XE̱KI 7
¿Toʼo ä Jesús?
Jeoba ba pe̱hni ä Jesús nuua ra Ha̱i (1 Juan 4:9)
Ante ge di mʼbu̱i Adán, Jeoba bi hyoki bu̱ mahëʼtsi ʼna anxe̱ ge eme ja ra ʼtse̱di. Jeoba ne ge ga o̱hmu̱ nunä jäʼi eme di muui.
Mi thogi ya pa, Ojä bi ʼyo̱ʼte ge nunä anxe̱ di mʼbu̱i nuua Ha̱i tengü ʼna ʼue̱re. Ojä bi huanhni ʼna hmüte ge hinmi nthäti rá thühü María, pa di mʼbu̱i rá ʼue̱re nubu̱ hnini Belén. Bi hyuspä rá thühü Jesús (Juan 6:38).
Ya jäʼi mi ho da te̱nni ä Jesús geʼtho nuʼä mi hokjäʼi, mi ja na nhuëkäte tengü Jeoba. Kexʼtä bi nja ra nzamu̱i pa da ʼyüdi majuäni nangeʼä Ojä.
Madägeʼä Jesús bi ʼyo̱ʼte ya hogä nʼto̱ʼte, xangü ya jäʼi mi u̱kpi (1 Pedro 2:21-24)
Jesús mi ma ge nuʼu̱ ya hmü ma̱kjä mi üdi ya fe̱hni ʼne eme mi o̱ʼte ya nʼtso. Njabu̱ nuʼu̱ bi u̱kpi ä Jesús.
Jesús bi ʼyo̱the ya nza̱manʼu̱ ʼne bi xoxu̱ ʼda xa ndü.
ʼMe̱fa ya hmü ma̱kjä bi ʼyo̱ʼte ge ya romano bi u̱ni ʼne bi hyo Jesús.
