Nxadi ko ri zi bätsi
Yä dada di usa nuya yä ꞌmede de rä Mäkä Tꞌofo pa uti yä zi bätsi dä bädi dä me̱fi yä hogä tꞌo̱tꞌe.
Prefacio
Nuꞌu̱ yä noya hutsꞌi ha rä mfistꞌofo Deuteronomio dä za dä maxꞌäꞌi pa gi ꞌñuti ri bätsi.
LECCIÓN 1
Nꞌa sekreto näꞌä di rꞌakägihu̱ rä johya gä pädihu̱
Rä Mäkä Tꞌofo no̱ni nꞌa sekreto xa mähotho. Nunä rä thuhu rä mäkä sekreto. Xi nuꞌi, ¿gi hohmä gi pädi te mä sekretoꞌä?
LECCIÓN 2
Rebeka bi johyabi rä koraso Jeoba
¿Te mähyoni gi pe̱fi pa gi johyabi rä koraso Jeoba? Hñeti nunä ꞌmede ꞌne pädi mä nꞌa tu̱i de Rebeka.
LECCIÓN 3
Raab bi me̱ꞌspäbi rä jamfri Jeoba
Pädi hanja Raab, yä dada, ꞌne yä ku, bi bongi nuꞌmu̱ bi uadi rä hnini Jeriko.
LECCIÓN 4
Nꞌa nxutsi bi japi bi johya rä dada ꞌne Jeoba
¿Te mä promesa bi kumpli rä tꞌixu Jefte? ¿Hanja dä za gä te̱mbäbihu̱ rä kꞌoi?
LECCIÓN 5
Samuel nzäntho bi me̱fi näꞌä di ho rä Zi Dada Jeoba
Mäske Samuel mi handi ge märꞌa mi pe̱fi yä tsꞌo tꞌo̱tꞌe, näꞌä nzäntho bi me̱fi näꞌä mi ho rä Zi Dada Jeoba. ¿Hanja dä za gä de̱mbäbihu̱ rä kꞌoi?
LECCIÓN 6
Dabid hingä mi tsu
Hñeti nunä hogä ꞌmede de rä Mäkä Tꞌofo, ꞌne pädi te bi me̱fi Dabid pa himbi ntsu.
LECCIÓN 7
¿Te dä za gi pe̱fi mu̱ gi tsu ꞌne gi tsa ge gi ꞌmu̱se̱?
¿Te bi xipäbi Jeoba Elias nuꞌmu̱ bi za ge mi ꞌmu̱se̱? ¿Te dä za gi pädi de näꞌä bi thogi Elias?
LECCIÓN 8
Josias bi huahni xä ñho toꞌo bi ntsixhui
Rä Mäkä Tꞌofo xikägihu̱ ge nꞌa rä tsꞌu̱ntꞌu̱ mi rä thuhu Josias, bi za bi me̱päbi xä ñho rä Zi Dada Jeoba mäske bi japäbi xä ñhei. Pädi hanja bi matsꞌi nuꞌu̱ yä ntsitsꞌi mi pe̱ꞌtsi.
LECCIÓN 9
Jeremias himbi hye̱gi de bi ñä de rä Zi Dada Jeoba
Mäske yä jäꞌi mi theni ꞌne mi nkue̱ ko Jeremias, ¿por hanja bi sigi bi ñä de Jeoba?
LECCIÓN 10
Rä Hesu nzäntho bi yꞌo̱de
Rꞌabu̱ xä ñhei gi yꞌo̱te ri dada ꞌne ri nänä. ¿Hanja dä za dä maxꞌäꞌi rä kꞌoi rä Hesu?
LECCIÓN 11
¿Toꞌo bi yꞌofo de rä Hesu?
Pädi 8 de nuꞌu̱ yä jäꞌi bi yꞌofo rä Mäkä Tꞌofo ꞌne bi mꞌu̱i ha nuꞌu̱ yä pa rä Hesu ꞌne bi yꞌofo de geꞌä.
LECCIÓN 12
Rä sobrinu Pablo xa hingä mi tsu
Nunä tsꞌu̱ntꞌu̱ bi ñämbäbi rä te rä tio. ¿Gi ne gi pädi hanja bi ja?
LECCIÓN 13
Timoteo xa mi ho dä matsꞌi yä jäꞌi
¿Hanja dä za gi pe̱ꞌtsi rä johya ꞌne nꞌa rä mꞌu̱i xa temäꞌentho ja ngu Timoteo?
LECCIÓN 14
Nꞌa rä tsꞌu̱tꞌhui ma dä mända ha gatꞌho rä Xiꞌmhai
¿Hanja ma dä mꞌu̱i yä jäꞌi xtä mända rä Hesu ha rä Xiꞌmhai? ¿Gi hohmä gi ꞌmu̱hni?
