Mi mꞌu̱kua rä Hesu ha rä Xiꞌmhai, bi ꞌñudi ge xa mi mäkägihu̱: asta bi uni rä te por gekhu̱ (Mateo 20:28; Juan 15:13). Mänꞌitꞌho, mänꞌaki ma dä ꞌñudi hängu di mäkägihu̱: ngu rä Rey de rä Tsꞌu̱tꞌhui Äjuä, ma dä huati «yä gerra po gatꞌho rä xiꞌmhai» (Salmo 46:9).

 Hyandi te udi rä Mäkä Tꞌofo ge ma dä me̱fi rä Hesu:

•   «Näꞌä ma dä ñäni nuꞌu̱ toꞌo mafi po rä mfatsꞌi, ꞌne rä umilde ꞌne gatꞌho nuꞌu̱ toꞌo hingi pe̱ꞌtsi toꞌo dä matsꞌi. Ma dä me̱ꞌspäbi rä nhuekäte rä umilde ꞌne rä zi hyoya, ꞌne ma dä ñämbäbi yä te nuꞌu̱ yä zi hyoya. Ma dä ñäniꞌu̱ de dä ꞌme̱go ꞌne de yä ntsꞌomꞌu̱i» (Salmo 72:12-14).

 ¿Hanja dä za gä udihu̱ ge di jamädibihu̱ rä Hesu po gatꞌho näꞌä ya xä me̱fi ꞌne po gatꞌho näꞌä ma dä sigi dä me̱fi po gekhu̱ xudi ndämäni? Ha Lucas 22:19, rä Hesu bi ꞌñembäbi yä de̱ni dä yꞌo̱tꞌe nꞌa rä Fenäte de rä du. Po rängeꞌä, tatꞌä je̱ya yä testigo rä Jeoba di ntini pa dä yꞌo̱tꞌe nunä Fenäte. Di mbitaꞌihe gi ntini kongekhe ha rä Fenäte de rä du rä Hesu nunä rä je̱ya. Ma dä tꞌo̱tꞌe rä pa ndomingo 24 de rä märso de rä 2024.

Hyoni habu̱ ma dä tꞌo̱tꞌe rä Fenäte