Di to̱bꞌähe

Mbehe: Ma gi pädi por hanja dä za gi kamfri ge xa mäjuäni bi thogi näꞌä udi yä Evangelio de rä Hesu. ꞌNehe ma gi pädi hanja nuꞌu̱ yä ꞌmede hutsꞌi ha rä Biblia dä za dä maxꞌäꞌi mäpaya.

Nsabdo: ¿Te mi mängä yä profecía de hanja ma xä mꞌu̱i ꞌne ma xä te rä Hesu? ¿Bi zo̱ho̱ bi thogi njabu̱?

Ndomingo: Ma dä tꞌuni nꞌa rä discurso rä thuhu, «¿Por hanja hindi debe gä ntsuhu̱ po nuꞌu̱ yä tsꞌo notisia di o̱dehu̱?». Ha nunä discurso ma dä tꞌudi por hanja mäpaya yä miyontho yä jäꞌi di senti seguro mäske nunä rä xiꞌmhai mänꞌa yꞌo ri tsꞌoki.

Rä ꞌmede rä Mäkä Tꞌofo

Rä Hesu bi zo̱ho̱ bi mꞌu̱i po nꞌa rä milagro ꞌne mientra mi bätsi bi thogi po ndunthi yä tꞌo̱tꞌe. Por ejemplo, nꞌa rä bo̱ka rey mi ne dä hyo hänge bi tsꞌitsꞌi pa Egipto. Rꞌa yä je̱ya mꞌe̱fa, näꞌä bi ñäui rꞌa yä xahnäte ꞌne nuꞌu̱ xa bi sorprende po näꞌä rä mfädi mi pe̱ꞌtsi. Nuya yä thogi ꞌne märꞌaa, ma dä za gi hyandi ha näꞌä rä ꞌmede de rä Mäkä Tꞌofo ma dä tꞌe̱ntsꞌi rä pa mbehe ꞌne nsabdo.

 Hyandi nuya yä bideo de nunä rä däta mhuntsꞌi de nunä je̱ya:

¿Tengu nuꞌu̱ mä däta mhuntsꞌihe?

Nunä bideo udi tengu nuꞌu̱ yä däta mhuntsꞌi o̱tꞌe yä testigo rä Jeoba.

Rä däta mhuntsꞌi regional 2024 de yä testigo rä Jeoba: «¡Predika nuꞌu̱ yä hogä notisia!».

Hyandi nꞌa tu̱i te gatꞌho ma gi pädi ha nunä däta mhuntsꞌi regional.

Nꞌa xe̱ni de näꞌä rä ꞌmede de rä Mäkä Tꞌofo: «Nuꞌu̱ yä hogä notisia bi mängä rä Hesu».

Ndunthi yä jäꞌi pädi ge rä Hesu bi zo̱ho̱ bi mꞌu̱i po nꞌa rä milagro. Pe, ¿te märꞌa yä tꞌo̱tꞌe bi thogi änte ꞌne mꞌe̱fa de geꞌä?