XE̱KI 13
¿ʼBe̱ʼä ja gä o̱thu̱ pa di njohya ʼne dä numanhohu̱ ä Ojä?
Hingi ʼyo̱ʼte nuʼu̱ ya nʼto̱ʼte ge u̱kpi Ojä (1 Corintios 6:9, 10)
Geʼbu̱ eme di nehu̱ Ojä hingä o̱thu̱ nuä hingi numanho.
Ojä hingi ne ge ga mpëhu̱, ga itihu̱ ʼne hingä ku̱ʼthu̱ ya droga ma jäʼihu̱.
Ojä hingi numanho ge da tho̱mi ya ʼtu̱hni, ga nhotehu̱, ge ya nʼyohu̱ da ʼyohmi na mi nʼyohu̱ o ya bo̱mbe ko ya mi bo̱mbe. Kexʼtä hingi numanho ge eme ga nehu̱ ra mbe̱ti o ga ntsu̱hmu̱.
Hingi ja ga thanndehu̱ ya ojä hin majuäni ʼne hingä honhmu̱ ya bädi o ga nzohmu̱ʼu̱ xa ndü.
Ya jäʼi ge o̱ʼte nuya ʼtso nʼto̱ʼte hindi mʼbu̱i nuua ra Ha̱i nuʼbu̱ bi gohi ʼna nhuädo̱ni.
Da mi ʼyo̱rpä ra nho ya jäʼi (Mateo 7:12)
Jeoba numanho ga o̱thu̱ ʼtse̱di ga häkpähu̱ na nʼto̱ʼte.
ʼYüdi ra huëkäte, gi hokjäʼi ʼne da mi ze̱di nuʼu̱ miʼda.
Hingi nha̱te ʼne hingi mpë.
Da mi xifi nuʼu̱ miʼda nangeʼä Ojä Jeoba (Isaías 43:10).
Da mi punbi nuʼu̱ miʼda.
Puede que también le interese
PÄDI MANʼNA NANGEKA̱HE
¿Hanja ja gä nxa̱hmu̱ ä Biblia?
¿Ha gi ne gi nja tengü miyone ya jäʼi ge bi tini ya nthädi ya nʼta̱nni jaʼtse̱di nangeʼä ra te?
