¡ÑHOKI ꞌNE NDO̱ꞌMIHU̱!
2023: Nꞌa rä je̱ya ko ndunthi yä dumu̱i | ¿Te udi rä Biblia?
Ko gatꞌho nuꞌu̱ yä tsꞌo thogi bi nheki ha rä je̱ya 2023 udi xä ñho ge ya di ꞌmu̱ihu̱ ha nuꞌu̱ «yä gäxä pa», ja ngu mää rä Biblia (2 Timoteo 3:1). Hyandi hanja gatꞌho näꞌä thogi mäpaya geꞌä ya xki mää rä Biblia ge ma xä nheki ha nuya yä pa di ꞌmu̱hu̱. Ma gä handihu̱ rꞌa yä ejemplo.
Rä Biblia ya xki mää te ma xä thogi
«Ma dä nja yä gerra ꞌne ma gi yꞌo̱dehu̱ yä notisia de gehya» (Mateo 24:6).
«Mänꞌa di nheki yä tuhni po gatꞌho rä xiꞌmhai». a
Hyandi nuꞌu̱ yä artículo «¿Toꞌo ma dä matsꞌi ꞌne dä su nuꞌu̱ yä zi jäꞌi di sufri po ränge yä gerra?» ꞌne «El gasto militar mundial sobrepasa los 2 billones de dólares».
«Ma dä nja yä mbiꞌmhai habu̱räza» (Marcos 13:8).
«Dende bi mu̱di rä je̱ya 2023, po gatꞌho rä xiꞌmhai xä nja 13 yä mbiꞌmhai nuꞌu̱ xi xa yꞌo̱tꞌe yä dañu ja ngu hingä xki thogi änte». b
Hyandi rä artículo «Bi nja yä dängä mbiꞌmhai ha Turquía ꞌne Siria».
«Ma dä nheki yä tꞌo̱tꞌe nuꞌu̱ pite» (Lucas 21:11).
«Ya bi uadi näꞌä rä tiempo de rä pahyadi mi ja ha rä xiꞌmhai, nubye̱ ya bi zo̱ho̱ rä tiempo habu̱ rä hyadi tsätꞌi nunä rä xiꞌmhai» (António Guterres, secretario general de las Naciones Unidas). c
Hyandi rä artículo «Xi xä nja yä pahyadi nunä je̱ya 2023».
«Ma dä nja yä thuhu» (Mateo 24:7).
«Ha rä je̱ya 2023 ndunthi yä jäꞌi xa bi japäbi xä ñhei dä ꞌuini ꞌne dä mäntene yä familia». d
Hyandi rä artículo «La guerra y el cambio climático empeoran la crisis alimentaria mundial».
«Yä tsꞌo tꞌo̱tꞌe nuꞌu̱ xä ñhei toꞌo dä ze̱ti» (2 Timoteo 3:1).
«Nꞌa de kada hñäto yä jäꞌi de gatꞌho rä xiꞌmhai tsu̱di nꞌa rä hñeni ha rä mfeni o ha rä ñäxu po ränge yä dumu̱i». e
Hyandi rä artículo «Mänꞌa yꞌo ri xu nuꞌu̱ yä xuñha di ñhandui yä bäsjäꞌi».
¿Dä za gä to̱ꞌmihu̱ yä hogä tꞌo̱tꞌe pa rä je̱ya 2024?
Hinto dä za dä asegura te ma dä thogi ha rä je̱ya 2024. Pe po gatꞌho näꞌä thogi ha rä xiꞌmhai udi ge ya ma dä zo̱ho̱ rä Gobiernu Äjuä, ꞌne ma dä hñäki gatꞌho nuꞌu̱ yä gobiernu jaua ha rä xiꞌmhai. Hää, rä Gobiernu Äjuä ma dä huati gatꞌho nuꞌu̱ yä tꞌo̱tꞌe jakägihu̱ gä sufrihu̱ ꞌne gä tumämu̱ihu̱ (Daniel 2:44; Apocalipsis 21:4).
Mientra dä zo̱ho̱ näꞌä rä paꞌä, nuju̱ dä za gä hombäbihu̱ rä mfatsꞌi Äjuä ora di tumämu̱ihu̱. Rä Biblia enä:
«Ora di tsu, ¡mä komfiansa ꞌmu̱i Kongeꞌi!» (Salmo 56:3).
¿Hanja dä za gä udihu̱ ge di pe̱ꞌspäbihu̱ rä komfiansa Äjuä? Di mbitaꞌihe gi pädi mä nꞌa tu̱i te ma dä me̱fi Äjuä pa njabu̱ xudi ndämäni dä za gä pe̱ꞌtsihu̱ nꞌa rä mꞌu̱i temäꞌentho. Yꞌadi nꞌa de nuꞌu̱ yä curso de rä Biblia di unihe, pa gi pädi hanja nuꞌi ꞌne ri familia dä za gi benefisia de nuꞌu̱ yä promesa Äjuä.
a Foreign Affairs, “A World at War: What Is Behind the Global Explosion of Violent Conflict?” (Nꞌa rä xiꞌmhai ko yä gerra: ¿Por hanja ja yä gerra ꞌne yä tuhni ha nunä rä xiꞌmhai?), Emma Beals ꞌne Peter Salisbury; 30 de rä oktubre de rä 2023.
b Yä notisia de yä mbiꞌmhai, «rä je̱ya 2023: mänꞌitꞌho ma gä handihu̱ dä thogi xa ndunthi yä mbiꞌmhai ja ngu nunka xä nheki»; mäyo de rä 2023.
c Naciones Unidas, «Secretary-General’s Opening Remarks at Press Conference on Climate» (näꞌä bi mää de rä clima rä secretario general ha nꞌa rä entrebista pa yä notisia); rä 27 de rä julio de rä 2023.
d Rä Programa Mundial de Alimentos, «Otho rä ñhuni ha rä xiꞌmhai».
e Rä Organización Mundial de la Salud, “Día Mundial de la Salud Mental”; 10 de rä oktubre de rä 2023.
Puede que también le interese
MÄRꞌA YÄ TEMA
Äjuä ma dä hä nꞌa rä mꞌu̱i temäꞌentho
¿Por hanja näꞌä mää rä Biblia ge ma dä thogi xudi ndämäni hingi nthe̱ ko näꞌä mängä yä jäꞌi?
ESSENTIAL BIBLE TEACHINGS
¿Te me̱ꞌä rä Tsꞌu̱tꞌhui Äjuä?
Durante nuꞌu̱ yä je̱ya bi ungä ntꞌo̱de rä Hesu, mänꞌa bi ñä de rä Tsꞌu̱tꞌhui Äjuä ke de märꞌa yä tꞌo̱tꞌe. Po ndunthi yä siglo, yä jäꞌi xä xatuäbi Äjuä pa dä ehe näꞌä rä Tsꞌu̱tꞌhuiꞌä.
