¡ÑHOKI ꞌNE NDO̱ꞌMIHU̱!
Xä nja yä dängä nzo̱the | ¿Te udi rä Biblia?
Po gatꞌho rä xiꞌmhai, ndunthi yä jäꞌi di ñhandui yä däta nzo̱the. Hyandi te xä mhää ha yä notisia:
«Nuꞌu̱ yä pa xä thogi, ha rä capital de China xi xä nja ndunthi yä nzo̱the. Nuya yä nzo̱the ya hixki nheki durante 140 yä je̱ya [...]. Dende rä pa nsabdo asta rä pa mierkole bi dagi 744.8 yä milímetro (29,3 yä pulgada) a rä yꞌee» (AP News, 2 de rä agosto de rä 2023).
«Näꞌä njuebe, nꞌa rä tifón rä thuhu Khanun bä hä ndunthi yä bu̱nthi yꞌee ha rä sur de Japón durante yopa, ꞌne bi hyo yoho yä jäꞌi. [...] Pe yä jäꞌi to̱ꞌmi nꞌa rä dängä däyꞌe habu̱ ma dä hñutsꞌi thogi de nde metro rä dehe (2 pies) b ha nuꞌu̱ yä luga mänꞌa xä ñhetsꞌi de Taiwán» (Deutsche Welle, 3 de rä agosto de rä 2023).
«[Ha Nueva Escocia] xa bi nja yä nzo̱the näꞌä semänä bi thogi, ngeꞌä xa bi nja yä bu̱nthi yꞌee ha rä Atlántico, getbu̱ de Canadá. Ya hixki nja nꞌa däyꞌe njabu̱ thogi de 50 yä je̱ya» (BBC News, 24 de rä julio de rä 2023).
¿Te udi rä Biblia de näꞌä te thogi mäpaya?
Näꞌä ma dä thogi ha «yä ngätsꞌi yä pa»
Rä Biblia mää ge di ꞌmu̱hu̱ ha näꞌä rä tiempo fädi ngu «yä ngätsꞌi yä pa» (2 Timoteo 3:1). Rä Hesu bi mää ge ha nunä rä tiempo ma dä nheki «yä ntꞌudi nuꞌu̱ asta dri ungä rä ntsu» (Lucas 21:11). Yä pahyadi ꞌne yä tse̱ geꞌu̱ xä japi xä nja ndunthi yä tsꞌo thogi. Pe ngu thogi rä tiempo, nuya yä tsꞌo thogi mänꞌa ma dä ndängi ꞌne mänꞌa ma dä nheki segido.
Nꞌa rä raso pa gä pe̱ꞌtsihu̱ nꞌa rä humu̱i
Rä Biblia udi ge gatꞌho nuya yä tsꞌo thogi di nheki mäpaya rꞌakägihu̱ yä raso pa gä pe̱ꞌtsihu̱ nꞌa rä humu̱i. ¿Por hanja di mäñhu̱ njabu̱? Ngeꞌä rä Hesu bi ꞌñenä: «Nu xki hyanthu̱ dä thogi nu yä tꞌo̱tꞌe xtä xiꞌähu̱, pädihu̱ ge rä ndä de mähetsꞌi ya ꞌmu̱i getbu̱» (Lucas 21:31; Mateo 24:3).
Gatꞌho näꞌä thogi mäpaya udi ge mänꞌitꞌho, näꞌä rä Gobiernu Äjuä xpä hutsꞌi ha mähetsꞌi ma dä japi ge nuya yä tꞌo̱tꞌe yä hindä mpite, nixi dä yꞌo̱tꞌe yä dañu ha rä xiꞌmhai (Job 36:27, 28; Salmo 107:29).
Mu̱ gi ne gi pädi mä nꞌa tu̱i te ma dä me̱fi rä Gobiernu Äjuä pa dä hyoki mä rꞌayꞌo rä Xiꞌmhai, hyandi rä artikulo «¿Quién salvará el planeta?».