge di o̱tꞌehu̱ ngue̱nda näꞌä di mbeni?

1. ¿Por hanja rä Zi Dada Jeoba hingi numäñho rꞌa yä ngo?

Tal vez dä sorprendeꞌi gi pädi ge ndunthi de nuꞌu̱ yä ngo o̱tꞌe yä jäꞌi, di nkontraui ko näꞌä udi rä Biblia. Ngeꞌä nuꞌu̱ yä ngo, ehe de nuꞌu̱ yä jäꞌi o yä relijion mi xo̱kämbeni yä hyate zidada. Ndunthi de nuꞌu̱ yä ngo, di ñꞌoui nuꞌu̱ yä kosa pe̱fi ꞌne udi yä ꞌñete o yä espiritista. Rꞌaa di ñꞌoui nuꞌu̱ yä creencia ge ora tu nꞌa rä jäꞌi po̱ni rä alma o rä espiritu. ꞌNehe, ndunthi de nuꞌu̱ yä ngo di ñꞌoui märꞌa yä creencia nuꞌu̱ hingi ho rä Zi Dada Jeoba (Isaías 65:11). Rä Biblia enä: «Po̱nihu̱ de geꞌu̱, ꞌne ꞌuegehu̱—enä Jeoba—, ꞌne ya ogi thathu̱ nuꞌu̱ yä tꞌo̱tꞌe xä ntsꞌo» (2 Corintios 6:17, TNM). a

2. ¿Te di senti rä Zi Dada Jeoba ora handi ge di tꞌo̱tꞌe yä ngo habu̱ go di tꞌespäbi rä nsu yä jäꞌi?

Rä Zi Dada Jeoba xikägihu̱ ge hindi debe gä njahu̱ ngu nuꞌu̱ yä jäꞌi «kamfribi yä mi jäꞌiui, ꞌne go huxä rä komfiansa ha näꞌä rä tsꞌe̱di pe̱ꞌtsiꞌu̱» (hñeti Jeremías 17:5). Por ejemplo, rꞌa de nuꞌu̱ yä ngo di tꞌo̱tꞌe pa dä feni nꞌa rä gobiernu, yä soldado, rä bandera, o pa dä feni näꞌä rä fecha nuꞌmu̱ bi thähä nꞌa rä gerra (1 Juan 5:21, TNM). Märꞌa yä ngo, di animäbi yä jäꞌi dä yu̱tꞌi ha yä politika o dä nju̱tsꞌi kontra yä autorida. ¿Hanja gi kamfri ge di senti rä Zi Dada Jeoba ora handi ge di tꞌo̱tꞌe yä ngo habu̱ go di tꞌespäbi rä nsu nꞌa rä jäꞌi, nꞌa rä ngu de gä ꞌme̱fi o habu̱ di tꞌo̱tꞌe nuꞌu̱ yä kosa di nkontraui ko rä bolunta?

3. ¿Te hingi ho dä hyandi rä Zi Dada Jeoba ha nꞌa rä ngo?

Rä Biblia enä ge rä Zi Dada Jeoba xa di u̱tsa nuꞌu̱ yä ngo habu̱ ja ndunthi yä binu ꞌne yä ithe, ngeꞌä ndunthi yä mꞌiki asta nogo yä jäꞌi ko rä nti (1 Pedro 4:3, TNM). Ha yä ngo, ndunthi yä jäꞌi hingi pädi dä dominä yä mfeni ꞌne pe̱fi yä tsꞌo tꞌo̱tꞌe. Hänge mu̱ di nehu̱ ge rä Zi Dada Jeoba dä numäñhogihu̱, pe̱ꞌtsi te gä ꞌuegehu̱ de gatꞌho nuꞌu̱ yä kosa di u̱tsa.

 HANJA DÄ ZA DÄ MAXꞌÄꞌI RÄ NOYA ÄJUÄ

 5. Fatsꞌi märꞌaa dä respeta näꞌä gi kamfri

6. Jeoba ne gä ꞌmu̱ihu̱ ko rä johya ꞌne gä disfrutahu̱ de rä bida

Rä Zi Dada Jeoba ne gä kombibihu̱ ꞌne gä dibertihu̱ ko mä familiahu̱ ꞌne mä amigohu̱. Hñetihu̱ Eclesiastés 8:15, ꞌnepu̱ thädihu̱ nunä rä ntꞌani:

• ¿Hanja udi nunä testo ge rä Zi Dada Jeoba ne gä ꞌmu̱ihu̱ ko rä johya?

Rä Zi Dada Jeoba ne ge nuꞌu̱ yä amigo dä muntsꞌi ꞌne dä kombibi. Yꞌe̱ntsꞌihu̱ rä BIDEO pa gi hyandihu̱ hanja nuꞌu̱ yä amigo rä Zi Dada Jeoba di johya ndunthi ora di ntini ha yä däta mhuntsꞌi internacional.

Hñetihu̱ Gálatas 6:10, ꞌnepu̱ thädihu̱ nuya yä ntꞌani:

• ¿Mähyoni gä to̱ꞌmihu̱ dä zo̱ho̱ nꞌa rä ngo pa gä unihu̱ nꞌa rä regalo o pa gä utihu̱ märꞌa ge di mädihu̱?

• Xi nuꞌi, ¿hanja gi ho gi uni yä regalo, por obligasion o ngeꞌä ja ri gusto gi uni?

• Ndunthi yä testigo rä Jeoba huahni cualquiera rä fecha pa hokuäbi nꞌa rä kombibio o umbäbi nꞌa rä regalo yä zi bätsi. Mu̱ nuꞌi gi pe̱ꞌtsi ri zi bätsi, ¿te mä kosa mähotho dä za gi hyoki o gi pe̱fi po geꞌu̱?

 NÄꞌÄ DÄ PÄDIHU̱

Rä Zi Dada Jeoba ne gä kombibihu̱ ꞌne gä dibertihu̱ ko mä familiahu̱ ꞌne mä amigohu̱. Pe Näꞌä hingi ho dä hyandi gä partisipahu̱ ha nuꞌu̱ yä ngo habu̱ di tꞌo̱tꞌe nuꞌu̱ yä kosa di u̱tsa.

Pa gä benihu̱

• ¿Te mä ntꞌani debe gä o̱tꞌehu̱ pa gä handihu̱ mu̱ nꞌa rä ngo di ho o di u̱tsa rä Zi Dada Jeoba?

• ¿Hanja dä za gä fatsꞌihu̱ mä familiahu̱ ꞌne mä amigohu̱ pa dä komprende por hanja nuju̱ hindi partisipahu̱ ha rꞌa yä ngo?

• ¿Hanja di pädihu̱ ge rä Zi Dada Jeoba ne gä ꞌmu̱ihu̱ ko rä johya ꞌne gä disfrutahu̱ de rä bida?