¡ÑHOKI ꞌNE NDO̱ꞌMIHU̱!
¿Te di to̱ꞌmihu̱ pa rä je̱ya 2024? | ¿Te udi rä Biblia?
Ha rä je̱ya 2024 ma dä ꞌñepu̱ xa ndunthi yä xuñha, ꞌne ndunthi yä jäꞌi di mbeni ge hinto ma dä za dä hñäki. Pe ja nꞌa rä humu̱i pa xudi ndämäni. ¿Habu̱ dä za gä tinihu̱?
Rä Biblia rꞌakägihu̱ nꞌa rä humu̱i
Rä Biblia udi ge Äjuä ma dä hñäki nuꞌu̱ yä xuñha di ñhanthu̱, ꞌne xikägihu̱ te ma dä me̱fi mänꞌitꞌho po gatꞌho yä jäꞌi. Enä: «Äjuä ma dä dukuäbi gatꞌho yä gidaꞌu̱. Ya hindä nja rä du, ni yä tsꞌoni, ni yä dumu̱i, nixi yä u̱gi» (Apocalipsis 21:4).
Mu̱ gi ne gi pädi mä nꞌa tu̱i de nuꞌu̱ yä promesa uni rä Biblia, hñeti rä artículo «Äjuä ma dä hä nꞌa rä mꞌu̱i temäꞌentho».
Xi mäpaya, ¿hanja dä za dä maxꞌäꞌi rä Biblia?
Näꞌä rä humu̱i uni rä Biblia dä za dä maxꞌäꞌi pa gi täpäbi nuꞌu̱ yä tsꞌo mfeni u̱ñꞌäꞌi. ꞌNehe ma dä maxꞌäꞌi gi to̱ꞌmi ko rä johya näꞌä rä hogä mꞌu̱i xä promete Äjuä (Romanos 15:13). Rä Biblia ꞌnehe uni yä tsꞌofo nuꞌu̱ ma dä maxꞌäꞌi gi ñhandui nuꞌu̱ yä xuñha gi thogi mäpaya: ngu rä ñhoya, yä injustisia ꞌne yä ñheni.
Pädi hanja näꞌä rä humu̱i uni rä Biblia bi matsꞌi nꞌa rä ñꞌo̱ho̱ pa bi me̱ꞌtsi rä johya ꞌne rä paz, mäske mrä hyoya. Hyandi rä bideo Juan Pablo Zermeño: Jehová le dio propósito a mi vida.
Pädi hanja rä Biblia dä za dä maxꞌäꞌi gi ñhandui näꞌä rä u̱gi gi senti ora tu nꞌa de nuꞌu̱ ri familia, ora xkä o̱tꞌe nꞌa rä pekado ꞌne u̱ñꞌäꞌi ri mfeni, o nuꞌmu̱ gi thogi mä nꞌa rä xuñha. Hñeti rä artículo «¿Puedo encontrar consuelo en la Biblia?».
Pädi hanja nꞌa rä ꞌme̱hñä näꞌä mi mpe̱fi ha rä Ejército, bi mää ge näꞌä «himi turämu̱i nixi mi hueki märꞌaa». Pe rä Biblia bi matsꞌi bi paati rä bida ꞌne nubye̱ pe̱ꞌtsi nꞌa rä humu̱i. Hyandi rä bideo «Cambié las armas por la Biblia».
¿Gi hohmä ge nuꞌi ꞌne ri familia gi pe̱ꞌtsi nꞌa rä mꞌu̱i temäꞌentho ha nunä rä je̱ya 2024? Yꞌadi nꞌa rä curso de rä Biblia pa gi pädi hanja Äjuä dä za dä rꞌaꞌi rä paz ꞌne nꞌa rä humu̱i pa xudi ndämäni (Jeremías 29:11). Hinte ma gi jutꞌi po näꞌä rä curso ma dä tꞌaꞌi.