RÄ NTHEKE 4
¿Te bi ja rä Adan ꞌne rä Eba nuꞌmu̱ mi yꞌo̱te rä Zithu?
Rä Adan ꞌne rä Eba bi du ngeꞌä himbi yꞌo̱te Äjuä (Génesis 3:6, 23)
Rä Eba bi yꞌo̱de näꞌä bi mää rä kꞌeñä ꞌne bi zi näꞌä rä fruta. Mꞌe̱fa ꞌnehe bi umbi rä Adan pa bi zi.
Nꞌa rä däta tsꞌoki näꞌä bi me̱fi rä Adan ꞌne rä Eba. Mꞌe̱fa, Äjuä bi gui de näꞌä uädri habu̱ mi ꞌmu̱i.
Rä Adan, rä Eba, ꞌne nuꞌu̱ yä bätsi, bi me̱ꞌtsi xa ndunthi yä xuñha. Mꞌe̱fa, nuyu̱ bi mu̱di bi nxita ꞌnepu̱ bi du. Mi du rä Adan ꞌne rä Eba himbi ma ha mähetsꞌi nixi ha mänꞌa rä luga; nuꞌmu̱ bi du ja bi uadini yä te.
Nuꞌu̱ xä du hingi tsa te dä me̱fi ngeꞌä di mfonthai (Génesis 3:19)
Nuju̱ xti ꞌñehehu̱ de rä Adan ꞌne rä Eba, hänge gatꞌho di tuhu̱. Nuꞌu̱ xä du hingi o̱de, hingi handi ꞌne hingi tsa te dä me̱fi (Eclesiastés 9:5, 10).
Jeoba hingä mi ne ge yä jäꞌi xä du. Nguntꞌä ma dä japi dä nuhu nuꞌu̱ yä jäꞌi xä du. ꞌNe mu̱ dä yꞌo̱te Äjuä, nuꞌu̱ ma dä za dä mꞌu̱i pa nzäntho.
Puede que también le interese
ESSENTIAL BIBLE TEACHINGS
¿Te xä thogi ko nuꞌu̱ yä jäꞌi xä du?
Rä Mäkä Tꞌofo ñätkägihu̱ ge ma dä zo̱ho̱ nꞌa rä pa habu̱ ndunthi yä jäꞌi ma dä nangi de rä du ngu rä Lázaro.
ESSENTIAL BIBLE TEACHINGS
¿Por hanja hopi Äjuä dä nja yä sufrimiento?
Ndunthi yä jäꞌi di ñꞌani: «¿Por hanja xa ja yä ntꞌu̱tsate ꞌne yä sufrimiento po gatꞌho rä Xiꞌmhai?». Rä Mäkä Tꞌofo thädi nunä ntꞌani ꞌne rꞌakägihu̱ nꞌa rä humu̱i.
RÄ MÄKÄ TꞌOFO—¿TE MÄ NOYA HUTSꞌI?
Bi jui de ha rä Uädri
Nuꞌmu̱ Äjuä bi yꞌapä ngue̱nda Adán ꞌne Eva, ¿te mä humu̱i bi uni Äjuä?
