Rä Zithu di ho dä hyandi yä jäꞌi dä me̱fi yä ntꞌete. Ndunthi yä jäꞌi tsu dä zu̱i nuꞌu̱ yä jäꞌi xä du, hänge kamfri ge mu̱ dä yꞌo̱ꞌtue yä fenäte nuꞌmu̱ hinte ma dä yꞌo̱ꞌtuäbi. Nuya yä jäꞌi rꞌabu̱ di hñä yä the̱ngä thähi, yä axi, yä ponza o rꞌabu̱ te agi o di tsaꞌti ha yä gosthi ngeꞌä kamfri ge nuya ja yä tsꞌe̱di pa dä su. O̱tꞌe yä nthuki, näꞌäräza tsi o di ntähmi ha yä ndoyꞌo ngeꞌä kamfri ge nuya «yä ꞌñethi» ꞌne huyämu̱i ge ma dä za dä matsꞌi habu̱ te di pa, ha yä ngunsadi o pa nuꞌu̱ toꞌo ne dä nthäti.

Mu̱ gä ntsitsꞌihu̱ ko rä Zi Dada, näꞌä ma dä sugägihu̱ de nuyu̱ yä ntꞌete ehe de rä Zithu. Jeoba ꞌne yä e̱nxe̱ ja ndunthi rä tsꞌe̱di ke rä Zithu ꞌne nuꞌu̱ yä u̱xjua (Santiago 2:19; Apocalipsis 12:9). Ko näꞌä rä tsꞌe̱di pe̱ꞌtsi rä Zi Dada Jeoba, di ho dä su nuꞌu̱ yä  ntsitsꞌi yä hogä yꞌo̱de (2 Crónicas 16:9).

Rä Noya Äjuä mää: «Ogi pe̱fihu̱ yä ntꞌete». Rä Zi Dada Jeoba di u̱tsa yä ntꞌete, ngeꞌä ko nuya yä tsꞌo ꞌme̱fi rä Zithu dä za dä ja ꞌme̱gogihu̱ (Levítico 19:26).