Käʼmi:

• Partitura

1. 1. Dä mi hyandi nu yu̱ güi,

   ʼyo̱de yu̱ doja tühü.

   ʼMe̱fa gi ʼyobu̱ ʼna ñuni,

   mahotho na nyoʼti ä hyadi.

   Gi johya ge bi nanʼtsi

   ni familia ge bi dü.

   Pa di nja na nhuädo̱ni

   hingi gühma mi ʼbe̱di.

2. 2. Ja na ngü nubu̱ ja ñuni

   ʼne manʼna bu̱ na ndu̱i.

   Yu̱ jäʼi tüpu̱ ja däthe,

   emme tiʼä dehe ʼne xi ngue.

   Ya bi nteʼu̱ yu̱ hmuda̱,

   bi mu̱di nuʼä ʼbe̱fi.

   Pa nuʼä mʼbu̱i mi ne

   hingi gühma mi ʼbe̱di.

   (PUENTE)

   Jaua ra mʼbu̱i xkä to̱ʼmi

   kon ga̱ʼthoʼu̱ ni amigo.

   Te ʼbe̱ʼä o̱ʼte gä nzonhmu̱.

   Xi nzaki ga̱ʼtho yu̱ jäʼi.

3. 3. Yu̱ jäʼi emme di johya,

   hmimanho ga̱ʼthoʼä ja.

   Gi ʼbu̱kua kon ni familia,

   ma ʼraʼyo ra mʼbu̱i di nuhu̱.

   Bi ʼrakju̱ Jeoba, ma Tahu̱,

   nangeʼä na nhuëkäte.

   Pa di nja ya yu̱ njäpi

   hingi gühma mi ʼbe̱di.

   (PUENTE)

   Mi to̱mdätho dä zo̱h na pa,

   dä za̱ ge ya gä mʼbu̱hmu̱ ua.

   Xi ngü yu̱ pa dä mbëniʼi,

   thogi di johya ma mu̱i.

4. 4 Mi ʼtsu̱tho di njaʼä

   nuʼä nhuädo̱ni xi hma,

   dä ʼyo̱ʼte Jeoba, ma Tahu̱.

   Di to̱ʼmi kon ga̱ʼtho ma mu̱i

   ʼne geʼä di ʼrakä ʼtse̱di,

   emme hürkä ma mu̱i.

   Pa di njaʼä nhuädo̱ni

   gehma hingi gü di ʼbe̱di.