Mi mꞌu̱kua rä Hesu ha rä Xiꞌmhai, bi ꞌñudi ge xa mi mädi yä jäꞌi, mänꞌa nuꞌu̱ yä zi hyoya ꞌne nuꞌu̱ mi sufri (Mateo 9:36). Asta bi ungä rä te po ränge märꞌaa (Mateo 20:28; Juan 15:13). Mänꞌitꞌho, mänꞌaki ma dä ꞌñudi hängu di mäkägihu̱: ngu rä Rey de rä Tsꞌu̱tꞌhui Äjuä, ma dä usa rä tsꞌe̱di pa dä huati rä ñhoya.

 Rä Hesu ma dä japi dä kumpli nunä rä promesa de rä Mäkä Tꞌofo:

•   «Näꞌä ma dä ñäni nuꞌu̱ yä zi hyoya de rä hnini, ma dä ñämbäbi yä te nuꞌu̱ yä bätsi yä zi hyoya» (Salmo 72:4).

 ¿Hanja dä za gä udihu̱ ge di jamädibihu̱ rä Hesu po gatꞌho näꞌä ya xä me̱fi ꞌne po gatꞌho näꞌä ma dä sigi dä me̱fi po gekhu̱ xudi ndämäni? Ha Lucas 22:19, rä Hesu bi ꞌñembäbi yä de̱ni dä yꞌo̱tꞌe nꞌa rä Fenäte de rä du. Po rängeꞌä, tatꞌä je̱ya yä testigo rä Jeoba di ntini pa dä yꞌo̱tꞌe nunä Fenäte. Di mbitaꞌihe gi ntini kongekhe ha rä Fenäte de rä du rä Hesu nunä rä je̱ya. Ma dä tꞌo̱tꞌe rä pa ndomingo 24 de rä märso de rä 2024.

Hyoni habu̱ ma dä tꞌo̱tꞌe rä Fenäte