Rä Zithu japäbi rä jäꞌi dä me̱fi näꞌä xä ntsꞌo. Mu̱ di ne gä ntsitsꞌihu̱ ko rä Zi Dada, pe̱ꞌtsi gä u̱tsahu̱ näꞌä di u̱tsaꞌä (Romanos 12:9). Yä ntsitsꞌi rä Zi Dada hingi pe̱fi nuya yä tsꞌo tꞌo̱tꞌe mängä nuua:

Hingä yä ꞌñädinthäti. «Oxki ntsingä medinthäti.» (Santiago 2:11.) ꞌNehe xä ntsꞌo nꞌa rä ñꞌo̱ho̱ dä ñꞌähui nꞌa rä ꞌme̱hñä mu̱ hinxä nthäti (1 Corintios 6:18).

Hingi ti. Yä ti «Hin[g]ä ma dä yu̱tꞌä ha rä tsꞌu̱tꞌhui Äjuä» (1 Corintios 6:10, RN).

Hingi ho̱mi yä bätsi ha nixi yä hyote. «Oxki ñhote.» (Romanos 13:9.)

Hindi mpe. «Nuꞌä toꞌo rä be, ya odri mpe.» (Efesios 4:28.)

Hingi mängä yä nkꞌuamba. Jeoba di u̱tsa nuꞌu̱ toꞌo «ju̱tsꞌ[i] yä nkꞌuamba» (Marcos 10:19).

 Hindi ho yä tuhni ha nixi yä bo̱ka. Jeoba «di u̱tsa nuꞌu̱ toꞌo di ho yä tuhni» (Salmo 11:5). Nuꞌu̱ yä jäꞌi o̱tꞌe näꞌä go dä ne, geꞌu̱ «O̱ꞌtuä rä paha [yä] ndoyꞌo» hänge xi dämä tsu̱di «rä kue̱» (Gálatas 5:19, 20).

Hingi ñꞌeni pa dä dähä yä bojä. Ogi ntsitsꞌihu̱ ko «nuꞌu̱ [...] yä jäꞌi xa mädi rä bojä» (1 Corintios 5:11, RN).

Hindi u̱tsa nuꞌu̱ yä jäꞌi de märꞌa yä hnini. «Mädihu̱ nuꞌu̱ toꞌo di u̱tsaꞌihu [...] ꞌne yꞌapäbihu̱ Äjuä po nuꞌä toꞌo no̱ñꞌäꞌihu̱ ꞌne e̱kꞌähu̱.» (Mateo 5:43, 44.)

Äjuä rꞌakägihu̱ nuya yä tsꞌofo pa mä ñhouise̱hu̱. Rꞌabu̱ xä ñhei gä ꞌuengihu̱ de näꞌä xä ntsꞌo, pe ko rä mfatsꞌi rä Zi Dada Jeoba ꞌne nuꞌu̱ yä Testigo, nuꞌäge dä za gi ꞌueke nuꞌu̱ yä tsꞌo tꞌo̱tꞌe di u̱tsa rä Zi Dada (Isaías 48:17; Filipenses 4:13; Hebreos 10:24, 25).