Po gatꞌho rä Xiꞌmhai, yä jäꞌi ꞌmu̱i dibidido po ränge rä politika. Segun nꞌa rä encuesta de rä je̱ya 2022 de nꞌa rä centro de investigación Pew Research Center, «rä 65% de yä jäꞌi de 19 yä dähni enä ge ꞌmu̱i dibidido po ränge nuꞌu̱ yä partido politiko».

 Habu̱ gi ꞌmu̱ige, ¿yä jäꞌi ꞌmu̱i dibidido po ränge rä politika? ¿Por hanja thogi njabu̱? ¿Dä zo̱ho̱ rä pa dä uadi nuꞌu̱ yä dibisio? Hyandi te udi rä Biblia.

 Rä Biblia enä ge ha nuꞌu̱ yä gäxä pa di ꞌmu̱hu̱, ndunthi yä jäꞌi hingä ma xä hñutsꞌi de yä parte pa dä nja nꞌa rä hogä mꞌu̱i.

•   «Pe mähyoni gi pädi ge ha yä gäxä pa, ma dä ꞌñepu̱ yä tsꞌo tꞌo̱tꞌe nuꞌu̱ xä ñhei toꞌo dä ze̱ti. Ngeꞌä yä jäꞌi ma dä mädise̱, […] hinte mä kohi ma dä ne dä ja» (2 Timoteo 3:1-3). 

 Mäske nuꞌu̱ yä jäꞌi di mpe̱fi ha rä gobiernu o̱tꞌe ntsꞌe̱di po dä me̱fi näꞌä xä ñho, mänꞌa di japäbiꞌu̱ xä ñhei. Pe ꞌnehe märꞌa yä jäꞌi nuꞌu̱ di mpe̱fi ha rä gobiernu hingi ꞌmu̱i de acuerdo ko näꞌä pe̱fi märꞌaa ꞌne po rängeꞌä di japäbiꞌu̱ xä ñhei dä hyoki nuꞌu̱ yä xuñha ja ha nꞌa rä dähni.

•    «Rä jäꞌi xä dominä rä mi jäꞌiui pa rä u̱gise̱» (Eclesiastés 8:9). 

 Pe mäske njabu̱, rä Biblia xikägihu̱ ge ma dä uadi nuꞌu̱ yä dibisio: Äjuä xä huahni nꞌa rä lider pa go dä mända rä Xiꞌmhai ꞌne dä huati gatꞌho nuꞌu̱ yä xuñha di japi dä sufri yä jäꞌi. 

 Rä Biblia ñä de nꞌa rä lider näꞌä di nꞌañꞌo de nuꞌu̱ ꞌmu̱i mäpaya, nꞌa rä lider näꞌä xa ja rä mfädi pa dä hyoki gatꞌho nuꞌu̱ yä xuñha ja mäpaya. Näꞌä rä lider geꞌä rä Ñhesukristo. Näꞌä pe̱ꞌtsä rä tsꞌe̱di, rä autorida ꞌne ne dä hä nꞌa rä hogä mꞌu̱i pa njabu̱ gatꞌho yä jäꞌi dä ntsitsꞌi xä ñho ꞌne ya hindä mꞌu̱i dibidido.

•    «Ha yä paꞌä, nuꞌu̱ yä jäꞌi o̱tꞌe rä justisia ma dä ndo̱ni, ꞌne ma dä nja nꞌa rä mꞌu̱i temäꞌentho» (Salmo 72:7).

•    «Gatꞌho yä dähni ma dä me̱päbiꞌä» (Salmo 72:11).

 Joꞌo mä nꞌa rä lider ngu rä Hesu, ngeꞌä näꞌä xa mäjuäni di mportabi yä jäꞌi ꞌne ne dä matsꞌi, mänꞌa nuꞌu̱ toꞌo di sufri yä injustisia.

•    «Näꞌä ma dä ñäni nuꞌu̱ yä hyoya mafi po rä mfatsꞌi, ꞌnehe rä umilde ꞌne gatꞌho nuꞌu̱ toꞌo ꞌme̱päbi toꞌo dä matsꞌi. Ma dä hueki rä umilde ꞌne rä hyoya, ꞌne gatꞌho yä hyoya ma dä ñämbäbi yä te. Ma dä ñäni de näꞌä rä ntsꞌomꞌu̱i tꞌo̱tꞌpäbiꞌu̱» (Salmo 72:12-14). 

 Pädi mätsꞌu̱ de rä Tsꞌu̱tꞌhui Äjuä, nꞌa rä Gobiernu näꞌä xä nkargobi Äjuä rä Hesu ꞌne hyandi hanja näꞌä rä Gobiernu dä za dä maxꞌäꞌi mäpaya ꞌne hanja nuꞌi dä za gi ꞌmu̱i de rä lado.

•    Hyandi rä bideo ¿Te me̱ꞌä rä Tsꞌu̱tꞌhui Äjuä?

•    Hñeti rä artikulo «El Reino de Dios: un gobierno sin corrupción».