Rꞌa yä yꞌoskuela bi zo̱ni nuꞌu̱ yä ofisina ꞌne näꞌä rä imprenta pe̱ꞌtsi yä testigo rä Jeoba ha México, nuꞌu̱ bi mää ge ko näꞌä bi hyandi bi matsꞌi pa «bi paati näꞌä mi mbeni» de yä testigo rä Jeoba njabu̱ bi yꞌofo näꞌä rä periódico Gaceta de näꞌä skuelaꞌä.

Ma gä handihu̱ rꞌa de nuꞌu̱ yä tꞌo̱tꞌe bi mää.

• «Nuje xa dä hohe nuꞌu̱ yä hogä mꞌu̱i dä handihe [...] ngu rä tꞌekꞌei, rä ñhojäꞌi, hinto di ñꞌetsꞌi [ꞌne] gatꞌho xa xä ntꞌaxi.»

• «Dä handihe hanja nuꞌu̱ yä jäꞌi udi nꞌa rä hogä kꞌoi [...] ngeꞌä pädi dä mpe̱fi mähye̱gi.»

• «Dä handihe hanja gatꞌho nuꞌu̱ yä jäꞌi xa mi o̱tꞌe xä ñho nuꞌu̱ yä ꞌme̱fi ꞌne xa mi ja ko rä johya.»

• «Xa dä hohe hanja ꞌmu̱i organisado nunä imprenta.»

Nuꞌu̱ yä yꞌoskuela xpi ꞌñehe de näꞌä rä Escuela Nacional de Biblioteconomía y Archivonomía de la ciudad de México.

Ha thogi de nꞌa nthebe yä hnini yä testigo rä Jeoba di uni yä gira ha nuꞌu̱ yä ofisina ꞌne yä imprenta. Mu̱ yä xahnäte ne dä zitsꞌi yä yꞌoskuela pa dä bädi nꞌa de nuya yä däta ngu de gä ꞌme̱fi, dä za dä hyandi te mä ora ꞌne nuꞌu̱ yä dirección habu̱ enä «Tso̱ni mä däta ngu de gä ꞌme̱fihe» dä za gi tini habu̱ enä «Pädi toꞌogihe». Ma dä tꞌumbäbi nꞌa rä hogä ꞌñehe gatꞌho nuꞌu̱ yä jäꞌi dä ne dä zo̱ngägihe.