RÄ NTHEKE 14
¿Hanja dä za gä o̱tehu̱ nzäntho rä Zi Dada Jeoba?
Huahni gi yꞌo ha rä ꞌñuu Äjuä (1 Pedro 5:6-9)
Ogi tsu ꞌne ꞌuege de nuꞌu̱ yä nzäi mängä rä Mäkä Tꞌofo ge hinxä ñho.
Ogi fatsꞌi nuꞌu̱ yä tsꞌu̱tꞌhui de nunä rä xiꞌmhai. Pe̱ꞌtsi te gä fatsꞌihu̱ se̱he̱ Jeoba ꞌne näꞌä rä Tsꞌu̱tꞌhui.
Yꞌo̱de näꞌä xiꞌi Äjuä, geꞌä rä ꞌñuu mänꞌa xä ñho (Mateo 7:24, 25)
Ntini ha yä mhuntsꞌi yä testigo rä Jeoba; nuyu̱ ma dä za dä maxꞌäꞌi pa gi kuatꞌi Äjuä.
Sigi gi pädi de Äjuä ꞌne yꞌo̱te nuꞌu̱ yä mhända.
Nuꞌmu̱ xti te ri jamfri, dä za gi xipäbi Äjuä ge gi umbäbi ri te pa gi pe̱päbi, ꞌnepu̱ dä za gi nku̱ꞌmdehe (Mateo 28:19, NM).
Yꞌo̱te Äjuä, heti rä Mäkä Tꞌofo, ꞌne xipäbi yä testigo rä Jeoba dä maxꞌäꞌi gi pädi te hutsꞌi ha rä Mäkä Tꞌofo. Mu̱ gi pe̱fi yä mhända Äjuä, nuꞌmu̱ ma gi ꞌmu̱i pa nzäntho (Juan 17:3).
Puede que también le interese
PÄDI TOꞌOGIHE
Ntini kongekhe ha nꞌa rä mhuntsꞌi
Pädi de nuꞌu̱ yä mhuntsꞌi di pe̱ꞌtsihe. Hyoni habu̱ di muntsꞌi yä Testigo getbu̱ de habu̱ gi ꞌmu̱i.
