RÄ LECCIÓN 55
Mfaxte ha rä mhuntsꞌi
Po gatꞌho rä Xiꞌmhai ja yä mꞌotho nuꞌu̱ yä mhuntsꞌi de yä testigo rä Jeoba. Ha nuya yä mhuntsꞌi di ntini yä miyontho yä jäꞌi pa di xo̱kämbeni rä Zi Dada Jeoba. Nuyu̱ yä kristianu xa di jamädi ꞌne di balora gatꞌho näꞌä rä mfatsꞌi häni de rä Noya Äjuä, hänge ko ndunthi rä johya honi rä modo hanja dä mfaxte ha nuꞌu̱ yä mhuntsꞌi di ntini. Xi nuꞌi, ¿njabu̱ gi senti po näꞌä rä mhuntsꞌi habu̱ gi ntini?
1. ¿De te mä forma dä za gi usa ri tiempo ꞌne ri tsꞌe̱di pa gi mfaxte ha rä mhuntsꞌi?
Gatꞌho dä za gä mfaxtehu̱ ha rä mhuntsꞌi. Por ejemplo, mu̱ ha rä mhuntsꞌi di ntini rꞌa yä zi ku nuꞌu̱ yä zi däta jäꞌi o di hñeni, ¿dä za gi fatsꞌi pa dä ntini ha yä mhuntsꞌi?, o ¿dä za gi fatsꞌi dä limpia rä nguu o dä dai rä mändado? (Hñeti Santiago 1:27, TNM). ꞌNehe, dä za gä mfaxtehu̱ pa drä limpia rä Ngu de gä Mhuntsꞌi ꞌne dä thoki habu̱ xä tsꞌoki. Mähyoni gä benihu̱ ge hinto di obligagihu̱ gä unihu̱ nunä rä mfatsꞌi. Pe näꞌä rä mhäte di sentihu̱ po rä Zi Dada Jeoba ꞌne po mä kuhu̱, geꞌä ma dä jakägihu̱ gä mfaxtehu̱ po mä boluntase̱hu̱ (Salmo 110:3).
Nuꞌu̱ ya xä nxixtehe ngu yä testigo rä Jeoba, tobe dä za dä mfaxte de märꞌa yä forma. Yä ñꞌo̱ho̱ dä za dä kumpli nuꞌu̱ yä rekisito di ja mꞌe̱di pa dä zo̱ho̱ dä mfaxte ngu yä siervo ministerial ꞌne ko rä tiempo dä za dä mfaxte de gä anciano. ꞌNehe, tanto yä ñꞌo̱ho̱ ngu yä ꞌme̱hñä, tobe dä za dä uni mä nꞌa tu̱i de yä tiempo pa dä predika ꞌne dä mfaxte de gä precursor. Märꞌaa, dä za dä mfaxte dä thoki yä Ngu de gä Mhuntsꞌi o dä za dä ma ha mä nꞌa rä mhuntsꞌi habu̱ di ja mꞌe̱di rä mfatsꞌi.
2. ¿Hanja dä za gä usa mä bojähu̱ ꞌne nuꞌu̱ märꞌa yä kosa di pe̱ꞌtsihu̱ pa gä mfaxtehu̱ ha rä mhuntsꞌi?
Rä Biblia engägihu̱: «ꞌÑeꞌspäbi rä nsu Jeoba ko nuꞌu̱ yä ñho gi pe̱ꞌtsi» (Proverbios 3:9). Pa gekhu̱ xi nꞌa rä däta nsu gä usa mä bojähu̱ ꞌne nuꞌu̱ yä kosa di pe̱ꞌtsihu̱, pa gä mfaxtehu̱ ha rä mhuntsꞌi ꞌne pa gä mfaxtehu̱ dä tꞌungä ntꞌo̱de rä Noya Äjuä po gatꞌho rä Xiꞌmhai. Nuya yä donäsio ꞌnehe dri usa pa dri fatsꞌi nuꞌu̱ yä ku thogi yä xuñha po ränge yä bu̱nthi yꞌee, yä mbiꞌmhai o märꞌa yä tsꞌo thogi (hñeti 2 Corintios 9:7, TNM). Ndunthi yä testigo rä Jeoba xä nzäi ge ora tso̱päbi rä bojä di ꞌueke nꞌa zi hängu pa dä uni yä zi donäsio (hñeti 1 Corintios 16:2, TNM). Nuꞌu̱ mä zi ꞌmo̱ñhähu̱ dä za gä e̱ntꞌihu̱ ha nuꞌu̱ yä kaha de gä donäsio ja ha yä Ngu de gä Mhuntsꞌi, o dä za gä unihu̱ po mäde de Internet ha donate.pr418.com. Rä Zi Dada Jeoba to̱ꞌmi ge de mä boluntase̱hu̱, gä usahu̱ mä bojähu̱ o nuꞌu̱ yä kosa di pe̱ꞌtsihu̱ pa gä utihu̱ hängu di mädihu̱.
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä pädihu̱ hanja dä za gä mfaxtehu̱ ha rä mhuntsꞌi.
3. Dä za gä usahu̱ nuꞌu̱ yä kosa di pe̱ꞌtsihu̱
Tanto rä Zi Dada Jeoba ngu rä Hesu, xa di johya ora handi ge di uñhu̱ mä zi donäsiohu̱ ko ngatꞌho mä korasohu̱. Nꞌa rä pa, rä Hesu bi hyandi ko ndunthi rä muui näꞌä bi me̱fi nꞌa rä zi biuda ora bi uni rä ꞌmo̱ñhä. Hñetihu̱ Lucas 21:1-4, TNM, ꞌnepu̱ thädihu̱ nuya yä ntꞌani:
-
Ora di unihu̱ mä zi donäsiohu̱, ¿di ja mꞌe̱di gä unihu̱ ndunthi rä bojä pa gä johyabihu̱ rä koraso rä Zi Dada Jeoba?
-
¿Te di senti rä Zi Dada Jeoba ꞌne rä Hesu ora handi ge de mä boluntase̱hu̱ di unihu̱ mä donäsiohu̱ ko ngatꞌho mä pahahu̱?
Pa gi pädi hanja dri usa nuꞌu̱ yä donäsio di tꞌuni, yꞌe̱ntsꞌihu̱ rä BIDEO. ꞌNepu̱ thädihu̱ nunä rä ntꞌani:
-
Ko nuꞌu̱ mä donäsio di unihu̱, ¿hanja di benefisia nuꞌu̱ yä mhuntsꞌi ja po gatꞌho rä Xiꞌmhai?
4. Dä za gä mfaxtehu̱ ꞌnehe
Rä Biblia udi ge nuꞌu̱ yä jäꞌi mi pe̱päbi rä Zi Dada Jeoba mäyaꞌmu̱, mi uni yä donäsio ꞌne ko ndunthi rä johya mi mpe̱fi pa mi umbäbi rä mantenimiento nuꞌu̱ yä luga habu̱ mi muntsꞌi. Hñetihu̱ 2 Crónicas 34:9-11, ꞌnepu̱ thädihu̱ nunä rä ntꞌani:
-
¿Te mi pe̱fi yä israelita mäyaꞌmu̱ pa mi umbäbi rä mantenimiento näꞌä rä luga habu̱ mi xo̱kämbeni rä Zi Dada Jeoba?
Pa gi hyandihu̱ hanja mäpaya yä testigo rä Jeoba de̱mbäbi rä ejemplo nuꞌu̱ yä zi jäꞌi mi pe̱päbi rä Zi Dada Jeoba mäyaꞌmu̱, yꞌe̱ntsꞌihu̱ rä BIDEO. ꞌNepu̱ thädihu̱ nuya yä ntꞌani:
-
¿Por hanja xa mähyoni gä umbäbihu̱ rä mantenimiento ꞌne gä limpiahu̱ näꞌä rä Ngu de gä Mhuntsꞌi habu̱ di ntinihu̱?
-
Xi nuꞌi, ¿gi kamfri ge dä za gi mfaxte ꞌnehe? ¿De te mä forma?
5. Yä ñꞌo̱ho̱ dä za dä kumpli ko nuꞌu̱ yä rekisito tꞌadi pa dä me̱ꞌtsi märꞌa yä responsabilida
Rä Biblia nupäbi yä mfeni nuꞌu̱ yä ñꞌo̱ho̱ pa dä yꞌo̱tꞌe ntsꞌe̱di po dä kumpli ko nuꞌu̱ yä rekisito hutsꞌi ha rä Biblia, pa tobe mänꞌa dä za dä mfaxte ha rä mhuntsꞌi. Pa gä handihu̱ nꞌa rä ejemplo, yꞌe̱ntsꞌihu̱ rä BIDEO. ꞌNepu̱ thädihu̱ nunä rä ntꞌani:
-
¿Te bi me̱fi Ryan pa mänꞌa bi me̱päbi xä ñho rä Zi Dada Jeoba ha rä mhuntsꞌi?
Rä Biblia mää te mä rekisito di kumpli yä siervo ministerial ꞌne yä anciano. Hñetihu̱ 1 Timoteo 3:1-13, TNM, ꞌnepu̱ thädihu̱ nuya yä ntꞌani:
-
¿Te mä rekisito debe dä kumpli nuꞌu̱ yä ku desea dä mfaxte de gä siervo ministerial o de gä anciano?
-
¿Te mä mꞌu̱i debe dä ꞌñudi ꞌne hanja di debe dä porta rä ꞌme̱hñä ꞌne yä bätsi nuꞌu̱ yä siervo ministerial ꞌne yä anciano? (Hyandihu̱ mänꞌaki yä versículo 4 ꞌne 11).
-
Ora yä ku o̱tꞌe ntsꞌe̱di po dä kumpli ko nuyu̱ yä rekisito mända rä Biblia, ¿te mä benefisio häni gatꞌho yä ku de rä mhuntsꞌi?
RꞌA YÄ JÄꞌI ENÄ: «¿Habu̱ bi hä rä bojä yä testigo rä Jeoba pa di ja yä ꞌme̱fi?».
-
Xiꞌmu̱ toꞌo dä xiꞌi njabu̱, ¿te ma gi xipäbi?
NÄꞌÄ DÄ PÄDIHU̱
Rä Zi Dada Jeoba xa di balora ora handi ge di o̱tꞌehu̱ ntsꞌe̱di po gä usahu̱ de mä tiempohu̱, de mä tsꞌe̱dihu̱, de mä bojähu̱ ꞌne de nuꞌu̱ yä kosa di pe̱ꞌtsihu̱ pa gä mfaxtehu̱ ha rä mhuntsꞌi.
Pa gä benihu̱
-
¿Hanja dä za gä usahu̱ mä tiempohu̱ ꞌne mä tsꞌe̱dihu̱ pa gä mfaxtehu̱ ha rä mhuntsꞌi?
-
¿Hanja dä za gä usahu̱ mä bojähu̱ ꞌne nuꞌu̱ yä kosa di pe̱ꞌtsihu̱ pa gä mfaxtehu̱ ha rä mhuntsꞌi?
-
Xi nuꞌi, ¿te gi hohmä gi pe̱fi pa gi mfaxte ha rä mhuntsꞌi?
HABU̱ DÄ ZA GI PÄDI MÄ NꞌA TU̱I
Pädi por hanja Äjuä ya hingi adi dä tꞌuni rä diezmo.
Rä Mäkä Tꞌofo uni rꞌa yä responsabilida pa nuꞌu̱ yä ñꞌo̱ho̱ xä nxixtehe. ¿Pe te debe dä me̱fi nꞌa rä nju mu̱ rꞌabu̱ go di tokabi dä atiende rꞌa de nuya yä responsabilida?
«¿Tengu näꞌa rä autorida xä hñutsꞌi Äjuä ha rä congregación”?» (La Atalaya, febrero de 2021)
Konose rꞌa yä testigo rä Jeoba nuꞌu̱ di ja ndunthi yä sacrificio pa häꞌspäbi yä publicación märꞌa yä testigo rä Jeoba bi ꞌmu̱i xa yabu̱.
Hyandi hanja yä testigo rä Jeoba hingi adi yä bojä ja ngu di ja märꞌa yä relijion.
«¿Habu̱ tini rä bojä yä testigo rä Jeoba pa di ja yä ꞌme̱fi?» (Ehe ha jw.org)
Puede que también le interese
NÄꞌÄ DI ÑꞌANI YÄ JÄꞌI
¿Tengu nuꞌu̱ yä curso de rä Mäkä Tꞌofo uni yä testigo rä Jeoba?
Ora ma gi hñäni ri curso, nuꞌi dä za gi usa näꞌä rä Biblia go gi ne. ꞌNehe dä za gi mbitabi ri familia o nuꞌu̱ ri amigo pa dä nxadi rä Biblia kongeꞌi.
