Rä 24 de rä mäyo de rä 2022, bi nja nꞌa rä tsꞌo thogi ha nꞌa rä tꞌu̱kä hnini de Uvalde (Texas, Estados Unidos). Rä periodiko The New York Times, enä ge «nꞌa rä ñꞌo̱ho̱ bi hyo 19 yä zi bätsi ꞌne yoho yä maestra ha näꞌä rä skuela primaria Robb».

 ¿Pe gi pädi? Yä xuñha ngu nuya thogi njatꞌä. Rä periodiko USA Today bi ꞌñenä ge ha Estados Unidos «bi nja 249 yä balacera ha yä skuela ho̱nse̱ ha näꞌä rä je̱ya bi thogi. Hingä xki nheki njabu̱ dende rä je̱ya 1970».

 ¿Por hanja di nheki nuya yä tsꞌo thogi? ¿Hanja dä za gä ñhanduihu̱ näꞌä rä u̱gi bi hä nuya yä tsꞌo thogi? ¿Gi kamfri ge nꞌa rä pa ma dä uadi nuya yä ntsꞌomꞌu̱i? Rä Biblia thädi nuya yä ntꞌani.

•    Rä Biblia embäbi nunä tiempo «yä gäxä pa». ꞌNe enä ge ndunthi yä jäꞌi ya «hingä ma dä nja yä mhäte» ꞌne «hinte mä nhuekäte ma dä senti». Yä jäꞌi xi ma xä mbo̱ka ngu yä mbängä zuꞌue. ꞌNehe rä Biblia enä ge nuꞌu̱ yä jäꞌiꞌu̱ mänꞌa xa ma dä ziꞌti yä «ntsꞌomꞌu̱i» (2 Timoteo 3:1-5, 13). Mu̱ gi ne gi pädi mä nꞌa tu̱i, hñeti rä artikulo «¿Ya xki mää rä Biblia te mä mꞌu̱i ma xä me̱ꞌtsi yä jäꞌi?».

 Ndunthi yä jäꞌi di ñꞌani por hanja Äjuä hopi dä nja nuya yä däta xuñha, ngu nuꞌu̱ yä balacera xä nja ha yä skuela. Pa gi pädi te mää rä Biblia, hñeti rä artikulo «¿Por qué le pasan cosas malas a la gente buena?».

•    «Näꞌä bi tꞌofo mäyaꞌmu̱, bi tꞌofo pa dä ꞌñutkägihu̱, [...] dä hñubgä mä mu̱ihu̱, ꞌne njabu̱ gä e̱ntꞌä ha mä mfenihu̱ näꞌä di to̱ꞌmihu̱» (Romanos 15:4).

 ¿Gi pädi? Rä Biblia dä za dä hñupꞌäꞌi ri mu̱i ꞌne dä maxꞌäꞌi gi ze̱ti nuꞌu̱ yä tsꞌo thogi ja mäpaya. Mu̱ gi ne gi pädi mä nꞌa tu̱i, hñeti rä revista ¡Despertad! «¿Acabará algún día la violencia?».

 Rꞌabu̱ ha rä radio ꞌne ha rä telebision, thogi yä notisia xi xä ntsꞌo ꞌne yä bätsi xa tsu. Mu̱ nuꞌi grä dada o grä nänä ꞌne gi ne gi pädi hanja dä za gi fatsꞌi nuꞌu̱ ri zi bätsi ora handi yä notisia, hñeti rä artikulo «El efecto de las noticias en los niños».

•    «Ma dä ñäni de yä bo̱ka ꞌne de yä nduxte jäꞌi» (Salmo 72:14).

•    «Nuꞌu̱ ma dä gu̱ yä däjuai ꞌne kongeꞌu̱ ma dä hyoki yä tꞌabi, ꞌne ko nuꞌu̱ yä lansa ma dä hyoki yä tꞌe̱xi. Yä dähni hingä ma dä gu̱ yä däjuai pa dä ntuhni ko märꞌa yä dähni, nixi ya hingä ma dä bädi yä gerra» (Miqueas 4:3).

 Yä gobiernu de nunä xiꞌmhai hinxä logra xä hñäki yä ntsꞌomꞌu̱i, pe Äjuä hää ma dä hñäki. Rä Gobiernu —näꞌä xpä hutsꞌi ha mähetsꞌi— ma dä hñäki gatꞌho nuꞌu̱ yä arma ꞌne ma dä huati rä ntsꞌomꞌu̱i. Mu̱ gi ne gi pädi te mä nꞌa ma dä me̱fi rä Gobiernu Äjuä, hñeti rä artikulo «El Reino de Dios traerá “paz en abundancia”».