Mäske xa di mädihu̱ rä Zi Dada Jeoba ꞌne di o̱tꞌehu̱ ntsꞌe̱di po gä pe̱päbihu̱ rä bolunta, rꞌabu̱ ma gä kometehu̱ yä error ꞌne mu̱ hingä nsuhu̱ dä za gä tagihu̱ ha yä däta pekado (1 Corintios 6:​9, 10, TNM). ¡Hingä geꞌä di nehu̱! Pe mu̱ nꞌa rä pa gi tagi ha nꞌa rä däta pekado, beni nzäntho ge rä Zi Dada Jeoba nunka ma dä hye̱gi de dä mäꞌi; Näꞌä ma dä mꞌu̱i dispuesto dä punꞌäꞌi ꞌne ma dä maxꞌäꞌi pa gi pengi mänꞌaki ha rä ꞌñuu.

1. ¿Te debe gä pe̱fihu̱ pa njabu̱ rä Zi Dada Jeoba dä punꞌgägihu̱?

Nꞌa rä jäꞌi näꞌä xä yꞌo̱tꞌe nꞌa rä däta pekado, zäi ge nubye̱ di senti nꞌa rä däta dumu̱i ngeꞌä bi fayabi rä Zi Dada Jeoba. Pe rä Zi Dada Jeoba embäbi nuꞌu̱ di senti njabu̱: «Guä ehu̱ ꞌne ma gä resolbehu̱ nuꞌu̱ yä xuñha ja entre nuju̱ [...]. Mäske nuꞌu̱ ri pekadohu̱ xa xä nthe̱ni, ma dä tꞌaxki ngu rä nieve» (Isaías 1:​18). Hää, mu̱ xa mäjuäni di arrepentihu̱, rä Zi Dada Jeoba ꞌmu̱i dispuesto dä punꞌgägihu̱. Pe, ¿te debe gä pe̱fihu̱ pa gä udihu̱ ge xa mäjuäni di arrepentihu̱? Debe gä yobrihu̱ ꞌne gä mpe̱tsꞌihu̱ ko ngatꞌho mä korasohu̱ po näꞌä rä pekado xtä o̱thu̱. ꞌNepu̱ debe gä tsohu̱bu̱ näꞌä rä ꞌñuu xä ntsꞌo ꞌne gä bäntebihu̱ rä Zi Dada Jeoba ge dä punꞌgägihu̱. ꞌNehe, mähyoni gä handihu̱ te bi zixkägihu̱ gä o̱tꞌehu̱ näꞌä rä pekadoꞌä, ꞌne nubye̱ gä o̱thu̱ ntsꞌe̱di po gä tsohu̱bu̱ nuꞌu̱ yä tsꞌo mfeni ꞌne nuꞌu̱ yä tsꞌo nzäiꞌu̱. Mähyoni ge dende nubye̱ pa ndelante, gä o̱thu̱ ntsꞌe̱di po gä ꞌmu̱ihu̱ mänꞌaki ja ngu di mända rä Zi Dada Jeoba (hñeti Isaías 55:​6, 7).

2. ¿Hanja di usa rä Zi Dada Jeoba yä anciano pa dä maxkägihu̱ ora di o̱thu̱ nꞌa rä däta pekado?

Mu̱ xtä o̱tꞌehu̱ nꞌa rä däta pekado, rä Zi Dada Jeoba engägihu̱: «Nzofo nuꞌu̱ yä anciano de rä mhuntsꞌi» (hñeti Santiago 5:​14, 15, TNM). Nuyu̱ yä anciano xä thutsꞌi ngu yä mayꞌo de ha rä mhuntsꞌi, pa njabu̱ ora di fayabihu̱ rä Zi Dada Jeoba, nuyu̱ yä ku dä za dä maxkägihu̱ gä pe̱ꞌtsihu̱ mänꞌaki nꞌa rä hogä ntsitsꞌi ko rä Zi Dada Jeoba (Gálatas 6:1).

¿Te pe̱fi yä anciano pa dä matsꞌi nꞌa rä kristianu näꞌä xä yꞌo̱tꞌe nꞌa rä däta pekado? Yoho o hñuu yä anciano ma dä usa rä Biblia pa dä matsꞌi näꞌä rä ku dä hyandi ge hinxä ñho näꞌä bi me̱fi. ꞌNehe ma dä umbäbi yä konseho nuꞌu̱ ma dä matsꞌi dä hyandi por hanja di debe dä yꞌo̱tꞌe ntsꞌe̱di pa ya nunka dä me̱fi mänꞌaki näꞌä rä pekado. Nꞌa rä jäꞌi näꞌä di hñeni hingi tsa dä me̱fi ndunthi yä kosa. Njabu̱ ꞌnehe, nꞌa rä kristianu näꞌä xä yꞌo̱tꞌe nꞌa rä däta pekado, ꞌñenä go di hñeni. Hänge yä anciano ma dä xipäbi ge po mientra hindä za dä me̱fi rꞌa yä kosa ha rä mhuntsꞌi, asta hindä enderesa rä ꞌñuu.

 HANJA DÄ ZA DÄ MAXꞌÄꞌI RÄ NOYA ÄJUÄ

3. Mähyoni gä mäñhu̱ mä pekadohu̱ pa dä tꞌakägihu̱ rä mfatsꞌi

Gatꞌho nuꞌu̱ yä pekado di o̱tꞌehu, ri ꞌñepäbi gä umbäbihu̱ ngue̱nda rä Zi Dada Jeoba. Hñetihu̱ Salmo 32:​1-5, ꞌnepu̱ thädihu̱ nunä rä ntꞌani:

• En lugar gä ägihu̱ nꞌa rä pekado, ¿por hanja mänꞌa xä ñho gä xipäbihu̱ rä Zi Dada Jeoba?

 4. Te mä benefisio ja ora di tꞌe̱ni de rä mhuntsꞌi nꞌa rä jäꞌi näꞌä hindi arrepenti

Mu̱ nꞌa rä jäꞌi näꞌä xä yꞌo̱tꞌe nꞌa rä däta pekado hindi arrepenti ꞌne ya hingi ne dä me̱fi näꞌä di mändabi rä Zi Dada Jeoba, nuꞌmu̱ pe̱ꞌtsi te drä tˈe̱ni ꞌne yä hingä ri ꞌñepäbi dä pertenese ha rä mhuntsꞌi. Hñetihu̱ 1 Corintios 5:​6, 11, ꞌnepu̱ thädihu̱ nunä rä ntꞌani:

• Mu̱ nꞌa zi tu̱i rä lebadura japi dä zoi gatꞌho rä ju̱ni, ¿hanja gi kamfri ge ma dä afektabi gatꞌho rä mhuntsꞌi mu̱ gä ntsitsꞌihu̱ ko nꞌa rä jäꞌi näꞌä hindi arrepenti de yä pekado?

¿Hanja udi rä Zi Dada Jeoba rä nhuekäte ꞌne rä ñhojäꞌi po nuꞌu̱ xä tꞌe̱ni de rä mhuntsꞌi?

 NÄꞌÄ DÄ PÄDIHU̱

Mu̱ nꞌa rä kristianu dä yꞌo̱tꞌe nꞌa rä pekado, pe xa mäjuäni dä arrepenti ꞌne dä zopu̱ näꞌä rä ꞌñuu xä ntsꞌo, rä Zi Dada Jeoba ma dä pumbäbi.

Pa gä benihu̱

• En lugar gä ägihu̱ nꞌa rä pekado, ¿por hanja mänꞌa xä ñho gä xipäbihu̱ rä Zi Dada Jeoba?

• ¿Te mähyoni gä pe̱fihu̱ pa njabu̱ rä Zi Dada Jeoba dä punꞌgägihu̱?

• Mu̱ nꞌa rä kristianu dä yꞌo̱tꞌe nꞌa rä däta pekado, ¿por hanja ꞌnehe xä ñho dä xipäbi yä anciano ꞌne dä yꞌapäbi rä mfatsꞌi?