Jeoba bi hyoki rä Adan ꞌne rä Eba pa dä mꞌu̱i pa nzäntho ha rä Uädri ꞌne bi thoki pa hindä du.Rä Zithu bi zambäbi rä thuhu Jeoba ꞌne bi mää ge Jeoba hiri ꞌñepi dä mända. Rä Adan ꞌne rä Eba bi mfaxhui rä Zithu hänge njabu̱ bi japä rä mexiꞌmhai dä ndu rä tsꞌoki ꞌne rä du

Äjuä bi yꞌapäbi ngue̱nda nuꞌu̱ yä tsꞌo yꞌo̱de ngeꞌä hingä geꞌä xki me̱fi ꞌne bi mää ge nꞌa rä Ñänte ma dä huati rä Zithu ꞌne ma dä hñäki gatꞌho nuꞌu̱ yä xuñha bä ehe ko näꞌä rä tsꞌoki bi nheki ha rä uädri Eden

Äjuä bi ja nꞌa rä kohi ko rä Abran ꞌne rä Dabid ꞌne bi xipi ge de nuꞌu̱ yä bätsi, ja ma dä eheni rä Mesia näꞌä ma dä mända pa nzäntho

Jeoba bä pe̱hni nuꞌu̱ yä mꞌe̱hni pa njabu̱ dä mää ge rä Mesia ma dä hñäki rä tsꞌoki ꞌne rä du. Bi mää ge rä Mesia go geꞌä ma dä Ndä ha rä Tsꞌu̱tꞌhui Äjuä. ꞌNehe mä 144,000 ma dä ndäui rä Hesu ꞌne ma dä mfatsꞌi pa dä hñäki gatꞌho yä tuhni, yä ñheni ꞌne rä du

Jeoba bi mää ge rä Hesu go geꞌä rä Mesia. Jeoba bä pe̱hni rä Hesu ha rä Xiꞌmhai pa bi ungä ntꞌo̱de rä Tsꞌu̱tꞌhui Äjuä ꞌne pa bi ungä rä te po rä mexiꞌmhai. Mi du rä Hesu, Jeoba bi gu̱tsꞌi de ha rä du ꞌne bi umbi nꞌa rä te de gä e̱nxe̱

Äjuä bä hutsꞌi rä Kristo de gä Ndä ha mähetsꞌi ꞌne bi mu̱di nuꞌu̱ yä gäxä pa rä xiꞌmhai. Rä Hesu di gu̱hni nuꞌu̱ yä de̱ni pa njabu̱ bi ungä ntꞌo̱de rä Tsꞌu̱tꞌhui Äjuä ha gatꞌho rä xiꞌmhai

Jeoba bi xipi rä Tꞌu̱ ge dä mu̱di dä mända ha rä Xiꞌmhai. Rä Tsꞌu̱tꞌhui Äjuä ma dä hñäki gatꞌho nuꞌu̱ yä tsꞌu̱tꞌhui ja ha rä xiꞌmhai, ma dä yo hyoki nꞌa rä Uädri. Nuꞌu̱ yä jäꞌi yꞌo mänjuäntho ha rä ꞌñuu Äjuä ma dä mꞌu̱i nsi rä tsꞌoki. Hinto ma dä yo ꞌñembäbi Äjuä ge hiri ꞌñepi dä ndä, ma drä nsundabi rä thuhu, ꞌne pa nzäntho strä mäkä ntꞌaxi rä thuhu