XE̱KI 5
¿Toʼoʼu̱ bi ʼyo̱de ä Ojä mi nja ra Dänmu̱nʼti?
Nuʼu̱ ya pa Noé ya jäʼi eme mi o̱ʼte ya nʼtso (Génesis 6:5)
Adán ʼne Eva bi mʼbu̱hya ʼtu̱hni, hange bi nxändi ya jäʼi. Pe̱ ʼda ya anxe̱ himbi ne bi ʼyo̱de ä Ojä bi te̱nnä Zithü.
Nuʼu̱ ya anxe̱ ba käkua Ha̱i ʼne bi nʼyo̱ʼte tengü ya nʼyohu̱, geʼtho mi ne di nthätui ya bo̱mbe. Yá ʼtu̱hni bi mʼbu̱i mi ʼtsomu̱i ʼne eme mi ja na ʼtse̱di.
Ra Ha̱i bi yüdi ge ya ʼtso jäʼi. Ra Biblia ma ge ra nʼtso bi yükua ra Ha̱i ʼne ya jäʼi nzäntho mi mbëni da ʼyo̱ʼte nuä xanʼtso.
Noé bi ʼyo̱de ä Ojä ʼne bi hyoʼkä ra arka (Génesis 6:13, 14, 18, 19, 22)
Noé mi hokjäʼi. Jeoba bi xiʼä Noé ge di nja ʼna dänmu̱nʼti pa da juadi ya ʼtso jäʼi.
Ojä kexʼtä bi xiʼä Noé ge da hyoʼkä ʼna arka tengü ʼna mbotsa xa noho. ʼMe̱fa da ku̱ʼti rá familia ʼne ʼnahma ʼnanʼyo ya zate ʼne ya zuuë.
Noé bi xifi ya jäʼi ge di nja ʼna dänmu̱nʼti, pe̱ nuʼu̱ himbi ne bi ʼyo̱de. ʼBu̱ʼu̱ bi thendätho, miʼda bi nkue̱tho ko Noé.
Nuʼbu̱ mi guadi ra arka, Noé bi ku̱ʼti ya zate ʼne ya zuuë.
