«Äjuä ma dä dukuäbi gatꞌho yä gidaꞌu̱. Ya hindä nja rä du, ni yä tsꞌoni, ni yä dumu̱i, nixi yä u̱gi, ngeꞌä nu yä tꞌo̱tꞌe mi ja mä mꞌe̱tꞌo, nubye̱ ya otho.» (Apocalipsis [Revelación] 21:3, 4, Ra ꞌRaꞌyo Testamento.)

Ma gi pädi ge Äjuä hingo di japi gä thogihu̱ yä xuñha (Santiago 1:13).

Ma dä hubgä mä mu̱ihu̱ gä pädihu̱ ge Äjuä tsamäñꞌu̱ nuꞌmu̱ di sufrihu̱ (Zacarías 2:8).

Ma dä rꞌakhu̱ nꞌa humu̱i ge pa xudi ndämäni ma dä uadi gatꞌho rä sufrimiento (Salmo 37:9-11).

Hää, po nuya yä raso:

• Äjuä di u̱tsa yä sufrimiento ꞌne nuꞌmu̱ hindi tꞌo̱tꞌe rä tsꞌu̱tꞌhui. ¿Te mi tsa Jeoba nuꞌmu̱ mi tꞌo̱tꞌpäbi yä tsꞌo tꞌo̱tꞌe rä hnini de mäyaꞌmu̱? Rä Mäkä Tꞌofo enä ge Äjuä mi tsamäñꞌu̱ nuꞌmu̱ mi handi nuꞌu̱ yä tsꞌo tꞌo̱tꞌe mi tꞌo̱tꞌpäbi rä hnini (Jueces 2:18).

  Äjuä hindi ho nuꞌu̱ yä jäꞌi japi dä sufri märꞌaa. Rä Mäkä Tꞌofo enä ge di u̱tsa nuꞌu̱ «yä yꞌe̱ di fambäbi yä ji nuꞌu̱ hinte mä thai tu» (Proverbios 6:16, 17, Traducción del Nuevo Mundo).

• Äjuä turämu̱i po kada nꞌa de gekhu̱. Hingä ho̱nse̱ yä jäꞌi “pädi yä u̱gi ꞌne yä dumu̱i”, ¡rä Zi Dada Jeoba ꞌnehe pädi xä ñho näꞌä di thogihu̱! (2 Crónicas 6:29, 30.)

  Po mäde de rä Tsꞌu̱tꞌhui, Jeoba nguntꞌä ma dä huati nuꞌu̱ yä sufrimiento pe̱ꞌtsi kada nꞌa jäꞌi (Mateo 6:9, 10). Mientra dä zo̱ho̱ näꞌä paꞌä, Jeoba di hoꞌti nuꞌu̱ toꞌo honi ko ngatꞌho yä koraso (Hechos 17:27; 2 Corintios 1:3, 4).