ʼBe̱ʼä dä za̱ gä o̱ʼthu̱ pa manʼna di ze̱kju̱ nuna ra nxa̱di ge Biblia
Ante gi du̱ʼmi gi nxa̱ʼä Biblia, dä mi ma nuna nʼtoʼtiua. Mʼbe̱fa dä mi nu ä BIDEO.
MU̱DI XE̱KI
Ante ge gi xa̱hmiʼä ni xa̱mbäte ge nuʼä Biblia, dä mi manse̱ ʼna ngü ʼnaʼu̱ yu̱ nxa̱di. Nuʼu̱ yu̱ nʼta̱nni ge di hye̱ʼtsi na ku̱hu̱ (A) ʼne nuʼu̱ yu̱ texto ge Biblia manʼna xi mpothi (B) üdi nuʼä manʼna jaʼtse̱di. Dä mi hyandi ge bä ʼyëhë ʼra yu̱ texto ge Biblia ge ja ge gi ma.
XE̱KI YOHO
Nuʼä na mu̱di parrafo ge nuʼä “Gä pähmu̱ manʼna nangehna” xikju̱ nuʼä manʼna gä xa̱hmu̱ (C). Nuʼu̱ yu̱ subtitulo bä hä yu̱ numero ge üdi nuʼu̱ yu̱ nhma manʼna jaʼtse̱di (D). Ko nuʼä ni xa̱mbäte, dä mi manʼu̱ yu̱ texto, dä mi thäʼu̱ yu̱ nʼta̱nni bä ʼyëpu̱, ʼne hyanʼtu̱ yu̱ bideo.
YU̱ BIDEO. Nuya yu̱ rekuadro gi timbu̱ yu̱ bideo ge dä ze̱ʼi manʼna gi pädi xi nho ʼna ngü ʼnaʼu̱ yu̱ nxa̱di. Nuʼu̱ ʼra yu̱ bideo geʼä bi thogi ʼra yu̱ jäʼi. Nuʼu̱ miʼra yu̱ bideo yu̱ ejemplothoʼu̱ nangeʼä thoʼbu̱ ʼnandi o nuʼä dä za̱tho dä thogi.
Hyandi xi nho nuʼu̱ yu̱ dibujo ʼne gi ma nuʼu̱ yu̱ ʼtohni bä ʼyëpu̱ (E), ʼne dä mi bëni ʼbe̱pu̱ gi thädi “Nuʼä ʼbe̱ʼä manʼu̱ ʼra yu̱ jäʼi” (F).
XE̱KI HÑU
Nubu̱ na nze̱gi ge ʼna ngü ʼnaʼu̱ yu̱ nxa̱di bä ʼyëhe “Nuʼä manʼna jaʼtse̱di” ʼne “Nuʼä dä pähmu̱” (G). Hñuʼtsi nuʼä ra pa gä juaʼä nxa̱di. Nubu̱ ëna “Nuʼä dä za̱ gi ʼyo̱ʼte” bä ʼyëpu̱ yu̱ nʼtsofo ge dä ze̱ʼi ge dä za̱ gi ʼyo̱ʼte nuʼä xkä pädi (H). Nubu̱ ëna “Dä mi pädi manʼna” gi timbu̱ yu̱ bideo, yu̱ su̱kuä ʼne yu̱ audio ge kextä dä ze̱ʼi (I).
ʼBe̱pu̱ dä za̱ gi tinʼä ʼna texto nubu̱ ja Biblia
Nubu̱ Biblia bä ʼyëpu̱ 66 yu̱ ʼtu̱libro. Nuʼä Biblia ma heke ge yoho yu̱ xe̱ki: yu̱ Escrituras Hebreoarameas ʼne yu̱ Escrituras Griegas Cristianas. ʼBu̱ʼu̱ ʼra yu̱ jäʼi ge ëmbi Ra nyogi Testamento ʼne ʼRa ʼraʼyo Testamento.
Nuʼu̱ yu̱ texto bä ʼyëkua, mu̱ditho ma nuʼä ra thüʼä libro (A), ʼne mʼbe̱fa nʼtoʼti nuʼä ra kapitulo (B) ʼne ra nze̱gi bä nʼtoʼti nuʼä ra bersikulo o yu̱ bersikulo (C).
Gä nuhu̱ ʼna ejemplo, Apocalipsis 21:4 ne dä ma ge “nuʼä Apocalipsis geʼä ra libroʼä, ʼne nuʼä 21 geʼä ra kapituloʼä, ʼne nuʼä 4 geʼä ra bersikuloʼä”.
