XE̱KI 3
¿ʼBe̱ʼä ma mʼbu̱i mi jabu̱ nhuädo̱ni Edén?
Jeoba bi ünnä Adán ʼne Eva ga̱ʼtho ä mahyoni (Génesis 1:28)
Jeoba bi hyoki ra mu̱di bo̱mbe rá thühü Eva, bi ünnä Adán pa da ʼyo̱ʼte rá xitsu (Génesis 2:21, 22).
Ojä bi hyoʼkä Adán ʼne Eva ko yá mfëni ʼne yá jäʼi ge hinmi ja ra ʼtsoki.
Eme mahotho nubu̱ nhuädo̱ni mi ʼbu̱ʼu̱, mi thopu̱ ʼna däthe, mi jabu̱ ya za ʼne mi ʼbu̱pu̱ ya zate ʼne ya zuuë.
Jeoba mi ñauiʼu̱ ʼne mi xa̱mbäʼu̱. Geʼbu̱ mi neʼu̱ di mʼbu̱i pa mazäi nubu̱ ra nhuädo̱ni mi jatho da ʼyo̱de ʼne da ʼyo̱ʼte nuä mi man Ojä.
Ojä bi mandabi ge hindä zapi ra fruta ʼna za (Génesis 2:16, 17)
ʼNa anxe̱ himbi ne bi ʼyo̱de ʼbe̱ʼä man Ojä. Nuʼä ra ʼtso anxe̱ rá thühü Zithü.
Jeoba bi ʼyüʼtä Adán ʼne Eva ʼna za mi jabu̱ ra nhuädo̱ni ʼne bi ñembi ge hindä zapi rá fruta pa hindä dü.
Ra Zithü hinmi ne ge Adán ʼne Eva da ʼyo̱de ä Jeoba. Bi ʼyo̱ʼte ge ʼna pozu̱ da ʼñemba Eva ge nuʼbu̱ da za ra fruta hindä dü. Bi xifi ge di nja tengü Ojä. ¡ʼNa däfe̱hni! (Génesis 3:1-5.)
