RÄ NTHEKE 1
Dende bi thoki yä tꞌo̱tꞌe asta rä Däta däyꞌe
¿De habu̱ bä ehe mähetsꞌi ꞌne rä Xiꞌmhai? ¿Hanja bi zo̱ho̱ bi nja rä Hyadi, rä Zänä, yä tso̱o̱, ꞌne gatꞌho nuꞌu̱ märꞌa yä tꞌo̱tꞌe ja ha rä Xiꞌmhai? Rä Mäkä Tꞌofo uni rä mpengi pa nuya yä ntꞌani nuꞌmu̱ mää ge gatꞌho yä tꞌo̱tꞌe go bi hyoki Äjuä. Hänge nunä mä mfistꞌofohu̱ fu̱di ko yä ꞌmede de rä Mäkä Tꞌofo habu̱ mää hanja bi thoki gatꞌho yä tꞌo̱tꞌe.
Ma gä pädihu̱ ge nuꞌu̱ yä mu̱di tꞌo̱tꞌe bi hyoki Äjuä, nuꞌu̱ mñä e̱nxe̱ ja nguꞌä. Pe rä Xiꞌmhai bi thoki pa dä mꞌu̱ yä jäꞌi. Hänge Äjuä bi hyoki rä ñꞌo̱ho̱ ꞌne rä ꞌme̱hñä mrä thuhu rä Adan ꞌne rä Eba ꞌne bi ꞌñembi dä mꞌu̱i ha nꞌa rä uädri xa mähotho. Pe nuꞌu̱ himbi yꞌo̱te Äjuä hänge bi mu̱di bi ꞌme̱di yä te.
Dende nuꞌmu̱ bi thoki rä Adan asta mi zo̱ho̱ näꞌä rä Däta däyꞌe, bi thogi 1,656 yä je̱ya. Ha nuꞌu̱ yä je̱ya bi mꞌu̱ ndunthi yä tsꞌomꞌu̱i jäꞌi. Ha mähetsꞌi mi ꞌmu̱ yä e̱nxe̱, rä Zithu ꞌne nuꞌu̱ yä tsꞌo e̱nxe̱. Ha rä Xiꞌmhai bi mꞌu̱ rä Kain ꞌne märꞌa yä tsꞌomꞌu̱i jäꞌi, ꞌnehe rꞌa yä tsꞌo ñꞌo̱ho̱ nuꞌu̱ xi mi pe̱ꞌtsi ndunthi rä tsꞌe̱di. Pe ꞌnehe ha rä Xiꞌmhai bi mꞌu̱ rꞌa yä hojäꞌi... rä Abel, rä Enok, ꞌne rä Noe. Ha nunä RÄ NTHEKE 1 ma gä pädihu̱ de nuya yä jäꞌi ꞌne nuya yä thogi.
HA NUNÄ SECCIÓN
RÄ ꞌMEDE 1
Äjuä bi mu̱di bi hyoki yä tꞌo̱tꞌe
Nuꞌu̱ yä ꞌmede de hanja bi mu̱di bi nja mähetsꞌi ꞌne rä Xiꞌmhai, hinxä ñhei toꞌo dä ntiende ꞌne xa mähotho pa yä bätsi.
RÄ ꞌMEDE 2
Nꞌa rä uädri xa mähotho
Rä mfistꞌofo Génesis mää ge Äjuä bi hyoki rä uädri Eden ꞌne bi hñutsꞌi ha nꞌa rä hogä luga. Äjuä ne ge rä Xiꞌmhai dä zo̱ho̱ dä nja ngu näꞌä uädri xa mähotho.
RÄ ꞌMEDE 3
Rä mu̱di ñꞌo̱ho̱ ꞌne rä mu̱di ꞌme̱hñä
Äjuä bi hyoki rä Adan ꞌne rä Eba ꞌne bi hñutsꞌi ha rä uädri de Eden. Geꞌä rä mu̱di medinthäti bi mꞌu̱i.
RÄ ꞌMEDE 4
Por hanja Adan ꞌne Eba bi jui de rä uädri
Rä mfistꞌofo Génesis pede hanja bi mꞌe̱di näꞌä rä uädri.
RÄ ꞌMEDE 5
Bi mu̱di nꞌa rä mꞌu̱i xä ñhei
Thi de rä uädri Eden Adan ꞌne Eba bi me̱ꞌtsi ndunthi yä xuñha. Mu̱ xä yꞌo̱te Äjuä, nuꞌmu̱ ma xä ꞌmu̱i ko rä johya ko yä bätsi.
RÄ ꞌMEDE 6
Nꞌa rä hogä tꞌu̱ ꞌne nꞌa rä tsꞌo tꞌu̱
Rä ꞌmede de Kain ꞌne Abel hutsꞌi ha Génesis, utkägihu̱ te mä mꞌu̱i hingi debe gä pe̱ꞌtsihu̱ ꞌne mähyoni gä paatihu̱ nuꞌu̱ yä tsꞌo mfeni nguntꞌä.
RÄ ꞌMEDE 7
Nꞌa rä ñꞌo̱ho̱ himi tsu
Rä kꞌoi rä Enok udi ge dä za gä o̱tꞌehu̱ näꞌä xä ñho mäske di ꞌmu̱ihu̱ ko yä tsꞌomꞌu̱i jäꞌi.
RÄ ꞌMEDE 8
Rꞌa yä nda däta jäꞌi ha rä Xiꞌmhai
Rä mfistꞌofo Génesis rä mꞌede 6 enä ge nuꞌu̱ yä däta jäꞌi bi tꞌembi yä nefilim, mi yä bätsi rꞌa yä tsꞌo e̱nxe̱ ꞌne mi o̱tpäbi yä ntsꞌomꞌu̱i yä jäꞌi.
RÄ ꞌMEDE 9
Rä Noe bi hyoki nꞌa rä arka
Noe ꞌne rä familia bi bongi de näꞌä rä Däta däyꞌe ngeꞌä bi yꞌo̱te Äjuä, pe nuꞌu̱ märꞌa yä jäꞌi himbi yꞌo̱de.
RÄ ꞌMEDE 10
Nꞌa rä Däta däyꞌe
Yä jäꞌi himi jamäsu näꞌä mi mää rä Noe. Pe ya himbi nthedetho mi dagi yä dehe de mähetsꞌi. Pädi hanja po mäde de näꞌä rä arka bi hyoki rä Noe, rä familia ꞌne ndunthi yä zuꞌue hinte bi ja.
